هذي فكره حلوه يعني من الحين الى السنه الجايه ماراح يكون شئ اسمه بطاله والكل راح يتوظف

والمعنى التسجيل ببرنامج حافز فرز جميع العاطلين الباحثين عن العمل ووزارة العمل راح تبعث للباحث عن العمل وظيفه تناسبه في خلال سنه

وخلال سنه من تسجيله ببرنامج حافز ولم يجد عمل يستحق الاعانه راح تصرف له اعانه 2000ريال الى ان تجد الوزاره له عمل تناسبه
هذي هي الفكره بشكل عام وصراحه مجهود طيب

ربي يطول بعمرك ياابو متعب ويخليك لنا

حسبي الله ونعم الوكيل

هذا اكيد كلام الفقيه


طيب لنا سنين مالقينا وظيفة جات على هذي السنه

لو للي حديثين التخرج نقول ممكن

اما احنا خلاص ,, 3 سنين اكبر دليل اننا مالقينا وظيفة

يافرحة ماتمت

بالقوه مايبغونا نستفيد من الاعانه

طيب مو هم قالو بعد 3 اشهر ؟؟؟؟

السلام عليكم
سؤؤؤؤؤؤؤؤؤؤؤؤؤؤؤال
هل فيه صرف اعانه هذي السنه؟
او بس العام القادم

بالعكس اخواني شي حلو يبحثون ويجبون الاقطاعيين في القطاع الخاص بإيجاد وظائف بشكل عاجل
والعزف على وتر الوطنية التي يتشدقون بها هؤلاء الاقطاعيين ..
فإعانة 2000 ريال ليست افضل من راتب شهري وخبرة وإمكانية إيجاد وظيفة في مجال افضل بعد مرور سنة
فكلما تقدمت بالدراسة وكلمها عملت كثير في القطاع الخاص ستنفتح لك ابواب وفرص اكبر من عاطل يبحث عن عمل
الله يوفقنا لما يحبه ويرضاه

ايش هذا القهر يا فرحه ما تمت

طيب يعطونا اعانة حتى السنه الجايه والله حرام عليهم قالو 3 شهور قلنا طيب نستنى

لكن سنه حرام عليهم طيب اذا ما حصلنا وظايف خلال سنة ايش نسوي

والله من سمعت الخبر صار لي صدمه قهررررررررر سنتين عاطل وبرضه نصبر سنه ثالثه

"سبق" تزف البشرى : راتب الشهرين يشمل المتقاعدين


سلطان المالكي - سبق - الرياض : علمت "سبق" من مصادر خاصة أن أمر خادم الحرمين الشريفين بصرف راتب شهرين لكافة موظفي الدولة من مدنيين وعسكريين يشمل المتقاعدين .

من جهة أخرى أوضح وزير المالية أن الأمر الملكي بصرف مكافأة شهرين لطلاب وطالبات الجامعات ، يشمل الطلبة المبتعثين في الخارج .

العزيز راجو والاخت كيميائية ..
مثل ماتعرفون إن حتى لو تم صرف 2000 ريال هالمبلغ ماراح يسد ادنى إحتياجات المواطن والمواطنة وهذه خاضعة لشروط منها الجدية في البحث وعدم رفض اي توجيه لشركة خاصة
فأكيد سمعتوا إن في جدة تقدم 900 شخص لمكتب العمل وتم توجيه 450 منهم إلى شركات في هذه الفترة البسيطة
يعني إن شاء الله راح يكون فيه وظائف .. وفيه حد أدنى لا يقل عن 4000 ريال وفيه تشديد على الاقطاعيين والتشديد على طلب العمالة الزائدة وإنهاء خدمات تؤبرني وشو هاظ الي مالهم شغل الا تطفيش السعوديين

انا متأمل كثير في هذه القرارات خصوصاً إن فيها حل جذري لمشكلة الاسكان وبالتأكيد البطالة حلها ماهو من قرار ولا حتى قرارين ومثل ماشفتوا في الخبر إنه مطلوب من وزاة العمل رفع تقارير للملك شخصياً يعني الدعوة اصبحت مشددة على المتلاعبين في السعودية واكيد بيطلب منهم فرز الوظائف المشغولة والشاغرة
أسف على الاطالة والله يطول بعمر ابومتعب ويشفيه ويعافيه ..