بسم الله الرحمن الرحيم


هو انا استاهل والا ما استاهل وانت تستاهل والا ماتستاهل ؟! <~ كرره خمسه مرآت

اليكم هذي السالفه

-

قالت لي انها قدمت على الديوآن وقدمت في المدارس الاهليه
وقدمت في اغلب القطاعات الخاطه
بس مالها نصيب في شي
وتشكي وتبكي وقلت لها <~ لاتشكي لي وابكي لك

قلت: لها عن الي بيساعدها وبيوظفها ويحل امورها وتنقز من محلها
قالت: اجيب ملفي اجل
قلت: لا ارسليه له مايحتآج تعطيني شي <~ صار وجه البنت كوذآآ

مسكتها وسميت عليها من الروعه والصدمه
قلت: يآحبيبتي
الحين لو انك ماخذتي شهاده هل تتوقعين انك بتتوظفين ؟!
نطت في وجهي وقالت لا اومآآ عآآآد مستحيل انا جامعيه ولا حصلت
قلت ليه طيب فيه نآس متوظفين
قلت: طيب من يسر لهم وسهل لهم هالوظيفه
قالت: هذا رزقهم

قلت: بسسسسسسسسس

الحين الي في يده رزقك ينآآآديك في كل يوووم ويقول
تخيلي انه ينزل لك وينآآديك اذا انت محتآآجه شي او نآقصك شي
" إنّ الله تعالى يمهل حتى إذا كان ثلث الليل الأخير ينزل إلى السماء الدنيا فيقول:
هل من تائب فأتوب عليه ؟
هل من مستغفر فأغفر له ؟
هل من سائل فأعطيه ؟
حتى يطلع الفجر " رواه البخاري ومسلم

تخيلتي ان مو ملك من ملوك الدنيا ولا وزير ولا مدير ولا احد من هالناس
تخيلي الله بعظمته الله بجلالــــــــــة يقولك اذا عندك حآجه تعالي واشكي لي وبعطيك مطلبك

البنت سكتت وكآنها ماعجبها كلامي
قلت: لها كأنك مو مصدقه !!!
قالت: لالالا بس انا دايم ادعي

قلت: لها طيب انت تستحقين اجابة الدعوه
وتعصصصصب علي وتقوولي : ليه ويش شايفتني الحمدالله احسن من غيري
انا عاد الحين وجهي صار تسذآآآ <~ اووم الثقه اجل انت احسن من غيرك

فعلا مشكلتنا نا كل واحد يزكي نفسه ويشوف نفسه انه كمآل وان كل الي يسويها هفوآآت

قلت : الحين مو انت تبين الوظيفه والخير يمطر من كل مكان
قالت : اي والله ابي <~ قايلتها من قلب
قلت : طيب الله قالك
(ومن يتق الله يجعل له مخرجآ ويرزقه من حيث لايحتسب )
الله سبحآنه يقول اذا جعلتي بينك وبين عذابه وقآيه و كل صلاة بوقتها ترضين والدينك وتبعدين كل الذنبوب ابشري بالخروج من كل ازمه والرزق
قالت : طيب انا عندي ذنوووب الله بها عليم والله كل يوم يجي احمل ذنووووب
قلت: طيب الحل سهل
(فقلت استغفر ربكم انه كان غفآرا يرسل السماء عليكم مدرارا ةيمددكم بأموال وبنين ويجعل لكم جنات ويجعل لكم أنهارا )
الاستغفار مايآخذ منك شي وتقدرين تستغلين كل دقيقه في وقت للإستغفار بس ابليس بيهبطك وبينسيك بس انت كوني حريصه

حسيت ان طوولت بالكلام قلت لها :
شوفي هذي اسباب قبول الدعاء شوفيها
موانع إجابة الدعاء
هنـــا
يوم قرات موانع الدعاء قالت :
تدري شلون ربي بيستجيب لي
صلاتي اجمعها اذا صحيت من النوم - طوول وقتي افلام ومسلسلات ويليتها مسلسلات عاديه
لا فيهم لبس محتشم وكلها حب وحركآآت قلت ادب - اغآني لين انآآم - غير معاملتي السيئه لولديني - غير الحش والكلام على الناس في المجلس - غير الشباب الي مظيفتهم في اميلي -
وغير لبسي اذا طلعت ومافيه حشمة -
يآآصبر الله علينآآآ لاوبعد نطلب وندعي
كيف نقصر مع ربنا ومع هذا هو كريم ويعطينآآآآآ

قلت هذي تهووون
الحين لو اخوك لاسمح الله يبي تبرع كليه وجاء جاركم له
وتيش بيكون موقفكم منه ؟؟!!
قالت بحمآآآس : بشيله فووق رآآسي ومستحيل ننسى له هالمعروووف
قلت : طيب انت الحبن جسمك سليم وماتشكين من شي وكل هذا بفضل ربك
فكرتي انك بهالحمآآآآآس تشكرين ربك ؟!
ماتدرين انه سبحآنه يقول
(وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ )
يعني اذا شكرتي ربك ابشري انه بيجيك زود واذا جحدتي مارح تشوفين الا النكد
حتى لو جاك رزق مارح تتهنين فيه وحيآتك مليآنه مشآكل

مو انت تقولين ان صديقتك دايم تساعدينها ومع ذلك مابين بعينها
ولا شفت منها خير ؟؟!
شلون حسيت ان صديقتك جآآحده وحقديتي عليها
حتى لما اتصلت عليك قلتي هذي المصلحجيه اتصلت وماردتي عليها
طيب الله سبحآنه منعم عليك ولا شكرتي وزيآده جحدتي
شلون بعد تبين الخير والحيآة الزينه ؟؟!!

انا ماقولك تصيرين ملتزمه ومتشدده لكن فكري بعقلك
اتركي في يومك بصمه رآآئعه
ارضي ربك واشكري له ارضي والدينك وطيعيهم
وابعدي عن الاغاني والافلام والمسلسلات الي كله استعرآض وحركآت جريئه
ابعدي عن الاغاني الي تقسي قلبك وتخليك جريئه في عمل المعاصي
روضي لسانك على الاستغفار وذكر الله الي تطهرك
من هالذنوووب الي بسببها غضب ربك واظلمت دنيآك
خلي عنك الكلام في الناس والحشش من كثر حسناتك توزعينها على النآس
كل صبآح صلي لك ركعتين الضحى ماتاخذ منك شي استمري على السنن مع الفروض
تصدقي كل اسبووع بريآآل
حاولي تجمعين الخير من اي مكآآآآن


سكتت وسررحــت تفكر في حالها
ودعيت لها بالهدايه

واخلي كل واحد منكم يتفكر في حاله
ويعرف ان مصيرك تقدر تحدده انت بنفسك
لا تعتقد ان فيه دوله او ملك او وزير او اي جهه تنمع رزقك
لو ماكتب لك الله رزق مستحيل تاخذه حتى لو بعد حين
لذلك ابدى من نفسك واصلح حيآتك
و
اختآر اما طريق الاتقيآء والسعاده او طريق الاشقيآء