السلام عليكم ورحمة الله وبركاته


دائما وابدآ ،، لابد يكون حآفز ألتشجيع موجود في عملك ،، خاصة اذا كان عملك شآق
دائمآ وابدآ ،، على قدر ماتعطي لا بد تأخذ ،، وإلآ لمى كآن لتعبك أي معنى بألحقيقه

أنا كنت عسكري في أللوآء ألخآًص ( حرآسآت خأدم ألحرمين ألشريفين )

تخيلوآ جلست خمس سنوآت بدون حتى تأخير ولآ غيآب ولا حتى تعهد
بألأخير حصل لي ظرف ،، لأني كنت أعمل بجده وأهلي بالرياض
فألظرف كآن قآسي شوي وخلاني أغيب عن ألدوآم خمس أيآم لأني ماكنت أقدر أرجع لجده

وخلال نصف سآعة تم فصلي ( مدري أنا ظالمهم والا فعلا المفروض يقدرون خدمتي عندهم )

ألمهم لي سنه وعليها وانا أحاول ارجع ماغير يصرفوني كنهم مايعرفوني

يأ أخوآن وين ألحوآفز ؟؟؟ وين بيئة العمل أللي تسآعدك ماتظرك ؟؟

مو المفروض يقولون لك خلاص نحتسبها من راتبك عشان والله ملفك نظيف مايحوي على غيابات او تاخرات عن العمل خلال الخمس سنوات ؟؟

مو المفروض بأي طريقة كآنت يغظون النظر عشآن يآخي يحسسونك أنك انسان تمر بظرف حقيقي

بس تدرون ان قبل لا يحصل هالظرف طلبت اجازه وانا برصيدي ثلاث شهور اجازه ولا عطون

فمن هذا المنبر ( اناشد كل من يريد أن يحقق العقوبات قبل الحوافز ،، لا تكون سبب في تحطيم عآئله كآملة ،، وتشريد قلب مؤمن قام بدال مايروح لعمله اللي يعمل فيه سنين ،، قام يطلب خلق الله انهم يوظفونه )

بالاخير ( اللي يعرف واسطه يقدر يرجعني للعسكريه تراي الثالث على الدورة ومعي شهادة تفوق وعندي دورات خاصه ماخذها من قصر الملك بالطايف )

أحبكم ،،

دائما يقولون اني مالي حق في شي هذا اول شي

ثانيا دخولي ع الملك تقريبا يعتبر حلم لا يتحقق ،،، خآصة أذآ كنت بشكيهم

بيجلسون لي بالمرصاد ،، (( أللي يدري يدري ،، واللي مايدري على قولتهم " ينآم بدري " ))

دآئمآ ،، يحسسونك (( بألنقص )) ،، بس مايدرون وش تسببوا فيه (( مايدرون ،، ماالومهم ،، اللي إيده بالماء ،، مو مثل اللي إيده بالنار ))

بس ياخي الحوآفز تمد الموظف بالأنتآج والرقيْ ،، كمآ يمد ألأكل ألجسم بألطآقه

ولاكن ألعقوبآت أذا طبقت قبل ألحوآفز ،، ينشأ عنها بيئه غير ملائمه للعمل

لازم نملك ثقافة التشجيع والتحفيز والعطآء واحترام مايقدمه او ينتجه الموظف البسيط والحفآظ علية كعضوآ فعال في فريق العمل (( طبقوآ هالشي وشوفوا الفرق )) ،

شكرا ياصديقي ،، ملاهيب


احبكم ،

ناس يصرفونك و يضعون معارفهم
هذي العنصرية بين ابناء الوطن
من جدة ماله نصيب في الرياض و وظيفة جيدة و مقرب من الملك
ليس لهم عذر و حجة واضحة فقط يريدون الأقربون مكانك
غياب أو مشكلة او ظروف لا تصل الفصل

أول شي من هم عشان يقولون مالك حق ؟؟؟!!

في القانون لك حق وغصب عنهم يعني كذا مزاج يفصلوني من وظيفتي عشان خمس أيام ورا بعض غايب ؟؟!!

ثاني شي تقدر تدخل على الملك ولا تعلم أحد من ربعك أنك بتشتكي الرووس الكبيره عندكم عشان مايوصلون الحتسي يعني سكتم بكتم وبإذن الله تدخل أجل وش تقول للي ماهيب حول الملك ولا بقربه نقولهم يعني حلم ابليس بالجنه ؟؟!!

