قيادة المرأه للسياره بيد اسرتها على لسان الامير سعود الفيصل

عفاف · #1 (**permalink**) 04-11-2007, 03:05 AM

في مقابلة للقناة الرابعه البريطانيه رد الامير سعود الفيصل على سؤال عن قيادة المرأه للسياره

بإن هذا قرار راجع لاسرتها وليس للدوله وللمزيد طالع الرابط

http://www.alwatan.com.sa/news/newsd...=2591&id=27371

عفاف · #2 (**permalink**) 10-11-2007, 12:27 AM

غريبه ما فيه ولا وحده تبي تسوق علشان ترد

دلوعة خالتها · #3 (**permalink**) 10-11-2007, 01:02 AM

لا والله فيه...
بس ردود الفعل المتخلفه اللي بالجريده نفسها... سدت نفسي
انا ياما علقت على هالموضوع الين ما مليت من تكرار الكلام..
فيه ناس رافضه الموضوع جملةً وتفصيلا وما تبي تفهم

سؤال.. المرأه تمشي بالشارع... ما الفرق ان حملتها مركبه وضلت تمشي ولكن وهي جالسه... اضف انها تكون بوضع لا يسمح للرجل الا بمشاهدة نصفها العلوي فقط ؟؟؟!
سؤال آخر.. السيارات بوقتنا الحالي بمثابة الجمال والأحصنه بعصر الرسول صلى الله عليه وسلم وقد كانت النساء تمتطيها.. ما المانع ان نمتطي السيارات الآن ام انكم أيها المعارضون اكثر فهماً للدين من الذين عاشو تلك الحقبة من الزمن ؟؟؟!

وعلى فكره ترى انا آخر بنت بالمملكه ممكن تسوق بس الساكت عن الحق شيطان أخرس ولو اني على يقين ان هناك أُناساً سقرأ كلامي وسيقولون اني شيطان مجاهر بالفسق وقد اُتهم بالعلمانيه ايضاً !!!

أبو زياد · #4 (**permalink**) 10-11-2007, 01:31 AM

اقتباس:

المشاركة الأصلية كتبت بواسطة دلوعة خالتها

لا والله فيه...
بس ردود الفعل المتخلفه اللي بالجريده نفسها... سدت نفسي

انا ياما علقت على هالموضوع الين ما مليت من تكرار الكلام..
فيه ناس رافضه الموضوع جملةً وتفصيلا وما تبي تفهم

وش تبينا نفهم ؟

اقتباس:

المشاركة الأصلية كتبت بواسطة دلوعة خالتها

سؤال.. المرأه تمشي بالشارع... ما الفرق ان حملتها مركبه وضلت تمشي ولكن وهي جالسه... اضف انها تكون بوضع لا يسمح للرجل الا بمشاهدة نصفها العلوي فقط ؟؟؟!

الفرق انها تمشي بالشارع قدام الله وخلقه.. وين بتروح يعني؟

السوق؟ عند جارتها؟ أبعد مكان تقدر تروحه مايتعدى 2 كيلو

وبعدين لو ساقت سيارة تتوقعين بيكون نفس المشاوير؟

أكيد لا.. راحت مكان بعيد وصار لها مشكلة.. وش بتسوي؟

اقتباس:

المشاركة الأصلية كتبت بواسطة دلوعة خالتها

سؤال آخر.. السيارات بوقتنا الحالي بمثابة الجمال والأحصنه بعصر الرسول صلى الله عليه وسلم وقد كانت النساء تمتطيها.. ما المانع ان نمتطي السيارات الآن ام انكم أيها المعارضون اكثر فهماً للدين من الذين عاشو تلك الحقبة من الزمن ؟؟؟!

الفرق انها كانت في زمن الرسول.. فيه ناس تغض البصر وتعرف حدودها

والمرأة وقتها كانت تطلع للحج والا العمرة والا الهجرة والا لأي مكان طال عمرك بدون ماتتجمل

بس لو سمحوا للبنات بالقيادة هنا أتحداك لو طلعت البنت بدون ميك أب والعيون الكحيلة

والسالفة مايبي لها فقه ولا شي .. السالفة يبي لها وعي..

