[ALIGN=CENTER][TABLE1="width:95%;background-imagerl('https://www.btalah.com/mwaextraedit2/backgrounds/87.gif');border:4px outset white;"][CELL="filter:;"][ALIGN=center]
بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين

السلام عليكم ورحمة الله وبركاتة


وَ بعد إليكم مشاركتي البسيطه في هذه الفعاليه الشمطاء من المنظمه الأم وثيقه متلحفه ..
والأبن البار وزير البطاله


ولكم المشاركه طمعاً بأن ترتقي لأذواقكم ..




(( السلسله الدراميه للحياه العزابيه ))




[IMG]http://img105.******.com/2010/12/10/699354479.jpg[/IMG]




مستاجر لي شقه فوق فوآل عبدالقادر السوداني عاد عبدالقادر ذا فله ألحاله , كاتب له لوحه إذا خلص الفول عبدالقادر ما مسئول ولا جآ هـ الصبح .. أنواع البواري (( طاط - بيب )) وبوري 200 إل غاص قيييق .. يدبل تسبدي بوري هـ الـ 200 إل



بوري التريله بـ حّل عنه .. تحس إنه يزن في مخك وهو غاص .. لا عاد لو تشوفون راعي هـ الميتين إل تسنه ذا ..

ولا هدأت الأوضاع .. حول الساعه ثمانيه ونص .. روحت إلى عبدالقادر أبلحق على الفول عقب الزحمه ..


أنا / سلام يا عبدالقادر

عبدالقادر / آآآي مرحبا يا آآآآ أخينا آآآآآآآآآآآي .. يا خي ما شايف اللوحه , ما تيجي بدري ليه دآير شنو يا زول .


أنا / والله يا عبدالقادر أنا من أسمع هالبواري عندك أعيف الفول كله ’

عبدالقادر / ما عليه يآ أخينا داير تيجي للزول مكي وهو يعمل ليـك اللي أنتآ رايدوه

أنا / أقول عطني فول قلابه بس قلبو وجهك من زين فولك عاد أجيك بدري .

عبدالقادر / ما ياخي تتكلم على الفول كيذا دآير أشيلك بملاس فول الجره ’ أخلي عيونك مثل مغاريفو .

أنا / أقول أعقب لا أحطك مكان هالصاج المحلّي . هابو هابو ذا الراس .

عبدالقادر / واللهي يا ماجد أني بحبك , في الله يا زول لزالك ’ راح أسامحك المره هاذي آآي

أنا / يا حبي لك بس أنت فولك أها عطني فول بريالين




:

:


ويستمر يومي المعتاد في المناقر مع عبدالقادر .. في البدايه إلى إسماعيل راعي المغسله البنقالي ’ والمجالد بيني وبينه ,حيثُ أنه دايم مضيعً لي فنيله ومرتً سروال ومرتً طاقيه

ومره حاطً لي وزرة بنقالي .. يقول هذا شماغك هابو هابو أنت بنقاليه

عقبها نمر على دكان حسن الهندي ,, الهندي ذا بطرآن أنواع التسجيل ولا يقول شيء
سجل وأمش بس أتحاسب ما تحاسب بكيفك , أهم شيء عنده الأخوه والصداقه


تسجيل دخان على بطاقات سوآ , حتى السفاري تسجيل أبوووووتس عيشه

الوكاد شهريً يطلبني 900 نوب 1000 حول هالقيمه

المهم تقل إني مستاجر لي فوال وبقاله ومغسله مع هـ الشقه .. أنواع الخدمات كأنك با الشيرتون



يدق الجوال / نغمة نوكيا المعتاده تلالا لا لولي تالولولولوه


هلا دحدوح

هلا يا النقص وينك فيه

والله توني صاحي أبفطر تعال خاشرني

خاشرك اللي ما يآويلك أخلص , أنا شوي وأبجيك نبي نروح لنا مشيوير يحبه قلبك

طيب يالله هذاني شوي وأخلص

طيب أنا جايك طبالين تولم

طراخ سكر السماعه


شوي .. لا البوري تحت طرااط

يا ذآ الأزعاج يدق بوري يدق جوال , أروح قبل يطلعون اللي فالعماره يحسبونها حالة إستنفار

ياخوي أنت علامك أنواع الأزعاج لا جيت ..

