سلام عليكم
ما تتصورون قد ايش مستانس وطاير من الوناسه .. من زود الوناسه رحت لـ عيال الحاره وجمعت قسايمهم عشان أسددها لهم .. الحمدالله يارب أني توظفت في أرامكو من بعد معاناة 7 سنوات يالربع 7 سنوات عاطل لا شغل ولا دراسه .. راحت 7 سنوات على الفاضي لو أني وقتها متوظف حارس أمن ولا في محل خضره وجمعت الراتب وتزوجت كان الحين عندي ولد كبركم .. الصراحه هالوظيفه جتني من واسطه كبيره وماقدر أذكرر لكم منهو اللي توسط لي .. الوكاد يالربع أن صحيت من النوم على رساله من جوالي فتحت الجوال لقيت الرجال اللي متوسط لي راسلي كولمي دقيت عليه قلت له نعم شتبي مصحيني على هالصبحيه !! قالي أعجل تعالي لقيت لك وظايف مهيب وظيفه طبعا من سمعت كلمة وظيفه قفلت في وجهه ورحت له بدون ما أغسل وجهي والغمص مغطي عيوني ولابس قميص نوم .. ركبت السياره احاول اشغلها ما أشتغلت اثاري مافيها بنزين نزلت من السياره ورحت لـ شارع العام وأقرب تكسي ركبت معه ووداني لـ خويي .. رحت عند خويي قلت هاه وين الوظايف اللي مزعج أم أم أمي فيها !! قالي الحقني على المكتب لحقته ودخلني في مكتب فخم وش اقولكم عن المكتب تكفيكم العروه حقت باب المكتب لو تجمعون فلوس الراجحي + الاهلي + البلاد ما جابو قيمة العروة حقت الباب .. المهم انا أنصررعت يوم شفت الرجال اللي بـ يتوسط لي .. انا عندي استعداد أتخيل أن هندي ولا بنقالي يصير ملك على السعوديه بس ما عندي استعداد أني أتخيل أن هالرجال بيتوسط لي .. جاني الرجال قالي يا عبيد تعال أجلس .. رحت وفسخت نعالي وجلست عليها ( نظام طعوس ) خويي قبصني مع كتفي وقالي الكنب جنبك تروح تجلس على نعالك .. انا أنصدمت وقلت له ياخي هذا مهب كنب هذا سرير الرجال عيب اجلس فيه .. قالي خويي ياطعس هذا كنب مهب سرير الله يلعن أبو المطعسه انت حدك ترمس ولا مركى تجلس عليه .. الوكاد اني جلست على الكنب وجاني الرجال واعطاني سحله(غضاره) وفيها أوراق .. قالي هذي الاوراق فيها وظايف أخلطهم وأختار لك ورقه وبنشوف وش تطلع لك الوظيفه .. طبعا الوظايف اللي موجوده ( كابتن طيار - مهندس - حارس أمن - دكتور - ارامكو - تطلع بعثه لـ أمريكا ) خلطت الاوراق يمكن حول 30 مره وأخذت ورقه يوم فكيت الورقه طلعت ( أرامكو ) والحمدالله الرجال ظبط وضعي ووظفني في أرامكو ومن الاسبوع الجاي ان شاء الله بباشر الدوام .. وشكراً