كتبتها بمنتدى اخر وها انا انقلها لكم الان
اكتب لكم وانا بجوارها وهي على سرير المرض بالمستشفى
.....................
الحمدلله على كل حال
اصيبت امي بورم في الامعاء واشتباه ورم بالقولون وغدد لمفاوية
ورم الامعاء اغلق طريق الطعام ولاعاد يتصرف الاكل
المسكينة لها اكثر من 7 اشهر تعاني اوجاع قوية وغثيان وقي مستمر ونحف شديد
حتى على الجوع والبطن فاضي ترجع وتستفرغ عصارة المعدة والبنكرياس والكبد الي ماتنزل بسبب
الكتلة الورمية في الامعاء
المهم
اخذناها لعدة مستشفيات حكومية وخاصة وكلهم يقولو قالون عصبي
ولازم تكون هادية وتبعد عن التفكير
والمسكينة تقول ماافكر وهم يقولو الا تفكرين وابعدي عن التفكير
المهم اليوم فقط اكتشفنا انها مصابة بورم في الامعاء الدقيقة واشتباه ورم بالقالون
وقال الدكتور لازم عملية استصئال للورام بعدين ممكن كيماوي
الى الان المسكينة ماقلنا لها شي والوالد ماخبرانه بعد
قلنا فقط انسداد معوي
انا الان اكلمكم من المستشفى مرافق مع امي من جوار سريرها
مركبين انبوب لها بانفها موصل للمعدة لسحب السوائل
والانبوب سبب الم لها بالحلق والتهاب بالاذن والله تقول كاني ابلع سكينة لما ابلع ريقي
وممنوعة من الاكل والشرب على هالوضع لها 3 ايام
فقط عايشة على مغذيات
وللاسف عروقها تسددت لدرجة ان المغذي ماعاد يمشي وتنتفخ اليد
كل يوم يغيرون مكان المغذي ويبحثون عن عرق جديد
الممرضة تقول ماما انا اسف مايمشي مغذي لازم غير
ويجلسون يغززون الابر فيها حتى يلقون مكان يمشي فيه المغذي
ويوم ومايمشي المغذي ويضطرون يغيرون مكانه وهكذا
حتى يدها راحت سمراء ونقط من مغز الابر
ياربي رحمتك يارب
كل يوم اموت الف مرة لما اطالع فيها واشوف وجهها المسكينة وتقول متى اسوي العملية واخلص وارتاح
ماتدري انها مصابة ...
اشوف وجهها الان وكيف المرض نحف بجسمها وعيونها غارت ولونها سمر وجلدها نشف
وكيف كانت قبل وردة على كبر سنها كان الناس يقولو هذي بنت عشرين مو في الخمسينات
كيف كل الناس يتكلمون فيها واناقتها ونظافتها ببيدتها وعيالها وشياكتها
ياربي تكفى اشفها
اعيش خوف وقلق كل يوم واطلع فيها واحبس دمعتي
وهي تخطط وتقول ان شاء الله اذا تشافيت بدور لك بنت الحلال الي تسعدك
ماتدري ان سعادتي بشوفتها
اكتب لكم وعيني تدمع
دعواتكم لها
27-02-2011, 05:18 PM
العرض المتطور