أنا قايل لك أخلص خلك مرتز عند الباب ماهوب أتدلخ من الفول وأقعد ساعه أتحراك

هاه وش عندك مشغلني وش مطيرك طيب

أركب وأعلمك يّ السمرمدي

عسآ به صييييده

هاهاهاهاهاهاها أقول ألبخ بس .. أسمع نبي نروح لنا يم رجال مرسلني عليه واحد أعرفه يقول إنه يتاجر في البورصه العالميه ونبي نشوف الوضع وشلونهُ يمكن نعطيه دراهم إنتشارك معه .

من صدزك أنت تبيني أنجلط تكفي الديون اللي علي , تبيني أروح أناكخ الراجحي مرتً ثانيه وأمعط لي قرض

يا رجال ما عليك إن شاء الله تزيين الأمور ونصير من ذا التجار وكل يوم لنا بديره إنتمشى ونعرس وتشتري لك عايدي بدال الجمس اللي كل يوم خربان

[IMG]http://content.******.com/53d2de00-3c17-411c-a339-77a640ec1eb5.jpg[/IMG]

عاد أنا نقطة ضعفي عند الحاجات ذي . عايدي أروح في خرايطها ويبدأ المشروع يبحبش في رويسي ,

قعدت أتمحص وأفكر ما دريت إلا اللي لفعني أبك شف اللي جمبك


وأناظر يمين إلا ذيك العيون اللي تخلي الواحد يبترم يبترم ويطيح مغشيً عليه .. ويروح في غيبوبه تسع سنوات إلا شهر

دحدوح /أبك هذا وووويش , أفتح أفتح الدريشه

أنا / يّ ولد صاحي أنت ذي راكبه بانوراما لا تطلع من الله الله

دحدوح/ يا رجال أفتح هاذي تناظر أكيد إنها معجبه

أنا / وش تعجب فيه طعوس أثنين وراكبين لهم كامري , حرام لو إنها شغالتهم ما أعجبت فيك


دحدوح / يا أخوي أفتح الدريشه ,

أنا / وأنزل الدريشـه .. ويبدآ دحدوح يقصد



يا هيه شوفيني .. وأنا جمبتس
مزيون تبطين .. تلقين مثلي


وأنا أردد ورآه

يا هوه ما هو على خبرتس
خبلن يشابه فلبيني


ما درينا إلا فتحت الدريشه


وهي تصبرني وأنا أصبرها , وهي تصبرني وأنا أصبرها

وأنا أقول لها


لا تشخصين العين ما أنتي قويه
دوبك على نفسك ترانا مهابيل
:
لا تشخصين العين حالك بريّه
هذا تشوفينه سطآ يذبح الحيل
:
من أول با الناس ما فيه زيه
واللحين روح بين هم وغرابيل
:
يا عنق ريمً في ملاقآ عطيه
يا ملاحيه الورقى بضم المواويل
:
غضي من الطرف الجميل برويه
قدام لا نشعل من الحب قنديل




طلعت شاعره غضيرة العود

قالت

أثنين وأشبه با الوجيّه برديه
واحد يجيب الهم شوفه على النيل

والثاني أشهب في ملاحآ خويه
ضرسه تعدآ الوجه تسنه سماعيل

سواق اللي أبرق العين فيّه
أبرك من وجيه النشامآ العواقيل

سكر دريشك أنا بنتً صطيه
ماني من اللي تلتفت للمساطيل



قال دحدوح

يا بنت تفرق شمس للبندريه
وأنتي مديره للعنا والبهاذيل

الزين ما يكمل بليا حليّه
بنتً لها في ماقف العز تبجيل

من فعل أبوها مستوى الطيب زيه
ما هو من أصحاب المظاهر دواغير

قدمي الأشاره وأفتحت يا سرويه
وحظك عناك الشوق يمي وأنا أميل


عاد فحط دحدوح بالكامري (( آآآآآآآآآآآآآىحححححححححووووووووو ))

