السسسلام عليكم كيفكم ياارجال عسااكم بخير ياااعياال بستفسر عن نتايج الكشف الطبي حق الحرس الوطني الي بالقطاع الغربي وشلون اعرفها هل يجيني اتصال ولا اروحلهم اشووف الموعد حقي انا كشفت 19/3 موعد النتايج مدري متى وشلون اانتظر اتصال يعني اعرف انا من المجموعه السابعه في احد معي نفس المجموعه ارجوو الفااده

والله انا مثلك ما ادري لكن انا متأكد ان لسا النتائج الكشف ما طلعت

لاني انا امس عندهم

موفق بإذن الله ... لك مني أجمل تحية .

والدوره طيب من عنده علم فيها وهل فيها فرز الدفعه ذي ولالا

الله يعطيك العاافيه يااخوي
انت لا يكون الدفعه لاولى يااولد تراا طلعت نتايجكم
واحد من العيال معاكم كاان كشفه اتوقع 9/3 ويقوولي طلع نتايج الكشف حقتهم

الصااعدي وينه هوو بالدوره الي قبلنى تعال يااولد خل كلنى نستفيد

السلام عليكم
كيفكم ان شاء الله طيبين
انا من طلاب الدوره الحاليه بالحرس الوطني في السريه الثانيه السريه الحمراء
الحمدلله عدت ال45 يوم على خير والله يوفقكم حيت اقولكم على نصيحه ياليت تتقبلوها
لاحد منكم يقول العسكريه حلوه انت في العسكريه مسير ولست مخير يعني تمشي على اوامر غصب عليك
ولو عصيت مع الباب من غير تفاهم والرجاء فيها امر
واهم شي الصبر على طول تحمل اي شي يجيك جزاء اوانقريه او اي كلام يجيك من المدربين
راح تعرف الطيب والخيب فيهم واهم شي الاخوه بينكم والتكاتف والمساعده في كل حاجه
ياليت اني ما ثقلت عليكم وعلى فكره دورتكم راح تبداء في 25\6 والله يعينكم على الجو والحر
فترة الستجداد ماراح تكون 45 راح تكون شهر بالكثيراواقل على حسب تعلمكم على البرنامج واتقان المشاه والحركات العسكريه وفيها تنافس بين السرايا السريه اللي تجيب المركز الاول راح تطلع قبل السرايا بيوم وتحضر متاخره
وراح اعطيكم الجدول اليومي
بتكون لكل سريه مهجع اللي هو السكن وينقسم الى فصيلين فصيل اول الدور الارضي وفصيل ثاني الدور الثاني
وكل فصيل ينقسم الا اربع حضاير وكل حضيره تنقسم عدد الافراد من 14 الى16 فرد
ويصحوكم قبل الفجر بساعه ونص فيه نظافه للفصيل على كل حضيره يوم بعدها تصوفون في الميدان ولازم هروله مافيه مشي بالمره وفيه تكميل كل شي وبذون فيه هذا التكميل الله يعينكم وبعدها صلاه الفجر وبعدها تكميل وبعدها تروح الميدان الكبير وتمارين رياضيه ولياقه بدنيه وهروله لفيتين بدايه البرنامج وبعد كل يوم تزيد الا اربع دورات وبعدها فطور في الميز الله يعز النعمه بس وبعدها على الميدان تدريب مشاه عسكريه ثلاث حصص كل حصه 45 دقيقه وبينها فترة راحه 5دقايق وبعدها ترجعو على السكن يتكلمو معكم على موضوع التربيه العسكريه وبعدها تكميل صلاة الظهر وبعدالصلاه تكميل وبعدها غداء وبعدها ترجعو على السكن اللي يبي يتروش والي يبي يرتاح ولكن بدون نوم والذيب يعرف يتصرف وبعدها تكميل لصلاه العصر وبعدالصلاه تكميل وبعدها على الميدان حصتين لين قبل المغرب وترجعو على السكن تستعدوللصلاه وصفه وصلاه وبعدها تكميل للظابط خفر وبعدها تربيه عسكريه لين صلاة العشاء وبعد الصلاه تكميل وعشاء وبعدالعشاء تكميل للنوم ممكن الساعه10 او9 ونص اللي يغير ملابس يتروش اوينام لكن احد يتاخر على النوم راح يتجازى على الساريه اللي هي العمود اللي وسط الميدان الصغير الين الساعه 12وتسمى التصليبه وعلى هذا الموال لين اخر الدوره الا يوم الخميس في الاسبوع الثاني بيكون معكم زياره مدتها ساعتينمن 7 الى 9واحسن يوم الجمعه راحه بس لكن فيه تكميل هههه انا ذبحتكم بالتكميل صح الله يعينكم بس بالتوفيق للجميع بس الصبر ثم الصبر ثم الصبر وسلامتكم