موضوع شامل عن حـافـــز [ البدء في بث الرساله الثانيه لتسجيل البيانات ]

قلبي لك · #**1311** (**permalink**) 16-03-2011, 04:34 AM

وش السالفه ياناس سارت حكايه اللي يسجل يسجل مره وحده اما بالموقع اوالجوال
اذا جاكم شعار القبول معناته بياناتكم تمام ووصلتهم
بشرط يتم التسجيل مره ثانيه في حال عدم وصول شعار القبول لكم

قطاع الباسك · #**1312** (**permalink**) 16-03-2011, 04:35 AM

جرب وشووووووووووووووووووف ؟؟

هوووري · #**1313** (**permalink**) 16-03-2011, 04:52 AM

اقتباس:

المشاركة الأصلية كتبت بواسطة فزقلبى

شكرا لك. لقد تم استلام طلبك. سيتم التحقق من بياناتك والرد عليك بعد الانتهاء من معالجة طلبك. الرجاء عدم التسجيل أكثر من مرة.

وشو الحل
وهل اقدر اسجل خوانى وهلى من جهاز واحد كمبيوتر او لا ؟؟

أخوي
عدم التسجيل أكثر من مره >>> يقصدون إنك ماتسجل برقم هويتك الوطنية أكثر من مره

بالتوفيق

قلبي لك · #**1314** (**permalink**) 16-03-2011, 04:56 AM

اقتباس:

المشاركة الأصلية كتبت بواسطة فزقلبى

شكرا لك. لقد تم استلام طلبك. سيتم التحقق من بياناتك والرد عليك بعد الانتهاء من معالجة طلبك. الرجاء عدم التسجيل أكثر من مرة.

وشو الحل
وهل اقدر اسجل خوانى وهلى من جهاز واحد كمبيوتر او لا ؟؟

هذه رساله تفيد بان تسجيلك تمام ووصلهم باقي يتاكدوا من بياناتك

عادي تقدر تقدم ان شاءالله للملكه كلها من جهازك مافي مشكله

وعد مانساك · #**1315** (**permalink**) 16-03-2011, 05:08 AM

اقتباس:

المشاركة الأصلية كتبت بواسطة فزقلبى

شكرا لك. لقد تم استلام طلبك. سيتم التحقق من بياناتك والرد عليك بعد الانتهاء من معالجة طلبك. الرجاء عدم التسجيل أكثر من مرة.

وشو الحل
وهل اقدر اسجل خوانى وهلى من جهاز واحد كمبيوتر او لا ؟؟

هههههههههههههههههههههههههههه

انت تستهبل والا جاد

لا انصحك كل واحد له جهاز

كم الوقت · #**1316** (**permalink**) 16-03-2011, 05:11 AM

ياشباب فكونا من الكلام الي ماله داعي انت حر نفسك سجل مرة واحد فقط اما عن طريق الموقع او الجوال وحتى لو عن طريق الموقع يقولك بيتم التحقق والى مايعرف يقرا يشتري له نظارة وماهو لازم تسجل لافي صندوق الموارد البشريه ولاغيره انت سجل وانتظر الين ينتهي الحصر وبعدين شف وش يطلبون وبعدين ترا وزير العمل مطلع صفحه بخصوص الموقع وش كبرها على موقع الوزارة ياخي اقرا انت ويها بدل ماتنط على طول تسجل وانت ماتدري وين اذنك _____تحياتي

فاضي لعيونكم · #**1317** (**permalink**) 16-03-2011, 05:50 AM

انا سجلت يوم الثلاثاء الساعه7 بليل اعيد التسجيل مره ثانيه او ارسل ع الجوال

كيف الطريقه ردوا عليه لان يقولون يبداء الاربعاء

كيمييائية · #**1318** (**permalink**) 16-03-2011, 06:10 AM

مبرووووووووووووووووووووووووك

الف الللللللللللللللللللللف مبرروووووووووووووك عليكم الاعانه

ماصدقت صراحه لحد ماشفت الموقع بعيوني << وحده تحسبهم بيعطونها 10000دينار قصدي ريال

اماا اشاعة التدرجات في اسعار الاعانه كأنكم تقولون لهم احنا فكرنا وانتو نفذو

تراهم مايصدقون على الله

طيب سؤال لو سمحتوووو

زميلتي اتوظفت قبل يومين في شركة خاصة كول سنتر << ياحيف على الوقت اللي بناتنا صارو فيه كول سنتر

المهم هي في فترة تدريب وتاخذ مكافئة 1000 ريال ولما تتثبت يصير الراتب 1500

تعتبر عاطله ولا ماتعتبر عاطله ؟؟!
يعني اذا شركتها مو مسجلة في التأمينات بيكفشونها ولا لا

ياليت تجاوبوني الله يخليكم

الله يسعد ايامكم ~

الأمل م · #**1319** (**permalink**) 16-03-2011, 07:07 AM

السلام عليكم ورحمة الله
بدخل بالموضوع على طول حاولت اسجل عن طريق الجوال مثل ماقالو
وارسلت رقم الهويه
بعد ماتأكدت من صحته وكانت النتيجه
ردولي رساله يقولون (للتسجيل الرجاء ارسال رقم الهويه)
رجعت ارسلت وجاني نفس الرد ماادري ايش السالفه
وليش مايقبلون تسجيلي قلت يمكن عشان سجلت الساعه 3 ونص بالليل
او عشان شريحتي من غير اسم
المهم طنشت الجوال ورحت على الموقع على النت وسجلت والحمدلله ضبط
بس الحين سؤالي هو :هل لازم اسجل بموقع الموارد البشريه ووزارة العمل ؟
لأن ماسبقلي التسجيل بأي من مواقع التوظيف ..
سجلت مره وحده بوزارة الخدمه المدنيه قبل سنتين
وتسجيل السنه الماضيه فاتني يعني مااتوقع تحدثت بياناتي ...
ويمكن لو دورولي على بيانات ماراح يلقون
الحين ابغى رابط التسجيل اللي مايطلبون فيه رقم الآي بان
تبع رقم الحساب سمعت انهم يطلبونه ومو عندي الرقم ....
ابغى اسجل بالموقع الثاني اللي مايطلبون فيه الأي بان
ايش الموقع اللي مايطلبون فيه الآي بان بالتسجيل ؟؟
ان شاء الله تكونون فهمتو عليه