دعم صندوق الموارد البشرية لتوظيف السعوديين

أحاسيس حزن · #31 (**permalink**) 12-08-2011, 03:25 AM

مساء الخير ..
بصصصرـآحه مافهمت ليه بعض يفضلها والبعض يقول لا ..
ابي اسجل معاكم فيه بس وشلون تكفون اللي عنده معلومه مفيده يبلغني واذا فيه شيء سيء فيها يبلغني..
الله يعطيكم الف عااافيه يااارب..

عااااااادل · #32 (**permalink**) 12-08-2011, 11:11 PM

يآآآآجماعة الخير انا قدمت على برنامج حافز

بس ما سجلت في الموارد البشريــه

تقديمي كذا سليم

ولا لازم اسجل في الموارد البشريـه

تكفوووون يا الربــع علموني ...

زويد الزويد · #33 (**permalink**) 12-08-2011, 11:45 PM

صندوق الموارد البشرية ( شره أكثر من خيرة )

مربي أجيال · #34 (**permalink**) 03-09-2011, 04:16 PM

السلام عليكم ورحمة الله وبركاته

ياجماعة الخير

الترم بدأ وإلى الآن ما فيه زيادة رواتب للمعلمين بالمدارس الاهلية

نفس الراتب 3000
اليوم واحد من الزملاء راح الموارد قالوا له ما فيه دعم لكم
والقرار لم يصلنا بعد
وقال له اذا المدرسة بتعطيك اقل من 3000 احنا نكملها إلى 3000
حسبنا الله ونعم الوكيل

أنا فداك · #35 (**permalink**) 04-09-2011, 11:34 AM

يعني انا لسه ماتوظفت

لا عمل بلا أمل · #36 (**permalink**) 04-09-2011, 01:58 PM

الإخوة الكرام .. السلام عليكم

توضيح بسيط بخصوص دعم صندوق الموارد البشرية

الدعم المالي المباشر للصندوق لا علاقة له بالموظف وانما بجهة العمل ...

مثلاً /

شركة قامت بعمل اتفاقية مع الصندوق بتوظيف موظفين سعوديين

الراتب الاجمالي ( 3000 ريال )

- هذا شرط حاليا لدى الصندوق على الشركات والمدارس الأهلية عند التوظيف الا يقل الراتب عن هذا

المبلغ -

فالشركة هي التي تقوم بدفع الراتب شهريا وهو 3000 ريال ثم تقوم برفع مطالبة للصندوق ليقوم

الصندوق بتعويض الشركة بنصف الراتب المدفوع للموظف يعني يعطي الشركة 1500 ريال .....

الموظف يستفيد من الصندوق بعد اتمام سنة عمل مع الشركة

وذلك بصرف راتب شهر من قبل الصندوق للموظف على حسابه البنكي الخاص بشرط ان تقوم الشركة

برفع هذه المطالبة وتسمى حافز الاستقرار الوظيفي بالاضافة الى دورة تدريبية لاتزيد قيمتها عن 5000

ريال ... تقوم الشركة بدفع قيمتها للموظف وبعد اتمام الدورة وحصول الموظف على شهادتها يقوم

الصندوق بتعويض الشركة عن قيمة الدورة

وبعد اتمام سنتي عمل يحق للموظف راتب شهرين ودورة تدريبية لاتزيد قيمتها عن 10000 ريال

ولكن ... الموضوع يحتاج له نشاط وشغل من ضابط الاتصال بالشركة

ضابط الاتصال المسؤول عن الاتفاقية اذا بينام ومايشتغل عالاتفاقية صح يتأخر الدعم الشهري عن

الشركة وكذلك مكافآت الموظفين السنوية

أخوكم ( ضابط اتصال بين الصندوق والشركة التي اعمل بها )

وانا شخصيا مدرج بالاتفاقية واستفدت من مكافأة السنة

أعيد واقول الموظف يحصل على الراتب المتفق عليه مع الشركة والصندوق لايدعم الموظف شهريا

بزيادة فوق الراتب - كما يظن البعض -

تحياتي

ريمية · #37 (**permalink**) 20-11-2011, 11:41 PM

الله يسخر لنا من فضله ..

أنا هو · #38 (**permalink**) 22-11-2011, 05:44 PM

كلام سليم إن الدعم يدفع نصف الراتب بحيث لا يتجاوز الدعم 2000 ريال شهرياً
يعني لو راتبك 4000 يعطونك 2000 ولو 6000 برضوا 2000
ولما تكمل سنة يعطونك راتب شهر غير الدعم ، ومبلغ 5000 فقط تستخدمه في أي دورات تطويرية <تجيبلهم الفواتير>

وكلامي مؤكد لأني أحد المستفيدين من البرنامج

أنا هو · #39 (**permalink**) 22-11-2011, 05:49 PM

واللي يقول الصندوق مايدعم كل شهر هذا الكلام فاضي

والله إنهم يعطونكم كل شهر بس يتأخرون أسبوع أو أكثر والمبلغ ما ينزل على حسابك ، ينزل على حساب الشركة وهم يعطونكياه

لا تضحك عليكم الشركات ترى الدعم كل شهر بس لازم تقدمون لهم معاملة مكونة من ورقتين الأولى نموذج F05 وهم يعطونكياه والمنوذج موضح فيه الراتب وعدد أيام الغياب
والورقة الثانية وهي ورقة كشف حساب لنفس المستفيد بأنه تم تحول مبلغ الراتب كاملاً من الشركة وسلامتكم...