لي شهر في الوظيفة وتمنيت اني مادخلت والسبب @@

ابغى ازعل · #1 (**permalink**) 25-02-2011, 05:07 PM

السلام عليكم ورحمة الله وبركاته

كيفكم جميعا .. ان شاء الله تمام

مثل ماهو موضح بالعنوان قبل شهر تقرييبا اتصلت احد البنوك وقالوا خلاص مبروك انقبلت عندنا

المهم وقعت العقد وحطوني ع البند ( مارسموني باقي ) يقولون خلال 3 اشهر بنرسمك

المهم خذيت ع بالي ان كلامهم صحيح والراتب 2500 ريال

وعند الترسيم 4800 ريال وتأمين طبي
وبدل سكن و و و

المهم داومت اول اسبوعين بما ان مكتوب في البطاقة المصروفة لي ( مدرب )

لا هذولا اخوانا في الله دربوني اسبوع وسلموني العمل واتصالات ع العملاء

بما ان اللى جنبي مثلي ونفس شغلتي ونفس عدد العملاء اللى معي بس مرسم وياخذ 6000 ريال

المهم سالني قالي كم كيف قدمت و و و و سالني راتبي قلت 2500 ريال

استغرب قال بس !!

قلت انا يقولون بعد 3 اشهر نرسمك ويصير راتبك 6000 ريال مع كل شي

استغرب وقالي

شفت هذاك ..

قلت اي وش فية .. قال هذاك له 5 سنوات لحتى الان ماترسم

قلت معقولة !!

قال اي والله .. وشفت هذا .. قلت وش فيه بعد .. قال له سنة ماترسم بس زادو رواتبهم 1000 ريال

وانت المفروض مايعطونك هذولا العملاء .. المفروض خلال الـ 3 اشهر يدربونك وبعد 3 اشهر تستلم العمل

بصراحة رجعت البيت .. وكلمت اهلي بخصوص هذا الموضوع الا انهم رفضو .. اشتغل فيها احسن من جلسة البيت

.. قلت طيب مو مشكلة تروح الايام ويروح مستقبلي واخرتها يقولي البنك مع السلامة

مثل الاخ اللى له 5 سنوات كان الحين خلص الجامعة واذا ماصار ملازم بعد

بس انتم وش رايكم .. بما ان لدي شهرين قدامي لحتى الترسيم ..

هل انتظر الـ شهرين واشوف اترسم ام لا لا .. او فصلت من الحين والله يعيني من اهلي

بما اني متخرج من 1431 ونسبتي حلوة 91

الا ان الجامعة ماقبلت لي

والسسبب القدرات

.. حسبنا الله ونعم وكيل

ولدي شهادات حاسب الي بما انهم ما اهتم فيها البنك

يقولون كل شي بعد الترسيم

تكفون ابغى حل علشان اصحصح فيه وربي ما انام الليل الا واوسوس

واي صح اجلس الى ما اترسم ما اخذ ولا اجازة

حتى بكرة ماعندنا اجازة اللى امرها ابو متعب

والسؤال الاخير هل تشمل لي الاعانه اللى امرها الملك بصرفها للعاطلين ام لا ؟!

انا مدري حاليا لاني لست ع راس العمل ( متدرب)
امكن تحسب لي الاعانه وانا ماترسمت هل هذا صحيح

والله المسسستعان

لمعة المآسة · #2 (**permalink**) 25-02-2011, 05:14 PM

أخوي ..عادةً الناس تخّرب على بعضها ...

لا يهمك الكلام اللي قاله لك زميلك ...إنتظر حتى تخلص مدة تدريبك ..وبعدين تتضح لك الحقائق ..

وبالنسبة لمكرمة العاطلين أعتقد _والله العالم _ بأنها لا تشملك

موفق إن شاء الله

رحيلها مر · #3 (**permalink**) 25-02-2011, 05:28 PM

اخوي اذا انت مو على وظيفه حكوميه تشملك الاعانه لانك لسه ماترسمت ...
بقولك شي انا لي 4 سنوات استنى الترسيم ولا جاء ... بس نصيحه لاتترك الوظيفه الابعد ماتحصل وظيفه اخرى افضل باالتوفيق ان شاء الله....