لك حق لا تحط يدك على خدك وتندب حظك وتخلي هالخلق تظلمك وعيونك تشوف

ثالث شي بالهااااوي خلهم يحسسونك بالنقص من زينهم عاد دخل كلامهم بأذن وطلعه مع أذن بحريقه هم وكلامهم الغبي


رابع شي لا تصير مثالي تراك بالسعوديه
يعني حوافز و عطاء وتشجيع هذي أنساها عظم الله أجرك فيها

خامس شي الله يكون بعونك وتحسب عليهم يقول المثل قطع الأعناق ولا قطع الأرزاق

راجوآ ،، ألمشكلة رقمي شآغر لسى ،، باقي محد صار فيه
لاكن المشكله الكبيره ،، فيهم هم ( تقصير في عملهم ، ويضنون انهم أفضل منك يألعاطل يألمفصول )
يجيدون ،، لغة التعظيم لأنفسهم ،، وكأنهم مقدسون بمكاتبهم
مرض متفشي ،، لأصحآب السلطه ،،مصابين بجنون العظمه
اكرهم،،

بس احبكم ،،

ملاهيب ،،
أولآ : خليني اجاوب عليك نقطه نقطه عشان اوضحلك الصورة بالنسبه لـ مالهم حق فهوا فعلا مالهم حق
وقانونا يعاد العسكري المفصول للخدمه على حسب طلبه بعد مايمضي تسعة شهور ،، لاكن يوم تبين تقولين هالكلام قوليه لشخص يملك ضمير ،، هذولا ألضمير عندهم معدوم لانهم مايبون يتعبون انفسهم بالاجراءات

ثانيآ : بالنسبه للدخول على الملك ( رب كلمة تقول لصاحبها دعني ) بس للامانه اللي حاصل ان جميع المداخل مسيطر عليها من قبل اشخاص معينين لا يجيدون الاستماع ( ربمآ ،، هذه ثقافتهم في الحياه ) وأمحق حيآة ،، بس الشي اللي يزيد الطين بله ،، حتى لو ماعلمت احد بشكواي ،، بمجرد اني اتكلم مع ( ألوألد ) أعتبر نفسي ( مفصول رسمي )

ثالثا: بالنسبة للنظرة الدونيه اللي قد تعرضت لها ( مو من باب الاستعطاف ، اسمعوني ) لاكن عمري ماشفت في حياتي شخص اكبر مني ولا اصغر مني كلهم عندي سواء ،، بس بأعتقآدهم اني رآح استسلم لبغية انهم يحسسوني بالأهانه ألغير لفظيه بس أنآ ولله الحمد ،، ( لسآني طويل ) بهذي المواقف ،، ( ولا أخشى بهم ،، أحدآ )

رآبعا : مصآب بالأحبآط لأني كنت فعلا جآهل أني في مجتمع مهني يفتقر لأبسط الاشياء ،،

تحياتي يااصدقائي ،،


احبكم ،،

جميع المداخل مسيطر عليها من قبل اشخاص معينين لا يجيدون الاستماع ( ربمآ ،، هذه ثقافتهم في الحياه ) وأمحق حيآة ،، بس الشي اللي يزيد الطين بله ،، حتى لو ماعلمت احد بشكواي ،، بمجرد اني اتكلم مع ( ألوألد ) أعتبر نفسي ( مفصول رسمي )

عجيب عجيب هذه العينة و البطانة الفاسدة
مصالحهم أولى من أى شخص و من يقف بطريقهم يسحق و يمحق
ما ضيع البلاد و العباد غير المتنفذيين يعملون كل ما يستطيعون من أجل البقاء
فعلا مافيات منتشرة في قطاعات حكومية
و معارفهم تصل خطاباتهم بسهولة
حاول أخوى تتحث مع اآى شخص و ترجع لعملك
5 ايام ما تستاهل

ومآ خفي أعظم رآجو ،،
عينآت ( مترفه ) لا تعين ،، ولا تعاون
بأستثنآء : معآرفهم ومصآلحهم ألشخصيه
أن شآء ألله ،، بلاقي ألشخص أللي بيفيدني ويفيد غيري
تحيآتي لك يآصآحبي ،،

لا اله الا الله
الله لايوفق اللي فصلك