السلام عليكم ورحمة الله وبركاته

حسبي الله على كل مسئول في الضمان يلعب ويتلاعب بحقوق المعاقين ..

قبل سنة كان يمشي لي ضمان وبعدها انقطع وتعذبت سنة كاملة على شان اجدده ..

وكل شوي يعطوني امل بإنه راح يمشي لي بحكم انني معاق ..

لكن حسبنا الله على الظالم يوم يأكل حقوقك ويقول انت تستطيع العمل ..

انا ماني ماخذها من جيبك كلها من الله ثم ملكنا الغالي ..

وانت على اخر عمرك تجي تحرمنا حقوقنا ليش ..

ابغى اعرف وين المسئولين عنهم ؟

وين الرقابة ؟

وين الخوف من الله ؟

ليش وش ذنبي يوم غيري اشوفه ماهو معاق وياخذ وياكل من خير الله ..

وانا ما اشوف الا القهر والعذاب والتعب ..

الله لا يسامح كل مسؤول يلعب في مشاعر اي شخص معاق ..

والله ان دعوتهم مستجابة وياويلكم من ربكم يوم تعاملون المعاقين بأسوأ صورة وتحرمونهم من حقوقهم ..

والله يشهد على كلامي انكم ماراح تتهنون بكل شيء يصير لهم بسببكم ..

حسبي الله ونعم الوكيل ..

اسئل الله العلي العضيم ان يشفيك ويرزقك
بافضل رزق وافر رزق من الرزاق وحده لاشريك له ..
اخوي احيان يمر علينا معامله سيئئه من بعض مكاتب الضمان
ولاكن بغيرها تمر نفس الحالات بسهوله ...اذا انت مستحق راسل
الوزاره ع ايمييلهم موجود عند الاخوان واكتب شكواك لهم ..
باذن الله اذا لحق حق بتاخذه ...

السلام عليكم

لو سمحتم أبي موقع مكتب الظمان الاجتماعي لرجال في الرياض


باسرع وقت

شوف وانا اخوك مثل هذه المعلومة ليست مستغربة على بعض المكاتب لكن اذا عندك اوراق واثباتات راسل الوزارة وصدقني ماتخسر وانا مجرب هالشئ
يبقى شئ واحد اذا هم يطالبون بتحويل الناس الى دكتور او الى اخصائي لتحديد الاعاقة لماذا الشحططة لبعض الناس فربما ياتيك رجل يمشي ومافيه الا العافية وتظن كذلك واذا به مرض مزمن لايستطيع ممارسة الاعمال الشاقة فهل سيحدده مكتب الضمان ام الطبيب وبحكم انك معاق شفاك الله وايانا وجميع اخواني المسلمين توكل على الله واتصل الوزارة وراسلهم بالفاكس واذا استطاع احد ان يوصلك لمكتب الوزارة وتقدم شكوى وطلب فافعل ولاتترك حقك يضيع مع تمنياتي لك بالشفاء

اسال الله ان يرزقك انه على كل شيء قدير... لايحق لهم ابدا رفضك مهما كان وعليك بالدخول على المدير وترك الموظف طالما انك تقول سنه الان .... هناك من وصلته البطاقه في بيته وهو جالس لاحول ولاقوة الا بالله ......

الله يجزاكم خير في حسن تعاونكم معي ..

انا عندي يوم السبت القادم موعد في الرياض

لو اراجع الوزارة هناك هل راح يساعدون ام لا ؟

وين مكانها ولمين اروح ؟

مكتب الضمان الاجتماعي قسم الرجال بحي الغرابي

انا عندي يوم السبت القادم موعد في الرياض

لو اراجع الوزارة هناك هل راح يساعدوني ام لا ؟

لأن المكتب اللي في منطقتي رفض قبولي في الضمان واللجنة الطبية موافقة عليه ..

ارجو افادتي من الاخصائي