[align=center]
السلام عليكم ورحمة الله

الأخوان العاطلين المهنيين

اللي يبغى يفتح ورشة سيارات ويفهم بالميكانيكا ويهواها
واهم شي الهوايه عشان تنجح فيها ،،

اشهد الله ياشباب أن هدفي الأول هو مساعدة الشباب وليس الربح المادي
ولكن أنا ابذل جهد كبير ويأخذ من وقتي الكثير ولا يخدم بخيل .

أولا :: للراغبين التقديم لقرض من صندوق المؤوية .
عندك أستفسار حياك الله أنا أجيبك عن أستفسارك هنا بالمنتدى باللي أقدر عليه .

جديد وتبغى تقدم مأنت عارف الخطوات أنا أقولك عليها .

ثانيآ ::: تبيني أقدم لك وأسويلك دراسة الجدوى لمشروع مركز صيانة سيارات
أنا ماعندي مشكلة ولكن التقديم مع دراسة الجدوى يكلفك 1000 ريال

والكل عارف أن دراسة الجدوى في مكاتب المحاماه تصل ألى 50 و 70 ألف ريال
وتحتاج الى شخص أقتصادي بمعنى مهندس .

أنا سأعطيك دراسة جدوى لن ترجع أبدآ ومجربه من قبل 10 أشخاص سويتها لهم وقدمو على صندوق المؤوية وتم قبولها .

تبي أنت تقدم وأساعدك بالخطوات ماعندي مشكله مجانآآآ .

ومثل ماقلتلكم أنا هدفي مو مادي ولكن في حدود القدرة .

والصلاة والسلام على النبي .
وشكرآآ
[/align]

بيض الله وجهك ورحم الله والديك والله يرزقنا ويرزقك الأخلاص في العمل . جزاك الله خير

الله يعافيك اخوي ويرزقك الجنة

جزاك الله خير

جزاك الله خير يالغالي وماطلبت الا حقك وتعبك انا بالنسبه لي

ابغى اقدم محل خردوات وش تقدر تقدملي او ارسلي رقمك ع الخاص لاهنت

الله يجزاك الف خير وماقصرت بس المشروع الي ذكرت كم بيكلف وكم راح المبلغ اللي راح يمولة صندوق المؤية!!

حياكم شباب

بالنسبة لمحل الخردوات سهل جدآ ،، محل تدفع أجارة ويكون في موقع جيد وتسويله رفوف
وتجيب بضاعه بالجملة من اسواق الجملة بالسعودية او من خارجها .
والله يرزقك .

الأخ سلطان :
بالنسبة لمشروع صيانة السيارات مكلف اذا بتسوي مركز جيد وخدماته مميزة
يعني مو مثل ورش اليمنه اللي بالصناعية تدخل ثوبك ابيض تطلع ثوبك اسود زيوت وعدم مبالاهـ بالعميل .

اول شي الصندوق يعطيك 200 ألف ريال ،، كافية جدآ لمركز من النوع اللي يرقى لراحة الزبون .
اذا رغبت وعندك قدرة تعمل مشروع مركز صيانة حياك انا حاضر .
وقبل كل شي أنصحك اذا فكرت باي مشروع حاول تنظر لمشروع أنت تهواه في داخلك لأن المشاريع 90 بالمية منها مربح ولكن سبب فشلها الادارة الفاشلة وسبب فشل الادارة هو عدم الرغبة في العمل وجهل الشخص .

فأذا انت شخص تهوى الميكانيكا وتحب الفك والربط انا ماعندي مشكلة اساعدك .

الكلام للجميع أي شخص عنده مشروع ومتخوف من شيء يكلمني أذا كان داخل الرياض ماعندي مشكلة أخصص له ساعة كل أسبوع أمر على مشروعه وأشوف أحتياجاته وأعطية الملاحضات . وهالشي مجاني لوجه الله .

والله يوفق الجميع ..

طيب اخوي كم ياخذ وقت واستلم المشروع من الصندوق لني راغب افتح ورشه متكامله من زمان ارجو ارسل رقمك على الخاص

أخوي تقريبآ سته أشهر قد تزيد على حسب الضغط من الطلبات الواردة على الصندوق

اخوي ممكن ترسل رقمك على الخاص