الحين انتم ماتسلمون من الشباب في الأسواق.. وش رايك لو وقفتي عند اشارة .. وش بيكون وضعك لو وقفت بجنبك سيارة والإشارة مافيها ولاواحد.. سيارتك وسيارته بس.. وخلينا نقول انه قليل أدب وضرب سيارتك .. بس علشان يحتك.. وش بيكون وضعك؟

اقتباس:

المشاركة الأصلية كتبت بواسطة دلوعة خالتها

وعلى فكره ترى انا آخر بنت بالمملكه ممكن تسوق بس الساكت عن الحق شيطان أخرس ولو اني على يقين ان هناك أُناساً سقرأ كلامي وسيقولون اني شيطان مجاهر بالفسق وقد اُتهم بالعلمانيه ايضاً !!!

أتمنى انه مايسمحون بقيادة المرأة.. بل أسأل الله تعالى انهم يقفلون الموضوع هذا للأبد.. ناقصين زحمة في طريق خريص احنا؟

اختي.. حاولي تغيرين من قناعتك هذي.. والله راح تصير بلاوي لو تسوقون في السعودية.. لو دولة خليجية بقول لك اوكي. بس السعودية لا.. تدرين ليش؟؟

عاداتنا وتقاليدنا غير. والا تبغون يصير الوضع تدريجي. الحين تسوق البنت وهي منقبة والا مبرقعة

بكره تسوق وهي ملثمة.

بعده تسوق وهي كاشفة وفاسخة الحيا؟

اذكروا الله بس.. والمفروض النساء هم أول ناس يرفضون قيادة المرأة.. مو الرجال

جانيت · #5 (**permalink**) 10-11-2007, 01:37 AM

بناااااااااات
عالخاص...... عالخاص

الشرافي · #6 (**permalink**) 10-11-2007, 01:38 AM

أنا مع قيادة المرأه السياره اذا الدين يسمح
افتوني الدين يسمح قلت لكم كيف ووشلون وماذا

جانيت · #7 (**permalink**) 10-11-2007, 01:41 AM

اقتباس:

المشاركة الأصلية كتبت بواسطة الشرافي

أنا مع قيادة المرأه السياره اذا الدين يسمح
افتوني الدين يسمح قلت لكم كيف ووشلون وماذا

ما أعتقد فيه قانون ولا فتوى شرعيــــــة
تمنع قيادة المرأة للسيارة
يعني لو نسوووووووووق ماحد راح يكفشنا

*مشـK.S.Aــمشــ* · #8 (**permalink**) 10-11-2007, 01:52 AM

اقول اللي راح ينبسصوا من سواقة المراءة
الشريطية(اصحاب محلات السيارات) راح يدبلووون الاسعار
هي الاسعار الحين مرتفعة كيف بعد سواقتكم يالحريم
وعن السواقة في حريم محتاجين لان ماعندهم احد يوديهم ويجيبهم (مقطوعين من شجرة)
لكن اذا سمحوا اتمنى ان يكون للحريم المحتاجين زي اللي تشتغل دكتورة ومدرسة وماعندها اخوانها ولازوج يوديها (ولا تبونها مع السواق)
الموضوع محتاج نقاش طوووووويل وان الصراحة ماني فاضي لدوشة الراس
الللي تبغا تسوق خلوها على راحتها هي وأهلها هم اللي راح يدفعون الثمن
واللي ماتبغا تسوق ( عقلها هو العقل السليم)

ام وصايف · #9 (**permalink**) 10-11-2007, 02:13 AM

~~لساااااااااااااااا ماانتهينااااااااااااااياماهذرنا في ها الموضوع ~~
{}{}{}{}{اناااااااااااا مابي اسووووووق اناااااا مَلِكة }{}{}{}{}

دلوعة خالتها · #10 (**permalink**) 10-11-2007, 03:05 AM

اقتباس:

المشاركة الأصلية كتبت بواسطة عاشق الريم

وش تبينا نفهم ؟
أبي المعارضين يفهمون الحق

الفرق انها تمشي بالشارع قدام الله وخلقه.. وين بتروح يعني؟

السوق؟ عند جارتها؟ أبعد مكان تقدر تروحه مايتعدى 2 كيلو

وبعدين لو ساقت سيارة تتوقعين بيكون نفس المشاوير؟

أكيد لا.. راحت مكان بعيد وصار لها مشكلة.. وش بتسوي؟
وبالسياره بعد بتكون قدام الله وخلقه والا يعني بتحط على السياره طاقيه اخفاء كبيره

