قصتي من الصفر حتى الوظيفة ثم الإنتكاسة والعودة من جديد

لي سنين أتخيلك · #21 (**permalink**) 28-02-2011, 10:14 AM

إلعن أم التشووويق

عجل علينا

فقير إلى عفو ربي · #22 (**permalink**) 28-02-2011, 10:42 AM

موفق بإذن الله ... لك مني أجمل تحية .

صمايل صمايل · #23 (**permalink**) 28-02-2011, 12:59 PM

شاكر للكل تواجدكم

وآسف للتشويق

معليش لأن الواحد وراه عيالات ومدام .......

المهم الحين نكمل معاكم فصل ثاني

" قرار حاسم "

بعدها توقفت لأسباب خاصة .....وتغيير الدوام في العمل الحكومي

توقفت حوالي سته شهور .....في وقتها بديت أفكر في الزواج ، وازنت بين اللي جمعته خلال الفتره وبين مواصلة العمل الحر ......

اللي عندي يكفي للزواج بس عندي إخوان وأم وأب محتاجين رعايه

في السته شهور الثانيه من السنه .....شريت لأخوي سياره - أكملت علاج الوالد والوالده - زبطنا البيت شوي - ...........بالمختصر المفيد
بقى عندي من المبغ حوالي العشرة آلاف بس

بعدها وصلت إلى حد التقشف .......صار مصروفي في الشهر حوالي ٥٠٠ ريال فقط ......... والحمد لله خلال هذي الفتره ارتفع الراتب إلى ٤٥٠٠ ريال .

تحول القطاع الحكومي إلى شركة ........وإرتفعت الرواتب .......وجاء معها مميزات وتسارعت الأحداث

في شهر رمضان من نفس السنة كان معانا واحد محتاج ، فكلمني إنه يشتغل معي في أي شي .

عندها قررت العودة للعمل الحر ......لاحظت الأردنيين اللي يوقفوا على الشوارع ويبيعوا الحلويات ، وقفت عند واحد منهم وسألته :- هذي الحلاوة أردنية ؟؟

رد :- شو يا زلمه هاضي اردني ميه الميه تفضل جرب .

وياليتني ما جربت ......اسبوع إسهال

قمت ورحت لسوق الجمله في الدمام ولفيت وسألت .....لين طحت على السر .

الحلاوة والشقلاطه كلها انتاج سوري ميه بالميه واللي يصير إنهم يفرغوها في كراتين تحمل انتاج الأردن .

عرفت الأسعار وقررت إني ابدأ مع صاحبي خصوصاً إني أرجع من العمل ويبقى على الإفطار حوالي النص ساعه بس .

إشترينا كبدايه بألف وخمسمية ريال ....شقلاطه - حلويات - تسالي

الساعه ثلاث ونص هو يبدأ يبسط بالبضاعه في سوق شعبي وأحياناً في سوق التلفزيون .....وأجي له بعد خروجي من العمل

وإستمر الحال حتى وثقت علاقتي بصاحب محل حلويات - والله يشهد إنه ما قصر معانا - جزاه الله كل خير

وكان تعاملي معاه ...عندي فلوس أشتري ....ما عندي إسمح لي ما آخذ دين متعلق بذمتي .

وكانت الأمور ماشيه تمام التمام ......يومياً نبيع بمعدل ١٥ كرتون بالمفرق .......الكرتون يكلف حوالي ٧٠ ريال .....فيه ١٠ كيلو

البيع كان بأرخص من السوق بريالين ...... ٢ كيلو ٢٥ ريال

في يوم ٢٣ شهر رمضان جاني واحد وقت الفطور وكانت لحظة غضب منه - الله يسامحه - .....بنبرة صوت أعوذ بالله منها قال لي :- شوف انت ، تراك مكسر علينا تجارتنا .....إذا ما بدك توقف راح تدفع الثمن غالي .

رديت عليه :- الله يسامحك .....مثل ما الأغنياد يشتروا من باتشي وغيره .....الفقراء اللي مثل حالتي كيف ياكلوا يعني ؟؟

= وانت شو دخلك في الفقراء ؟؟ كول لي ، شو دخلك ؟؟

رديت عليه :- وانت جاي من الأردن للسعودية وبدك تتحكم في هذي الشغله يعني ؟؟

= راح تشوف .