راجو القحطاني · #4 (**permalink**) 25-02-2011, 05:30 PM

أحمد ربك
و اترك عنك الجامعة و تعبها و يمكن ما تستفيد منها شئ و استمر مع البنك
و حاولت في اكمال الجامعة بعدين اذا حبيت
و لا عليك من غيرك و ما زلت جديد متخرج 31 و لك شهرين فقط
البنك افضل من الشركات و الاجانب و التطفيش و كل يوم في مكان
اقل شئ عندك سعوديين و تفهمون و تتحملون بعضكم
إستمر ليس 3 اشهر 6 و سنة ما فيه مشكلة و راتبك يزيد لا مشكلة
و لا تستعجل على الترسيم لكن اسال و اجتهد
و يمكن الترسيم حسب اجتهادك و ليس المدة

ابناء الوطن · #5 (**permalink**) 25-02-2011, 06:34 PM

انا بقول لك شي

انتبه من تأثير كل الناس لأنهم يشتتون في العمل وخلك منصب علي الوظيفة والأخلاص بالعمل

وادرس تفرغ جزئي بجامعة اهلية معترفة بها بعد المغرب الى الساعة عشر جامعات كثير تطبق كلامي مثل جامعة الامير محمد والجامعة العربية المفتوحة وكثير من الجامعات

لاتتخرج بأربع سنوات خلها خمس او ست شوي شوي

بيكون معك خبرة حلوة وشهادة اخرا شي

صح بتتعب بس تذكر ان فيه ناس مغتربين عن اهلهم خمس سنوات وأكثر

خلاصة كلامي

كل كلامي العيال دخله منا وطلعه منا ولا احد ياثر عليك

ادرس جامعة بالمساء

حاول تكسب خبرة

جمع لك فلوس واستثمره بأرض

ترا التجارة فيها بركة

خريج وباطل · #6 (**permalink**) 25-02-2011, 06:41 PM

لا تتطلع نصيحه وربي بتندم وظيفه بالبنك احسن من الشركات
واذا ع الدراسه مسائي ماعندك اي اشكال

ابغى ازعل · #7 (**permalink**) 25-02-2011, 07:13 PM

لمعة المآسة .. ~

هذا اللى كنت مركز عليه .. ان لا يهمني كلام احد

الف شكرا لك يالغلا

من الحجاز .. ~

والله ياليت اذا تشمل لي الاعانه ع الاقل القطاع الخاص ماتضمن مستقبلك فيها
اكييد ماراح اترك الوظيفة الا لمن احصل وظيفة اخرى ولازت انتظر وظيفة الخطوط السعودية
او كملت الجامعة والوظيفة اتركها بالليل ..

الف شكرا لك يالغلا

راجو القحطاني ..~

الحمدلله على كل حال
صحيح البنك افضل بكثير من الشركات والمشكلة راحة في الدوام
من 8 الصباح لحتى 3 العصر ونص دوام يوم الخميس .. راح بكثير بس الخوف
بس المشكلة في الراتب والترسيم !! غيري يستلم بنفس عملي ولاكن براتب مرسم

الف شكرا لك يالغلا

ابناء الوطن ..
اي صحيح اخي مايهمني كلام احد نهائيا
بالنسبة للجامعات الاهلية مالها مستقبل نهائيا فـ افكر ادرس انتساب بجامعة عزوز
هذا اللى كنت افكر فيه انا .. اول ادرس بالصباح بجامعة سعود والبنك بالمساء لحين اضبط فترة جدولي
والله يعين

الف شكر لك يالغلا

خريج وباطل ..
صحيح اخي بس المشكلة راتبها شوي مايساعد

.. يعني 2500 ريال قليلة جدا جدا
ادرس جامعة بمكافئة 1000 ريال اصرف بشوي ولها مستقبل وشهادة اما البنك فقط متدرب !
ونقول ان شاء الله تشمل لنا الاعانه لحين نحصل وظيفة حكومية او دراسه بالجامعة

شكرا لكم جميعا يالغلا ..

ونسيت اقولكم ان الدوام من الساعه 8 صباحا الى الساعه 3 العصر
ونص دوام الخميس من 10 لين 2

خريج وباطل · #8 (**permalink**) 25-02-2011, 07:22 PM

اخوي لو انك تفكر فيها صح الحين متدرب 3 شهور وبعدها ترسيم

لو اقول انك ترسمك طيب لو تفكر فيها مستقبلا اكيد بتاخذ قرض من البنك ويحسبون لك فايده اقل لانك موظف عندهم بالعكس انت المستفيد مستقبلا
اقولك اياها وفي فمي مااااااااااااااااااء لاتترك وظيفه البنك

والدوام احلى كلام احسن من الشركات الثانيه بواجد

راجو القحطاني · #9 (**permalink**) 25-02-2011, 10:05 PM

القصد ركز على الوظيفة
اكثر من الرتسيم و زيادة الراتب
و لا تصبح فكرة الترسيم عائق لك و للتطوير نفسك في العمل
خل الترسيم ياتي بوقته و يمكن عمل و جهدك يسرع بالترسيم
و الجامعة خلها على راحتك حتى لو ما عملت بها
يكفي أنك درست و حصلت عليها و اسمك جامعي