مذكرات عآطلة فلــــــــــــــة,,’’,,’’

أأأوووم الفلة · #1 (**permalink**) 01-03-2011, 12:48 AM

السلام عليكم
في يوم من الايام كانت الساعة تشير الى 4عصرا
جا الجد
كنت مرة مالة مااغير ادور بها البيت طالعة نازلة مادريت ايش اسوي المهم مالقيت قدامي الا هالمصرقع التلفزيون شغلته وجلست على الكنبة
جلست افرفر بهالقنوات لين داخ الريموت بعدين حصلت قناة مغبرة جايبة كرتون سالي
جلست اتفرج عليه والحلقة كانت يوم ذاك الهندي ماغير يجيب لها اكل وشموع وحركتتات ونمت وما حسيت على نفسي
شوي سمعت صوت احد يصحيني سالي قومي يالله بسس نوم ماشبعتي قلت في نفسي خييييير وش تحسين فيه اي سالي اي خرابيط انا نوره ماني بسالي (نوره للتمويه فقط)
قالت اقولك يالله اصحي الحين بتجي انسة منشن وتمعط شعورنا انا سمعت منشن ولاماسمعته فزيت من مرقدي زي الحصان
المهم اخيرا دخلت في الجو وعرفت انه صدق مو حلم قالت فيكي يالله نروح نغسل المواعين
الموية كانت مرة باردة ليش ماعندهم سخان مثلا؟؟؟؟؟
جا الخدام الدبي يقول سالي روحي البقالة اشتري خبز عصبتوصحت فيه قلت له لاوالله وش شايفني عندك ليش ماتروح انت مع هالكريشة تقول غشمشم
قال بتروحين ولا انادي الانسةمنشن قلت خلاص كله ولا هالعجوز امري لله
طلعت الا وذا بيتر في وجهي قال وين رايحة قلت للبقالة عندي شي اسويه غير تمتير هالشارع رايحة جاية
قال بوصلك علشان لااحد يتليقف عليتس من هالبزران قلت خلاص
رجعت البيت الا وصوت هالعجوز مالي البيت تنادي علي سالي وينتس فيه جعلتس الماحي
قلت الله يستر وارقى الدرج لمها وقلت نعم ايش تبغين
قالت روحي نظفي غرفة لافينيا ورتبيها قلت لها طيبوبصوت وأأأأأطي الله ياخذ عمرتس ان شاء الله
دخلت الغرفةوكانت الست لافينيا جالسة هي وخوياتها قالت يالله ياشغالة نظفي غرفتي ابغاها تلق من النظافة قلت لها وش شايفتني اسوي العب بلاي ستيشن مثلا؟؟؟؟
قالت لاتستخفين دمك اخلصي نظفي ياخدامة يا...........سبة قويـــــــــــــــــــــــــــة
ماتحملتسويت لها حركةمن حركات جاكي شان وبوووقس في بطنها طاحت غشيانه ماهي سالي اللي ينقالها هالحتسي
خافوا خوياتها قلت وانتو والله لو يوصل خبر للعجوز معطت شعوركم وسدحتكم جنبها فاهمييين
قالوا فاهمين وشردوا
نزلت تحت لقتني فيكي قالت بيتر برا يقول يبغى يتكلم معتس
طلعت لقيته معصب قلت خير ايش فيه قال انا مابغاكي تعيشين في هالبيت اللي دايم يعذبونك ويهينونك
قلت له ماعليه بصبر ايش اسوي
راح بيتر وهو زعلان وانا انادي عليه بيتر بيتر بيتر احبك
ماحسيت الا طرأأأأأأأأأأأأأأأأأأأخ في راسي قومي قومي
قمت مفزوعة اشوف خيال عجوز تصحيني اقول انسة منشن ممكن تضفين وجهك
طرأأأأأأأأأأأأأأأأأأأأأخ مرة ثانية وش منشن ووش بيتر قومي يمال الهاري من اللي كنت تقولين له احبك حبتك القرادة فتحت عيني الا وهي التيتة اللي مصحيتني ودريت اني كنت احلم قلت لها كنت احلم فيك ياجدة
قالت قومي نظفي الحوش وكنسيه
ياربي مارتاح لاهنا ولاهنا
هذي مذكراتي فلاوية خربوطية اتمنى انها تعجبكم