روّحنا , وجينا سلمكم الله عند رفيقنا اللي حنا رايحين له ,



أنا ودحدوح / السلام عليكم

أبو منصور / وعليكم السلام حي الله الشباب أكيد أنتم من طرف أبو ثامر

دحدوح / أي نعم من طرف أبو ثامر وجايين بخصوص الموضوع اللي كلمك عنه

أبومنصور / حياكم الله أستريحو بس أنادي البنقالي يجيب القهوه ..

جلسنا وقام أبو منصور يعطينا من ذا الصلخ وعن الأسهم وكيف تكون لك راس مال وأن الشغله سهله وكلام كثير تعبت وأنا منتبه الوكاد ما لكم في الطويله

مشينا

وفي العوده

دحدوح / ماجد أنا بدخل فالأسهم وش رايك تدخل معي

ماجد / والله يا دحدوح أنا فاصل الريوس وكلام الرجال قبل شوي أن إذا دخلنا بتجينا دراهم واجد ونصير هوامير وعلومً طيبه فا هذا شيء لا يعلى عليه بس البلا كاني خسرت

دحدوح / ما عليك يا رجال إن شاء الله ما من خساير


ماجد / أجل توكلنا على الله








مرت الأيام أخذت انا من معرض واحد من الربع ددسين أقساط وبعتهم ودخلت فا الأسهم ودحدوح مثلي أخذ قرض وسلف .. المهم إن كل واحد مننا دخل السوق في مبلغ قوي , أنا دخلت في 150 ألف وهو في 200 ألف


مرت الأيام ومع طفت الناس با الأسهم وكل يوم وحنا موسوسين أخضر أخضر

وإذا جآ اليوم الأحمر صارت وجيهنا كذا

وزعلان في اليوم الأحمر حتى البلعه ما ناكل , مرت الأيام وطار الرصيد إلى 1005000 ريال
فتره فتره وزادت إلى 2009000

الواحد كل ما زادت دراهمه كل ما طمع أكثر .. أجلني يوم جتني هـ الدراهم إنسحبت قلت لا , أبدخل وأبي تكثر طمعان في عشره مليون


وخويي دحدوح لا زال يضآرب في الأسهم , وأوضاعنا عال العال ولا علينا خلاف

إلى أن أتى ذاك اليوم المشؤم على جميع المضاربين في الأسهم






وأطيح في حالة إغماء لمدة سبع طعش شهر حيث أني أفلست من جميع ما أملك هذا غير الديون التي تراكمت علي

فآ من دداسن إلى أراضي ورهن لجميع الممتلكات حتى ددسني أرهنوها



وهآ أنا أعود إلى حياة العزابيه




ومع أول يوم خرجت فيه من السجن بعد ما جآ فاعل خير وسدد عني جميع المديونيه وخروجي من السجن

قلت أبروح لـ عبدالقادر أخذ لي فول


أنا / سلام

عبدالقادر/ آآآآآآآآآي أهلين بالهامور مالك يّ أخينا داير كثير الفلوس ما يآكل فول يا أخينا داير شنو يا زول

أنا / أبك هذا أنا فلست ما به فلوس مير عطني فول سلف لا أخر الشهر

عبدالقادر / ما مشكله يا أخينا , الحياه يا زول فرصه وأنت داير زول طماع ما يصلح كدي

أنا / أبك أص يا المروح










ما طار طيرً وأرتفع إلا كما طار وقع
عزيزي العزوبي لا تفكر با الزواج كثيراً , فكلما زادت الأسره كلما كثرة المسئوليه
والعرس طيب والمهر أطيب ولا حيلة لنا سوى المطالبه في تقسيط المهور لنعيش عيشه هنيه

هل تتفق معي في ذالك


كاتب الموضوع / هامور سابق



[/ALIGN][/CELL][/TABLE1][/ALIGN]