السلام عليكم ورحمة الله وبركاته

ياخوان انا تخرجت العام الماضي من الثانويه العامه تخصص علمي بنسبة 83 عام 1431

والى الحين ماقدمت بالجامعات بسبب ظروف صعبه مرت علي واللحين انا بعام جديد وودي اقدم

واشوف حياتي ومستقبلي لكن القدرات والتحصيلي طيحت نسبتي واجد والنسبه الموزونه صارت حول

السبعين يعني الجامعات ماراح تقبلني يعني اغسل يدك نهائي

والمطلوب منكم تساعدوني في اللي انا محتار فيه وهو

انا قدمت في الطيران المدني واختبرت قبل خمس شهور والنتايج تطلع قريب والله العالم متى شكلهم شاتوني

والحين انا عندي دوره عسكريه بالقوات الجويه معهد الدراسات بالظهران واذا تخرجت بعد سنتين ونص

يقولون باصير وكيل رقيب وفيه فرصه اني ابتعث امريكا لكن للاسف انا مالي رغبه بالعسكريه

فالله اكرمني وجاني قبول من سابك بس لازم اعدي اختبارهم وبعدها مقابه شخصيه وبعدها فحص

طبي يعني شغله مطوله يبيلها حول 5الى 6 شهور بس ابيكم تقولولي وش

اسوي وين اروح خصوصا اني بحاجه اني اساعد اهلي واتوظف بوظيفه زينه ترضيني وترضيهم فانتم

خيروني بين سابك والا القوات الجويه مع العلم اني خلاص مقبول بالجويه لكن سابك لسى مطولين

والله احترت وحيرت اهلي معي فتكفون لاحد يبخل علي بشي واللي يساعدني اكون ممنون له واللي

مايقدر الله يجزاه الف خير واسف اذا طولت عليكم

اخوي بما انك ماتحب العسكريه لماذا قدمت عليهم؟؟؟؟؟؟؟؟؟؟ وبالنسبه للجامعات الان كثرت واصبحت تقبل حتى بالستينات لاتخااااااف ............بالمناسبه ااذا انت مالك فالعسكريه نصيحه لاتتورط بالمعهد بالرغم ان المعهد مستقبل حلووو ولكن بنهايه المطاف تبقى عسكري............. اتمنى لك التوفيق من كل قلبي

مشكور اخي جيرتس ماقصرت

واذا على سؤالك ليش قدمت عسكري

تعرف ضغوط الاهل والاصدقاء يقولون ليش عاطل قدم هنا وهنا لاتخلي شي من حرصهم الزايد الله يحفظهم

يارب ويحفضك وجميع المسلمين يارب

من يقول أن الجامعه ماتقبل نسبة 70 ؟ اخوي الحين يدرس سنة تحضيريه ونسبته بالقدرات 65 , عموماً ابعد عن العسكريه وانت بخير , قدم على الجامعه إلى ان تطلع نتيجتك بسابك وان شاء الله يقبلونك .. وفقك الله

اذا مالك رغبة بالعسكرية
قدم على الجامعه
واستمر فيها

عليييين تضمن قبولك النهائي في سابك
واسحب ملفك من الجامعه
وروح لسابك



ولاتنسى الاستخارة ياخوي


والله يوفقك

[align=center]
الله يوفقك يارب ..وييسر لك امورك


[mark=#FF9999].[/mark][mark=#FF9999] لا إله إلا الله ,, فدا العسكرية [/mark][mark=#FF9999].[/mark][/align]

شـكرا لك وبارك الله فيك... لك مني أجمل تحية .

مشكورين ياخوان ونستنى ردود باقي الاعضاء

من رأيي إنك تروح المكان إللي إنت مقتنع فيه وتوكل على الله لأنو إزا رحت لمكان مقتنع فيه حتتحمل كل شي يحصلك فيه لكن إزا شي متغصب عليه راح تشتكي لو من الهوا اللي مر عليك فيه
وبرضو استخير الله قبل ما تروح ومحد بياخد غير رزقه
بالتوفيق لك

طيب استخير شوف فين يكون نصيبك وارجع لرب ناس وانا اخوك