واكيد بالسياره نفس المشاوير

((والا بدون قياده سياره تقدر تروح مشاوير بعيده باللموزين لو تبي))
والبنت المحترمه ما بتروح مشاوير بعيده بدون محرم سواء بسياره او بدون

الفرق انها كانت في زمن الرسول.. فيه ناس تغض البصر وتعرف حدودها
الفساد البشري موجود منذ الأزل وسيبقى للأبد
وكلنا يعرف قصه قابيل وهابيل..
الفساد البشري لا يحكمه زمن او جغرافيا

والمرأة وقتها كانت تطلع للحج والا العمرة والا الهجرة والا لأي مكان طال عمرك بدون ماتتجمل
بس لو سمحوا للبنات بالقيادة هنا أتحداك لو طلعت البنت بدون ميك أب والعيون الكحيلة
لا تعليق

والسالفة مايبي لها فقه ولا شي .. السالفة يبي لها وعي..
ولله الحمد والمنه

الحين انتم ماتسلمون من الشباب في الأسواق.. وش رايك لو وقفتي عند اشارة .. وش بيكون وضعك لو وقفت بجنبك سيارة والإشارة مافيها ولاواحد.. سيارتك وسيارته بس.. وخلينا نقول انه قليل أدب وضرب سيارتك .. بس علشان يحتك.. وش بيكون وضعك؟
بوجهة نظري اري السياره اسلم من المشي بجانب الذئاب البشريه
لأني داخل السياره استطيع النفاذ بجلدي بسرعه وسأكون بمأمن على نفسي وممتلكاتي كون السياره مغلقه

أتمنى انه مايسمحون بقيادة المرأة.. بل أسأل الله تعالى انهم يقفلون الموضوع هذا للأبد.. ناقصين زحمة في طريق خريص احنا؟

كل دول العالم المرأه تشاطر الرجل بالقياده ولن يحدث الإزدحام الا هنا ؟؟؟!!!
كان الأجدر بالمعارضين منع المراهقين من قياده السياره بسرعه جنونيه تودي بحياة الأبرياء وليس منع المرأه ...ام ان لوأد البنات تبعيات ما زالت تقبع في عقول الناس ؟؟؟

اختي.. حاولي تغيرين من قناعتك هذي.. والله راح تصير بلاوي لو تسوقون في السعودية.. لو دولة خليجية بقول لك اوكي. بس السعودية لا.. تدرين ليش؟؟
للأسف من الصعب ان اتنازل عن قناعاتي ومبادئي

لأني اراها سليمه

عاداتنا وتقاليدنا غير. والا تبغون يصير الوضع تدريجي. الحين تسوق البنت وهي منقبة والا مبرقعة
عاداتنا بالإمارات اشد وانا اتكلم عن الإماراتيين الأصليين وليس الإمارتيين بالتجنس..
صحيح اني اعيش هنا واحمل الجنسيه السعوديه ولكني على علم بأحوال بلدي.

بكره تسوق وهي ملثمة.

بعده تسوق وهي كاشفة وفاسخة الحيا؟

لا تعليق
ومتى كانت السياره شماعة الحياء؟؟؟؟؟؟؟؟!!!!!!!!!

اذكروا الله بس.. والمفروض النساء هم أول ناس يرفضون قيادة المرأة.. مو الرجال ا
لا اله الا الله... لو كنا نرى فيها ما يضير كنا بالفعل اول المعارضين
نتبادل الحجج والزمن الحكم

والله العظيم يا اخي الكريم لست اطالب بقياده المرأه للتحدي او الترفيه
انما هي حاجه وجب تطبيقها..
ولست بهذا المنبر اطالب بهذا الحق الا للنساء المحترمات اللاتي أُعطين ثقةً هن اهلاً لها بإذن الله ان تقود بضوابط شرعيه وعرفيه مثل القياده بعد سن الثلاثين وتصريح ولي الأمر للفتاه ووجوب وجود محرم للمسافات البعيده و....الخ

ارجو تقبل ردي مراقبنا العزيز بصدر رحب

تسجيل الدخول

قيادة المرأه للسياره بيد اسرتها على لسان الامير سعود الفيصل

إستراحة الأعضـاء

في مقابلة للقناة الرابعه البريطانيه رد الامير سعود الفيصل على سؤال عن قيادة المرأه للسياره بإن هذا قرار راجع لاسرتها وليس للدوله وللمزيد طالع الرابط

قيادة المرأه للسياره بيد اسرتها على لسان الامير سعود الفيصل