أمممم وش تسوي ؟

مالي حظ بالجامعه · #1 (**permalink**) 26-02-2011, 05:11 AM

السسسلام عليكم ,

بيني وبين هالقسم قصّة عششق لن ولم تنتهي , لدرجة يوم مريت من عنده قبل شوي
وهو يقول قصيده يتغنى فيني :

مر علي تكفـىى يابعد كل الطوآيف
................. لك وحشه تعدّت كل هالكوون
إنت معك الآمآن وبدونك انا خايف
............... من بعدك كل المكان في سكون
أنت الوحيد تدري ومتأكد وعآرف
............... مكانك هنا يا فاضي مهما يكون

وش أنت يا إبن فطيس؟ , أشششششووه بس البيرق

مثل ماشفنا هالمقدمه السامجه , نتذكر عدة أمراض إجتماعيه قاتله
يعني فيه بخل ؟ فيه سماجه فيه غببباء .. لكن مثل مرضنا اللي بقوله لكم ماشفت

خلون أسدح لكم مثال :

شارع تمشي فيه سيارات < دآرين أجل سُفن ؟ , المهم صدمت ددسن !
لو نقول إن الشارع هذا كانت فيه 70 سياره , 69 من هالسيارات بيوقفون عنوده
المصيبه إن الددسن عنده دوريه وإسعاف يعني وشششششششششوله وآقفين ؟

مثال ثاني :
...............................................
ليش تضلل ؟ , أكيد عرفتوا وش أقصد ؟ من العنوان تحس بكميّة لقافه هائله
اللقافه الله يشفينا منها قولوا آمين ,
مرض مُزمن ومنتشششر إنتشار فاحش الثراء < هذا اللي يسمع بالكلمه ولا يدري وش معناته
قبل يومين يوم جيت من السوق وقفنا عند تفتيش وجنبنا جُمس يوكن فيه شاشه
المهم مهب مبين شي بس نور الشاشه , إخواني سعابيلهم لازقتن على درايش
الجمس بيعرفون وشششش يشغل؟

قبل شوي رحت للمطعم بتعشّى ومثلكم عارف شاري بلاك بيري وأهايط به شوي
المهم جنبي واحد والله إن عيونه جن بدال كيبورد الجوال لقافه شنيعه للأسف

هذي كله تهون إلا إذا كنت جالس مع عيال مثلا بالمقهى ولا الإسترآحه ويجي واحد بكل بجاحه ووساعة وجه
يسئل يقول من تسولف معه ؟ < أركض بوجهه ؟ ادخل رجلي بفمه وأركض ؟
ولا يلف خشته على شاشة اللاب بيشششوف وش آدخل , يعني من جد لقافه قاتله

::

إلى متى يا ملاقيف ؟ إلى متى وحنا نتلقف بالأسئله أو بالتصرفات ههههههه
في نظرتي علاج الملقوف إنك تكون معه صريح ..

يعني إذا سئلك قل له : وششششش دخلك ؟ ,
إذا حسيت إن فيه نظرات لقافه كل اللي تسويه : تعطيه نظره حآده زي كذا >
أما لو نسلك لهم والله إن تبلشون يعني بتقول وش نسوي لازم نعطيهم جوهم ؟
بقول لك الله يعينك على مبتلاك ومصيبتك ولك مع العذاب واللقآفه ميعاد

ترى فه فرق بين الفضول واللقافه , يعني مثلا محل مكتوب :
معرض فاضي ! وبس مآكتبت لـ إيش؟ , يجي ويدخله بيشوف وش فيه هذا فضول ..
أو مثلا شاف حلقه على قنآة الحيوانات عن نوع من أنواع الحمير فـ عجبه الوضع ورآح يبحث بالنت
هذا شي جميل , اما لقافه مثل يوم يجيك وآحد يقول : إستلمت المكافأه ولالا ؟
سددت جوالك ولالا ؟ , والله بصيح كل مآتذكرت هالشكليات

::

ختاما ً < أخيرا ً فكيتهم من مصالتك المعهوده
اللقافه شي لابد منه ولا مفر منه , وراك وراك فـ دآهمهم وتهرّب قبل لا يدآهمونك (صورة الحوثيين محشورين بجبل) <

سؤال أخير /

نظرتك لللقافه ؟

اسير لعيونها · #2 (**permalink**) 26-02-2011, 05:26 AM

ياكبرها عند الله كل ذي مقدمات عشان السؤال الصغيرون ذا

بس مقدمات توسع الصدر الله يوسع صدرك بكل مكان وكل زمان

وندخل بتفاصيل السؤال :

هي اللقافة بيني وبينك مطلب اساسي في الحياة ,, مانكر ولا انت تنكر ولا غيري ينكر انه ماتلقف بيوم من الايام باي موقف

بس مانحس فيها انها لقافة الا من غيرنا اما اذا انت تلقفت تشوف الوضع عادي وحب استطلاع مثلا

بس في لقافة عن لقافة تفرق اذا تخصك بينك وبين اهلك او تجي من شخص علاقتكم سطحية بذيك الساعة ودك تشوته بلنتي يارجال

وبالاول والاخير هي عادة سيئة وانصح نفسي اولا وانصح شباب الاسلام بتركها والابتعاد عنها <<تحمست ودي منجد امسك مايك واتكلم هههههههه

موفق ياعسل