مذكرات عآطلة الجزء الثاني
اخوي كئيب قال نفلم على القذافي لحد ماجمعت بنات افكاري ولقطت بزارينهم طلع معي مايلي
ناداني الوالد الله يحفظه قلت له سم يايبه قال تعالي انقلي لي العربية الى رقم واحد علشان بيجي بعد شوي القذافي بيقول كلمة
ونقلت القناة وجلست اشفط بها الشاهيشوي والا ويطلع العقيد ويستوي على المنبر
ايها الشعب الكريم
قلت يايبه باروح ارقد كنه جاتني نعسة
وعلى طوووووول على الكنبة ورحت في سأاااابع نوومة
المهم اسمع ايها الشعب الكريم الابي المجاهد قلت يابزر قصر على التلفزيون وقوم ذاكر الا اسمع صوت رجال خشــــــــــــــــن يقول اسكتي اسكتي الحين بيسمعك العقيد قلت اي عقيد اي ابو شهاب وش صاير قال ياملازم نووورة( نوورة ليست للتمويه)
قلت ملازم فتحت عيني الا انا صافة مع عسكر وقدامنا العقيد ثورة ثورة واطالع في نفسي الا انا رارزة بها البدلة العسكرية وبيدي سلاح قلت خيـــــــــــــــــر وش أحس فيه أنا
قال اللي جنبي انت ماتشبعين هذرة اسكتي قلت خلاص ازعجتنا بنسكت
خطاب العقيد
يجب على الشعب الليبي ان يتسلح ستصبح ليبيا نار حمرا جمرا حمرا انا احيي شجاعتكم نحن العزة والكرامة هذا الشعب جعل ايطاليا تعتذر وتدفع التعويض وهي صاغرة
وكلام من الشرق وهذرة من الغرب مابوه اي ترابط وانا اقول في نفسي ليتــــــــــــــك سااااكت بس
وواصل كلامه بيت بيت شبر شبر زنقة زنقة الى الامااااااام ثورة ثورة العرب خونة الكل اتخلى عني
طق راسي من ها الحتسي
المهم يوم خلص الخطاب دخلنا ودريت اني من الحرس الشخصي حق القذافي
يوم دخلنا سألني قال يانورة والله اني خايف ماني عارف ايش اسوي شوري علي وانا اخوك
قلت ياعقيد ماودك ترتاح 42سنة وانت حاكم بس ماكفتك قال لاماشبعت قلت خلاص تحمل اللي بيجيك بكرة ولابعده ماتلقى الا امريكا طابتن عليك في ذا وتعولقك زي ماسوت مع صدام
ايش رايك تنسحب زي زين الحلايا والحصني مبارك وتلحقهم وتهج ولا بيعدمونك خاااف مرة وقام يتنافض قال اعدام لاامابغى اموت انا الوطن انا العقيد ثورة ثورة قلت له ياشيخ بسك من هالبربرة
الي صجيتنا بها مالك الا انك تهج من البلاد قبل مايدخلون عليك قال طيب
شوي الا وسيف الاسلام داخلن علانا قال له ابوه وش بيسوي قال اكيد هاذي نووورة حاشيتن دماغك بها الحتسي
قلت ايه انا قال اوريتس المهم جرجرني بها الاسياب لين عولقني
ويوم بغى يشنقني الا ونا ناااااطة من النوم وانا اصيح يعيش معمر القذافي تحيا ليبيا ثورة ثورة الى الاماااااااااااااااااااااااااااااام