بسم الله الرحمن الرحيم

السلام عليكم ورحمة الله وبركاته

وش هذا القهر يعالم يناس يا بشر

شكل معد يعيش بي هاذي البلد غير الحرامي النصاب

ادرس ابتدائى 6 سنين

ثم متوسط 3 سنين

ثم ثا نوي 3 سنين والوالد يعتب ويصرف علينا لجل ندرس ونتوظف ونكون انفسنا ونسا عده بي كبرتهم

ادخل الكليه التقنيه حسبي الله على الغفيص هلي حارمنا من ان نكمل دراستنا وحارمنا من وضايف سنعه
وسنتين ونصف واقول انشاء الله بحصل وظيفه اقدر اكون نفسي منها وبعدها وبعدها اكتشف اني كنت بي احلام

اقلب بي الجرايد وما احصل الا بايع كاشير حقها ابتدائي مو دبلوم
اروح للوظايف المدنيه قبل الشهاده وين الواسطه حسبي الله ونعم الوكيل

اخر شي اتوظف بي وظيفه راتبها 3000 ريال الحمدلله علىكل حال
يناس يعالم خلونا واقعيين وش تسوي 3000 عمري وصل 26 غيري عنده اعيال

وانا سياره ما عندي 3000 راتب حق ايش حق ايش الايجار او الكهرباء او السياره

او الاكل او ايش وايش وايش متى اتجوز اذا صار عمري 50 في بلد كل خير

رحنا للبنك العقاري يمكن نتخلص من الايجار قال خذ رقمك واذا مشى الدور انشاء الله بعد 20 سنه ومن غير الارض هلي بكم قيمتها اعيش طول عمري بي ايجار



3000 ريال قسموها لي على ايجار وسياره واكل وكهرباء وغيره وغيره

تصدقون اني سعودي اني سعودي
انا سعودي وهذا دخلي معي دبلوم وهذا دخلي

بلدي تصدر النفط وهذا دخلي 3000 ريال

انا سعودي ولايوجد لدي بيت
انا سعودي ولم اجد وظيفه تناسب مع شهادتي
انا سعودي ولا استطيع الزواج

شفتو القهر يعالم



:
الحمدلله على نعمة الصحه والعافيه والله يعوضنا خير

يا زين العسكريه بس
الجندي راتبه حول 4000 او 5000
غير الترقيات والبدلات
بالتوفيق اخوي

ان لله وان اليه راجعون

حسبي الله عليهم

اسأل الله انه يعينك ويرزقك من حيث لاتحتسب

فعلا مايعيش الا النصاب

اخوي لا تشكي لي ..ابكي لك

" الحال من بعضه "

[align=center]
يا أخوي ماشاء الله عليك راتبك 3000 ألاف وتشكي الله يبارك لك فيها ويزيدك من نعيمه
اخوي انت بنعمه احمد الله عليها اعرف اسره دخلهم 2500 فقط وساكنين شقه اجار ولديهم اطفال ولديهم مصاريف اكل وشرب وفواتير كهرباء وسياره والحمدالله مستورين
انت للحين ماتزوجت تقدر توفر نص راتب اذا عزمت النيه
دامك تقول سياره ماعندك
وايش الايجار اللي تقصده
اذا انت عزابي ومايبقى من راتبك شي توفره ؟؟؟؟؟؟؟؟؟؟؟؟؟
سؤالي هل انت تصرف على اهلك ؟ ومايبقى لك شي
ممكن توضح لي لأني مستغربه

انا استلم من الضمان 550 ريال واصرف منه على اهلي أكل وشرب وأدفع فاتورة كهرباء لدرجة اني ما اشتري لنفسي شي والحمدالله مستوره والحال ماشي وادعي الله يرزقني بوظيفه حتى لو راتبها 2000 ريال خير وبركه

اسأل الله ان يرزقك ويبارك لك في رزقك


[/align]

لو البلد ما فيه اللى يكفي
و ليس بلد بترول و تبرعات للخارج و صرف على ما لا يستحق
و لا ميزانية خيالية نقول يمكن
لكن الظروف و الحال معروف و السعودي يمكن يعيش بكرامة حتى الاجنبي يعيش
و يكون نفسه و يرجع بلده
لكن 65%لا يملكون سكن معدل الجخل 4000 يعني 83%
و هذا واحد من الاف كيف الخريجين الجدد و اللى ينتظرون 1500
و متى يكون نفسه الرجل و يتزوج و يستقر الله أعلم
كان الله في عونك

بأختصار خيرنا لغيرنا ،، نسأل الله العلي العظيم ان يرزقنا وياك بالحلال

شوف مصيبة غيرك تهون عليك مصيبتك‎