أنا :- أعلى ما في خيلك إركبه .

صاحبي في هذا الوقت خاف ، يقول لي :- هذولا بليه ليش قلت له هذا الكلام .

علمته السبب بعدها .

كنت متفق مع صاحب المحل إني راح آخذ بضاعه بسعر رخييييييص
وبكمية كبيره وكان السبب إن واحد من الأردنيين ضرب عليه بضاعه بقيمة كبيره وعلقه بمبلغ حوالي الخمسة آلاف ريال

كان العرض إنه راح يعطيني الكرتون ابو ١٠ كيلو بسعر ٣٠ ريال
وهو أقل من سعر التكلفة بس علشان يضرب سوق الأردنيين ويخليهم
يتأدبوا معاه .

وبالفعل أخذت من عنده حوالي ٢٥٠ كرتون بس كان تحدي شديد

في اليوم الثاني نزلنا البضاعه ، تفاجأ صاحبي بأن الأردنيين يبيعوا بسعر التكلفة

وصلت له وكانوا واقفين مقابل المكان اللي نجلس حنا فيه ويبيعوا الكيلوين بسعر ١٥ ريال

قلت لصاحبي ....اليوم راح نفدي به بس بكره راح نضربهم .....بالفعل يوم ٢٤ ما بعنا الا يمكن ٥ كيلو ورجعنا بالبضاعه والأخماس تضرب في راس صاحبي في الأسداس

علمته عاد في الليل عن الخطه .......ورحت معاه للتاجر وأخذنا بعد ٢٥٠ كرتون إضافيه وما بقى معاه في المخزن إلا تقريباً ٥٠ كرتون

في اليوم الثاني نزلنا البضاعه ......والشباب كانوا مجهزين نفسهم قدامنا ......أول ما بدأ البيع كانوا ينادوا بصوت أشبه بالميكرفونات ......... كرب كرب وتفضل كيلوين ب١٥ ريال

قاموا يناظروا فينا ...... ( أنا أخذت إجازة في وقتها علشان بس أحافظ على وعدي مع صاحبي إني راح أكسر راس اللي هددني )

وقفت على كرسي وقمت أنادي ( الزين عندنا والشين حوالينا ....قرب وتفضل ٢ كيلو بـ ١٤ ريال ) واللي ياخد كرتون بس بـ ٥٠ ريال ) والبيع للمواطن وبس واللي على راسه بطحه يتحسسها

وما وقفنا الا على الأذان وكان فطورنا ذاك اليوم في السوق ، طبعاً ما نزلنا الكمية كلها ...... كنا ننزل خلال ايام ٢٤ - ٢٥ - ٢٦- ٢٧ - ٢٨ كل يوم بس ١٠٠ كرتون ما يبقى منها شي والحمد لله رب العالمين

في يوم ٢٨ جانا واحد من " المتعيشين " وطلب من عندنا ٥٠ كرتون
أخذت من عنده المبلغ مقدماً بسعر ٣٥ ريال وكلمت التاجر حجزت من عنده الباقي اللي في المخزن

يوم ٢٩ كلمني صاحبي يقول :- هاه ، تجيب بضاعه ......قلت له ....خلينا بس نجلس في السوق باقي عندنا عشره كراتين من المفرق اللي نفتحهم علشان الوزن ....... نبيع فيهم على الراحه
قلت له خليك ذكي لو اشترينا الحين كميه وما صرفناها راح تبقى عندنا ، وإحنا الحين نحمد ربنا على نعمته .

في ذاك اليوم طبعاً تشبعت السوق والإخوة اللي قدامنا واقفين يناظرونا ...بقى عندنا ثلاثه كراتين ...... خلطناهم

وهذي أول مره نودي البيت شقلاطه ...... وبقى كرتون وزعناه على الشباب اللي يبسطوا معانا في السوق كل واحد ربع كيلو تقريباً

في خلال شهر رمضان كانت الأرباح من الحلويات .....

دفعنا كل واحد ١٠٠٠ ريال .......راس المال ٢٠٠٠ ريال

نهاية الشهر نصيب كل واحد ٥٠٠٠ آلاف

وكل عام وانتم وهم بخير

اليوم نكمل لكم بعد ما تزوجنا وش المشاريع اللي اشتغلناها بعد .