بسم الله الرحمن الرحيم
أخواني الكرام ابي المساعدة منكم واللي يعرف يقولي الله يجزاه كل خير

أخوي فديته تعب وهو يدور على شغل كل ما شتغل بالقطاع الخاص كم شهر يفصلونه

حسبي الله عليهم المهم صار تقديم بالادارةالتعليم عندنا بحائل فرح المسكين وقدم وقبلوه
والحمدلله بس المشكلة دوامه يدوام المسكين من 12 الظهر الى ثاني يوم 7 الصبح ولا له
اجازة ابدا من ساعة ما داوم يعني يدوام 18 ساعة وهو ما يعرف بالنظام طبعا على بند اجور
ولا يقدر يروح يشتكي يخاف يفصلونه

ابي احد يساعدني ويقول لي كم ساعات الدوام الرسمي على بند اجور وهل يسكت اخوي

او يروح يشتكي والله المسكين تعبان حتى النوم والاكل ماينام زي البشر او ياكل من الارهاق والتعب

ياريت احد يجاوب والله يجزاه كل خير ونسيت اقول لكم انه كتب عقد معهم على وظيفة حارس ليلي

يعني حارس امن وبالعقد مكتوب دوامه بالليل

ولكم جزيل الشكر