السلام عليكم

ياليت اللي عنده فكره يساعدني لاني بجد محتاره

جاتني وظيفه والحمد الله وتم قبولي راح اوقع عقد معاهم على سنه وخلال هالسنه بيدخلون اسمي (بصندوق الموارد البشريه )
يعني راتب الوظيفه 1500 وراح يزدوني 1500 من الموارد ولما الحين اوكي
المشكله مو هنا !!
مديرة المعهد اللي اشتغل فيه طالبه 500 ريال من الراتب لسواق الباص سواء ركبت او ركبت
يعني انا ماشوف لها حق تاخذ الخمس ميه ناقشتها وقلت لها في من يوصلني البيت حذفت حصى واوصل مايحتاج 500 تاخذونها مني
وغير كذا الدوم صباحي ومسائي 8 ساعات من التعب والكرف
قالت حنا بنزيدك الراتب ضروري تتعاوني معنا وتعطينا 500
طيب مو من جيبها راح تدفع لي صح الموارد يدفعونها لي
صراحه مابي اسكت لها ودي اشتكيها
يعني يادوبك اشوف الراتب يكفي تجي هذي وتاخذ منا بعد مالها حق تمد يدها على اللي عندنا
وجهوني ايش ممكن اني اسوي بها الحاله
اكمل وتاخذ راتبي ولا ايش اسوي

الله لا يوفقكهم
يا حبهم للسرق ما يشبعون لو مليار او 100
راتبك اللى مسجل معه كم
اذا 3000 فعلا و يتم دعمهم ب 1500
لك 3000 كاملة أهم شئ لا ياتي نصف الدعم و يعطونك 1500
و هم ما يدفعون شئ اما 500 هذا ظلم و يمكن الباص لها و لا انتي مسؤلة عن الباص
ناس ما تستحي و الله فوق النهب و التعب و التطفيش يشاركونك راتبك

استغفري والله يسر امورك

الله يفرجها لك أختي ، اهم شيء لاتضعفين امام هذه الطماعه الله لايوفقها وتمسكي بحقوقك .

مهوب مكيفهآ راتبهآ تبي تأخذ زود عليه !

لاتعطينهآ الـ 500 لانهآ من حقتس أنتي

ويليت تشتكين عليهآ مكتب العمل أو صندوق الموارد البشرية عشآن تتوقف عند حدهآ
بس اهم شيء لاتستكين !

جعلهآ تتفنش من دوامهآ هاللي ماتخاف الله
حسبي الله عليهآ ونعم الوكيل

حسبي الله عليهم

حراميه ..يالله تجي هالوظيفه ويبون ياكلونها
صدق المثل الي قال قليل وكله زيدان خخخخخخخخخخخخخخخخخخخخ ( الي مايعرف المثل يقولي اقوله له

ترى فاضيه ( شكراً وطني