السلام عليكم

في آخر مقابله شخصيه لي بخصوص التقديم على وظيفه, حصل نقاش بيني و بين اللي سوا معي المقابله فيها نصحني اني إما أكمل دراستي الجامعيه أو أقدم على وظيفه في القطاع الحكومي, ولا أقدم على أي وظيفه في القطاع الخاص إلا بعد ما أكمل د راستي الجامعيه أو اذا كنت أعرف أحد في المكان اللي راح أتوظف فيه علشان يساعدني في موضوع الدراسه في حال اني أبي أكمل دراستي أو أشوف لي مؤسسه صغيره أو مكان صغير في القطاع الخاص لأنه في الغالب ما يهتمون في هذا الجانب يعني ممكن انهم يوافقون على اني أكمل دراستي متى ما انا بغيت أو يقولون لي مع السلامه من دون تعقيد. و سبب هالنصيحه حسب رأيه لأنه اذا أنا قدمت على أي وظيفه في القطاع الخاص و بعدها طلبت منهم اني أكمل دراستي الجامعيه ما راح يوافقون في الغالب, و حتى لو قالو لي في البدايه انه ما عندهم مانع ففي الغالب راح إما يماطلوني أو يغيرون رأيهم, و غير انه في حال اني كنت أبي أقدم على أي وظيفه مره ثانيه بعد ما أكون كملت دراستي الجامعيه راح ياخذون عني فكره مو حلوه مثلاً اني "مزاجي"! واني ممكن أتركم في أي وقت!!
فـ أنا اللحين أجلت كل مواعيد المقابلات الشخصيه لهالأسبوع إلين أستشيركم و أستشير أهلي و من ذوي الخبره. مابي أوافق على أي وظيفه بعدها يكون قراري فيه ضرر علي مستقبلاً!


قبل فتره قريبه, أنا قدمت عن طرق الانترنت على مكتبة جرير و عبيت "نموذج طلب وظيفه", و بعدها بكم يوم جاني اتصال منهم يسألوني عن الوقت المناسب علشان أروح لهم و أسوي المقابله الشخصيه. و يوم رحت لهم و دخلوني على الشخص اللي راح يسوي معي المقابله, و بعد ما شاف السيره الذاتيه حقتي و بعد ما اختبرني و ناقشني فيها, نصحني بمثل ما ذكرت لكم فوق, و عطاني ثلاث خيارات إما اني آخذ بنصيحته أو اني أراجع نفسي اسبوع اثنين أو اني أوافق على الوظيفه و يكون التوظيف فوري واللي كانت مشرف معرض, وانا اختري اني أراجع نفسي واستشير قبل اتخاذ أي قرار!

فـ ألخص موضوعي في هالأسئله:
1) هل تقديمي على وظيفه في القطاع الخاص و من ثم بعدها بفتره قليله مثلاً ستة أشهر أو سنه بغيت أكمل دراستي الجامعيه في المملكه المتحده, هل راح يأثر علي مستقبلاً اذا رجعت و قدمت على وظيفه مره ثانيه؟ هل راح يعطي عني انطباع أو فكره مو حلوه؟ مثلاً اني "مزاجي" أو اني ممكن أتركهم في أي وقت؟

2) هل تنصحوني بأنه أقبل عرض مكتبة جرير بوظيفة "مشرف معرض"؟ و إيش هي طبيعة عمل مشرف المعرض على أية حال! و إيش هو الراتب المناسب اللي تشوفون انه مناسب له؟

3) هل تنصحوني اني أكمل دراستي الجامعيه قبل لا أتوظف؟ أو أمشي على خطتي بـ إني أتوظف ثمن بعدها بفتره أرجع اكمل دراستي الجامعيه؟

4) أي نصايح؟

أخوكم/ تركي