إهــداء لــلــجــرح الالــيــم !!!

ماكنت اصدق للهوى تهلك ديار
الين شفت اللي ذبحني خصرها

مدري خصرولا غصن بين الاشجار؟
احترت في "بنت المطر" ويش امرها؟

كل الغصون اللينة منّها تغار
لامن تثنت كف قلبي شبرها

تقبل على ريق الالم مثل الامطار
وتقفي ودمعي كثر زخة مطرها

وتضحك ويجهر ناظري كثر الانوار
سود الليالي تختفي في ثغرها

شلالها طفى بخفاقي النار
ع الصدر لا صبت اسود شعرها

اجمل بنات الكون لاجيت بختار
الما يبين لامن جرى مع نحرها

لو للغرام شعار كانت له شعار
ولو للسنين اشجار كانت ثمرها

ماتنكتب في مثلها جزل الاشعار
لاصار هي اصل الحروف وبحرها

بنت المطر لو دونها جيش جرار
جيشٍ جنوده هالقلم ماحصرها

والله لا آرد الريق لو صار ماصار
مادام هي نبع الحياة ونهرها

ياهل الهوى وان بيحت كل الاسرار
اعظم سحر عشته في همسة نظرها

ان اقبلت تنبت على دربها ازهار!
وان اقفت الاشواك تنبت بااثرها!

خالد الدوسري !!!

وبس ...

صح لسااااااانك ولسان شاعرها قصيده رووووعه يعطيك العافيه وبنتظارمشاركاتك المتميزه ياعاشق الشمس .....

كلمات مره حلوه

تسلم يدك على النقل

تسلم يمنآك ع ذائقهـ الرآآئعهـ ..
تحيتي ..

^^^

لا لكم كلكم بس الجرح بيني وبينه شي !!!

وبس ...

السلام عليكم ورحمة الله وبركاته
الصراحة نقل جميل .