صباحكم اهدى وأحلى من صباحي----- صباحكم أمنيات تلد لترى النور مو مثل أمنياتي العقيمه ـ اكتب هالكلمتين وانا الله اعلم بحااالي - حاله نفسيه مااتمناها لعدوي للي مايعرف معاناة الحلم الصعب هذا أنا انسخها لكم. .
الحلم الصعب
عضو متواصل

*
تاريخ التسجيل: Jun 2008
المشاركات: 52
معدل تقييم المستوى: 7

من شاف مصيبة غيره تهون عليه مصيبته .أدخلوا وأنتم تعرفون
بعد التحيه والسلام لاحظت الكثير يشكي من البطاله وقلة الوظايف
مهما كان سبب احتياجنا لها الوظيفه .
أكتبلكم بأول يوم درااسي ..وأن صاكه الدنيا فيني
أحس أني قطعة أثاث مو آدميه ..كل العالم مداومه ..وأنا بالبيت لاحس ولاخبر.
شهاده وعندي وخبره وعندي .ودورات وعندي وش يبون بعد؟؟؟
وين الوظااايف؟؟؟؟
اللي علينا سويناااه ..طيب وين نروح ...قسم بالله صابتني حاله نفسيه من جلسه البيت
تخيلوا خريجة لغه عربيه من عام 1424 ..
اخذت دبلوم حاسب سنتين ب22ألف والله العالم من وين جبت المبلغ ..شقي ابوي وتعب لين مادبره كان بأقساط وكان يقتصد بمصروف اخواني عشان يدرسني ..
متعشم اني بتوظف بسرعه وبعوض لكل..لكن ..عشم ابليس بالجنه
درست بعدها دورة معارف ب1000 ريال
و3 كورساتEnglish
ودرست سنتين مدارس حكوميه ..الله يعلم بحالي فيها شحططه وفوق هذا كله صابره من باب اتوظف وانسى هالمعاناااه ..
لكن المسأله طالت ..وتزوجت قبل سنه ..للاسف زوجي حالته الماديه جدا سيئه الراتب 2000 ريال
واجار البيت 17 الف في السنه
من غير مصاريف البيت والله يجي نص الشهر ماعندنا ريال واحد
وين نروووح نشحذ؟؟؟؟؟؟ولا نموت جوووع...
أشياء كثيره نفسي فيها مو ترف ولا كماليات لا والله أكل ملبس اصبر واكل تبن ولا اقول
لزوجي لني عارفه مامعه ..العين بصيره واليد قصيره ..
قضيت اشهر بعد ماتزوجت في بيت اهلي ,,لاننا وبصراحه ماحنا لاقين اللي يصرفنا في بيتنا مزنوقين بالاجار نسدده على دفعات8500 كل ست اشهر بالله من وين نجيبهااا ؟؟؟
شهاده وجبت
وخبره وجبت
دورات وأخذت .
ولاتهنيت لابزواج..
ومحرومه حتى من الاطفال لان الوضع والمصاريف ماتخارج أبد ..نجيب طفل ونظلمه ....
من غير اني انسااانه طموحه ومااحب ابقى عاطله ..كنت مميزه بفتره التدريس ..وكانوا المديرات المشرفات يثنون علي ..
نشيطه ..ومغرمه بالتدريس
لكن فعلا تجري الرياح بما لاتشتهي السفن
حتى المدارس الاهليه ..نافشه ريشها علينا ولا لقيت مدرسه تضفني .
وش المطلوووووووووووووووووووووووووووووووب اكثر من كذا وين أروووح ؟؟
مااخبي عليكم فعلا طلعت باحتفالات اليوم الوطني وشفت العالم مهيصه وناسه ورقص بس
والله والله والله العلي العظيم كانت خانقتني العبره واقول بنفسي
(كل عام وخيرك لغيرك يابلد)
أنا سعوديه للنخاااع
وأفدي ديرتي وترااابها بروحي ودمي..
أغار عليها ولا ارضى احد يمسها بسوء
والله يديمها علينا من نعم ..
بس حسيت اني ثابرت ..وتعبت ووطني ماجازاني ..ولا اعطاااني فرصه أقدم له ثمرررره تعبي وجهدي..وديرتي ولله الحمد موب عجزاانه ..نتبرع للعالم بالملاايين ..واحنا هنا نتمنى 500 بالشهر
وربي صرت اخاف على نفسي يجيني حاااله نفسيه ..
نص شعري شيب متحمله هموم اكبر من عمري ..
بذمتكم وين عاد اروووح ؟؟؟
الاحتياااج النفسي للوظيفه اقوى من الاحتياااج المااادي ..
مو حلو الواحد يلقى نفسه عاطل لاشغله ولامشغله ..يحسه زايد على وجه الارض ماله هدف
ولا له تقدير


فما بالكم أنا احتياااجي للوظيفه ...نفسي وماااادي ...

<<<<ماتقدر تكمل خانقتها العبره

(يااارب ضاااقت وعندك فرجهاااا )

__________________
عاطله مع مرتبة القهر


* هذا الكلام كتبته قبل سته اشهر وماانسى معاناتي يومها والحين رجعت بعد هالفتره افضفض ماابغى من ورى كلامي اللي اكتبه هنا الا احد يسمع فضفضتي لأني بجد حاسه نفسي. بنفجر نفسي اشكي نفسي افضفض بس لمين ? اهلي ماابغاهم يشيلون همي وزوجي ماابغى احسسه بعمق الماساه وانا اللي قدامه قويه --- وصابره---- وماخذه الامور ببساطه -- وانا اللي بكل موقف صعب ابتسم بوجهه وأقول(تساهيل ابن عمي تسااهيل ) من باب ان الرجال يستمد قوته بعد الله من تفاءلي --والله يعلم بالانهيار اللي احسه جواتي. -- كل ليله أحط راسي على المخده---- ابكي بحرقه بحرقه على حالنا اسمع نحيب قلبي الأوضاع مي راضيه تتعدل ---والحال متدهور محرومه من شغلات كثير شغلات مهمه بالحياة حارمه نفسي الاطفال لأننا ووبصراحه تمر علينا ليالي مانلاقي اللي ناكله صرت اذا شفت جيبه فاضي اقول الليله ماني مشتهيه عشاء بنام خفيفه!!!!!! فكيف بنقدر مصاريف اطفال؟ بديت أخسر صحتي والله أني احس بالآم مايعلمها الا الله ولا اقدر أتكلم لأني بحرجه ولاعنده قيمة الكشف فلازم اتظاهر أني بأحسن حال لأني شفت دموع زوجي بسبب وضعنا الماساوي. حسيت انه ندمان انه فتح بيت ومو قادر على مصروفه --واصعب شي على الحرمه انها تشوف دمعه زوجها سندها وأمانها بعد الله -----بصراحه كذا مره فكرت افتعل مشكله من باب اننا ننفصل ممكن نرتاح --بس الرجل محترم وماني لافيه عليه زله ---------اااااااخ اقسم بالله شعور ماسا وي يوم تعجز عن شراء ابسط الامور وانت في عز حاجتك لها ---إحساس مدمر انك انت تصنف نفسك حسب وضعك اللي انت عايشه على انك في طبقة الفقراء وفقر مزري بعد -----اعذروني ماصرت اشوف الحروف للفضفضه بقيه اللهم اغنني بحلالك عن حرامك وبفضلك عمن سواك *