شباب وربي قريت خبر نكد عليا حياتي

شوفوا الخبر ذا من الجريدة


انتهت وزارة العمل من المرحلة الأولى لمشروع ” حافز” بفرز أولي للمتقدمين واستبعاد متقدمين لا تنطبق عليهم ضوابط صرف الإعانة – بالتعاون مع الجهات الرسمية – ومنهم متوفين وطلاب في مراحل التعليم العام و الجامعي وموظفين في قطاعات********> إضافة إلى أسماء مكررة .<<<<<<<<<<
صرح بذلك حطاب العنزي المتحدث الرسمي لوزارة العمل واضاف أن الوزارة رصدت فى الفترة الماضية الفرص الوظيفية بالقطاع الخاص للاستفادة منها في تحقيق أهداف المشروع .

وقال أن التوجه الحالي يتمثل فى تقليص البطالة بشكل كبير بين الشاب السعودي وبالتالى ستطرح الوزارة في المرحلة القادمة عدد من فرص العمل والتدريب بعد استكمال بيانات المتقدمين لمشروع ” حافز “.


..........................................



طيب انا كنت طفشان من حياتي وكارهها الين ماجاء احلى يوم في السنة هذه وهو ملكنا الله يحفظه ويطول في عمره يأمر بقرارات منها قرار صرف حافز و أمر انه تتنفذ

ذيك اللحظة فرحت لانه ماتعرفون كيف كانت حالتي
لا وظيفة ........... كل مكان اقدم فيه يقولون نتصل ومايتصلون
لا تطوير لنفسي ......... كيف اطور نفسي وانا ماعندي فلوس الدورات ؟؟؟
لا وظايف عسكرية ............. كيف ادخل العسكرية وانا نظري ضعيف وماعندي فلوس اسوي عملية ؟؟؟

وربي كنت كاره حياتي

في الاخير يجي هذا وزير العمل الجديد ويقول استبعاد للاسماء المكررة !!!!!!!!!!!!!!!!!!!!!!!!!

طيب ياللي تسمي نفسك وزير وربي كنت قلقان اني ماسجلت عشان كذا سجلت 3 مرات بس بسبب انه راحت شهر كامل وماجاني الخطوة الثانية شككت اني سجلت في البرنامج فقمت اسجل ثاني
بأي حق ياوزير العمل تحرمنا منها ؟؟؟؟؟؟؟؟؟؟؟؟؟؟؟؟؟

قرار حافز مو قرارك انت وهي ماتجينا من جيبك

هي أمر من الملك الله يحفظه ويجب عليك انك تنفذه ..... مو تدور مليون حجة وحجة عشان تحرمنا منها وتدخل اللي عندهم واسطات

وزير العمل ياخوي وربي انه ماكنت ادري انه الاسماء المكررة حتحرمني من حافز وربي ماسجلت مرتين الا عشان اتاكد من اني سجلت
ليش تعقدنا انت ؟؟؟؟؟؟

ياخوي صندوق الموارد البشرية كل الوظايف اللي قالوني ياها يانجليزي ياحاسب ياخبرة يامدري وش
مو بيدي انه مالقيت وظيفة

انا حاعتبر نفسي ماسمعت كلامك المفاجئ وحاحاول واحاول ادور عن وظيفة واذا مالقيت وجاء شهر 1 من عام 1433 وماعندي لا وظيفة وكمان ماتعطوني من حافز اللي تشملني اللي ابو متعب الله يطول في عمره أمر فيها

حاروح الامارة واشتكي وارسل برقية لملكنا الغالي عشان يعرف باللي تسويه انت ياوزير العمل

ماقول الا الله يرحمك الف رحمة ياوزير العمل السابق وربي ماكان يعقد الناس مثل وزير عمل الحين

مايصير عشان اسم مكرر تحرمونه من الاعانة ..... الاعانة مو حقتكم يامكتب العمل
الاعانة هذه امر من ملكنا الغالي ولازم تنفذوا امر
يعني عشان اسم مكرر تحرمونا ؟ وربي هذا قهرررررر وخبر كان زي السم في قلبي يعني لا حافز ولا وظيفة ؟

الف رحمة عليك ياوزير العمل السابق غازي القصيبي وربي كان له معزة في قلبي لاني اشوفه يساعد الناس ومايسوي قرارات تعقد العاطلين
مو مثل وزير العمل الجديد عادل
ارجو ثم ارجو انك تعيد قراراتك وتحذف قرار الاسماء المكررة ماياخذون من الاعانة مايصير ثم مايصير والله حرام
طيب اذا حرمتني من الاعانة قلي وين اروح ؟؟؟ لا عسكرية تقبلني عشان نظري ضعيف ولا شركة تقبلني بسبب المفاضلات قلي وين اروح ؟؟؟؟؟؟؟؟؟؟؟

انت انتظر لشهر واحد واذا كان اسمك مستبعد روح وراجعهم وقول انك سجلت مرتين بالخطأ وانك ناسي والله يفرج همك ويرزقك باللي تتمنى

طيب الي يسجل عن طريق الجوال وعن الطريق الموقع يحسب مكررولا كيف .؟؟

انا سجلت مرتين مرره عن طريق الجوال ومرره عن طرق الموقع واول يوم فتح فيه الموقع قبل التاريخ الفعلي
اللهههههههههههههههههههههههههههههههه يستر

وش رايكم ؟؟؟


اخواني تكفون واحد يعلمني كيف ارسل برقية للملك ؟

واذا رحت الامارة كيف اشتكي على وزارة العمل ؟؟؟
امانة واحد يعلمني

الله لا يوفق الوزاره اللي ذلت شعب بومتعب