بسم الله الرحمن الرحيم

يآخوان
انا مثلكم عآطله من سنوات
16 سنه وانا ادرس <~ والله راحت حيآتنا في درآسه يآكثرها غير سنوات التغريز في الجامعه

توقعت ان الوظيفه شي سهههل ان بحصل عليه
لكن ماتوقعت ان بقعد بعد التخرج سنوآآآت تحت مسمى عآطله
الحمآس للعمل رآآح تحطممممت وانا اشوف الناس متوظفين وكل صبح يداومون واخر الشهر
يستلمون شي يبرد خاطرهم وانا ارعى الغنم بعيوني الي بعمرنا يصرف على نفسه واحنا للحين عآله على غيرنآآآآ
--
كنت ادعي واتحيسب على الي ظلمنا وماعطآنا حقوقنا ماقصرنا كرفنا وجبنآ شهاده وخذنآآ دورآت
تعبنا وسهرنا ورحنا المدرسه وفينآآآ نوم بس غصب نروح
تحيسبت على هالي ماوظفنآآآآ لين ماقلت بسس لكنه للحين ماشاء الله عليه ماجاه شي
وانا متوكده انكم كلكم تدعون بعد بس كود ان ربي مأجل حسآبه والا اننا ظالمينه ماجاه شي

كنت اتمنى الوظيفه بالي هي به
حتى ان حسيت انه حلم ماهوب متحقق وان بموت ماتوظفت اول البنات يتمنون العرس
الحين البنات صار يقولون نبي نتووظف<~ ننرحم صح

كنت احمل الدوله المسؤليه وكل ميزانيه تطلع كانت مثل الجبل الي يطيح على رآسي
من هووول الا رقام الي نسمعها وانا يالموآطنه مالي نصيب
تمنيت ان اروح اي ديره بس ابي اتوووظف
حتى اذا شفت في التلفزيون موظفه يجيني غلقه وضيقة صدر <~ وصلت مرحله حرجه

بس تدرووون
يومن الامور تغيرت والدنيآآآ اعتفست والديآآآر عمها الفسآآد
والحآقدين صارو يبون يستغلون الاوضآع علشان يفسدون ديرتنا
صرت اشوف كل يوم دوله تطيح و الخووف والقلق يدمر شعووب
صآر العدو يطمع وينشر فسآده في كل مكآن وفي دول مجآوره وعربيه وفيها اخوآننا المسلمين

هنـــا قعدت اعيد حسأباتي للموضوع
حسيت ان الوظيفه والفلوس مالها اي قيمة
ايآم كلها توتر وترقب
صآر كل همي وبسسسس
وطني
يمر علينا كل سنه (يوم وطني )
لكن ماكنت احس بوطنيه مثل هـ الاحسآس
اهلي حولــي لكن فيه شي اغلى حتى من روحي
اخاف اخسره وآخاف تعبث فيه الايآديي القذره
اخاف عليه من الفسآآآد والضيآآآع
فعلا الإنتماء الي ينزرع فينا بدون مانحس اذا جاء وقتها نحس فيه
--
الوطن مقصر معي
الوطن ماعطاني
الوطن ماوفر لي مكآن ينآسبني كـ مواطنه تعبت وشقيت

لكــن ماقدرت اسمــح لهم يفسدونه مآآهآن علي
عندنا وطن جوهــره ثمينه الكل طمعآن فيها
وعندنا ملك الانسآنيه الي كل الشعوب تحسدنا عليه
وعندنآ شعب اصيل محافظ على دينه وعاداته وتقاليده
وعندنا علماء اجلاء خرجو بصوره مشرفه يضرب بها المثل في كل العالم

قلبــي كآن مشحوووون
لكن لما وصل الامر للوطـــن نسيت كل شي
مستحيل ارضى ان نآس حآآقــده تعادينآآآ وتنتظر علينا الزله
وتستغلني كــ عاطله علشان تضري وطني
نآس تعادي الدين وتعادي المسلمين كيف اسمح لها تفسد بلدي
مستحيل اخليهم يستغلوني كعاطله كـ سبب ومبرر علشان يآخذون وطني

لايغركم الي يضربون على الوتر الحسآآآس ويتصيدون اخطآء الدوله ويمسكون عليها الممسك
صدقوني كلنا ضحيه لمؤامره قذره تتقصد تعطيل الشباب وتعطيل امور كثير
علشان يلقون لهم مبررات لفعلهم الخبيث
الدوله تعطي بــ ارقآم ضخمة ولكنهم يدسونها في الجيوب ويشحنون الشعب ويستغلون حآجته لصآلحهم ..



واحـــذرووو الاقلام التي تتدعي الاصــلاح وتـــدعي خوفها على مصالحكم
احـــذرووو من من يستغل حاجتكم للوظيفه ولأي ماديآت ليضر بكم
انما يريدون الوصول الى اهدافهم ثم يرمون بنا في مزبله الخآئنين
مثل ما رمي الاخوه العراقيون رحل صدآم وعآآشوو في دمآآآآر ..

الوطن غآآآلي ماابيعه علشآن وظيفه او بيت او مآديآت
اذا ضآع الوطن يضيع كل شي
وتضيع هويتي
هويتي السعوديه


وآخيرآ اليكم هذه الرساله موجهت اليكم
من الامير نآيف
ــــــــــــــــــــــــــــــــ