يا كثر فلوس السعوديين ...


العالم من حولنا ازمات و ديون وانهيارات والناس تفقد وظائفها ...!


وحنا عكس العالم ...!




...




المولات و الاسواق زحمة بشكل خيالي و الناس فوق بعض ...!


اسعار الاراضي و العمائر و العقار في ارتفاع مجنون واغلبها في الصحراء ...!


لا و من زود البطره يعملون استرحات عبارة عن سور وفيه كم غرفه ويقولون استراحة وتباع بكم مليون وتستأجر على طول ...


...




شركات السيارات تعلن عن خسائر و المغفلين في الانترنت يعملون حملة " خلوها تصدي " ...



ومع ذلك تنتظر بالاسابيع لين تجيك سيارة الناس بالدور وتدفع مقدم حجز زيادة عشان لا يروح عليك الطلب ...
وفي الاخير جاهم الصدأ هم و حملتهم ...!



...




الناس تشتكي من غلاء اسعار الاتصالات وعندنا 3 شركات كل وحده عملاءها بالملايين واغلب الناس عنده من موبايل الى 2 او 3 او 4 ...!


حتى البلاك بيري صار عند الاطفال و الامهات تتطمن على الولد من الشغاله عن طريقه ...


اسعار العمالة المنزليه في ازدياد والبيوت مليانة منها ومع ذلك تلقى البيوت تشتري يوميا اكل من برا او تاكل برا ...



واللي يحيرك اكثر...!


انهم يشتكون من غلاء الاسعار و ان الديون ذابحتهم ...!


وبالاخير يدورون واسطة عشان قرض جديد ...


...





وعلى الرغم من كل بيت في اكثر من سيارة تلقى زحمة على الرحلات الداخلية وكلهم يشتكون ويسبون في الخطوط ...!


وفي الرحلات الدوليه اذا جت اجازة اتحداك تلقى مقعد فاضي ...



واللي اغرب من كذا...!


ان فيه 8 مليون اجنبي قاعدين يغرفون فلوس ولا ياخذون قروض وعندنا شباب بالملايين قاعدين شغاليين حسد وكره بالاجانب ...




...




في السياحة 4.5 مليون سائح يعني ربع الشعب ...
يسافرون برا السعودية...!
ومعدل الانفاق 60 مليار ...



...



طبعا ما انسى الحيوانات ...!


البعاريين بالملايين تنباع ...!


اغلى فحل و اغلى تيس و اغلى دجاجة و ارخص انسان ...





ومع ذلك يتكلمون عن البطالة و الفقر ...!!!



فيه شيء غريب جدا ...