السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
أنا ياإخواني عضوة جديده وحبيت آخذ رأي المختصين في المنتدى لأني مب عارفه كيف أتصرف
أنا مقيمه في الإمارات وفي إمارة رأس الخيمه بالضبط أنا إقامتي على محل أختي لأنها كانت قبلي في الإمارات هالمحل عمره حاليا سبع سنوات وطول هالسنين ولا إستفدنا منه بشيء بالعكس بس خساره في خساره.
عملنا جلابيات مامشي عملنا عطورات ودخون ومامشى عملنا ملابس مامشى عملنا كل هالأشياء في الرخصه ومامشى بعد.
المشكله إنه إقامتي خلصت ولازم أجددها ومن كثر الخسارات اللي خسرناها ماعارفين نجدد الرخصه ولاأجدد إقامتي هذا كله مش مهم بتتدبر.المهم إنه عندي محل وعندي فقط ألفين درهم رأس مال أبغي أعبي المحل عطور بس تكون عطور مميزه وأنا غير هذا أغلف الأطقم مال العطور بطريقه حلوة غير إني بعمل كافرات حق الدله مال الشاهي والقهوة.
فأنا أبغي شي مربح ماأبغي أكرر الخسارة اللي تعرضت لها طول هالسنين ولكن برأس مال 2000 ألفين درهم لاغير لأنه بعدين عندي تجديد رخصه وتجديد إقامه الله المستعان.
أرجوا تفيدوني بارك الله فيكم

أسال الله العظيم أن يكتب لك ولجميع المسلمين الرزق المبارك الوفير وأن ييسر لك أمورك كلها .

موفقه بإذن الله ... لك مني أجمل تحية .

الأخت الكريمه عليكم السلام

عندي لك مشروع مناسب بعض الشيء وأن شاء الله راح يتكلل بالنجاح

أستشارني شخص وأعطيته نفس الفكره والحمدلله دخلة الآن لايقل عن 400 ريال سعودي باليوم

تجيبين شاهي أخضر كميات بالكيس الكبير وتضبطين لك أكياس خاصة للشاهي فخمه وتكون على عدة أحجام

الكيس يكون أنيق ويكون لونه أخضر وعلية صور الشاهي ومكتوب عليه الفوائد وطريقة تصليح الشاهي

بعد ماتسوين هالامور تعرضينها في قسم من المحل مثلا المحل ثلاث واجهات تحطين بوحده حجم أكياس كبيره
والواجهه الاخرى الحجم الآخر
وتحطين واجهه خاصة بالأدوات اللي تعملين فيها الشاهي وتكون أدوات فخمه
مثل الكاسات والملاعق والامور هذي
عشان اذا دخل الزبون تعرضين عليه الخدمات وتقولين عندنا حجمين من الاكياس
وتخيلي نفسك وانتي تأشرين بالمحل << هذي اكياس صغيره بسعر ( ....)
وهذي أكياس كبيره بسعر (//////)
وعندنا ادوات و و و و

صدقيني راح يلاقي قبول واهم شي تنسقين الديكور ويكون الاضاءه صاخبة بالمحل
وتكون فيه لباقه بالكلام عشان تقنعي الزبون ..واذا محلك في سوق نسائي لاحظي تلاقين أقبال كبير
لان النساء اكثر الناس لشرب الشاهي الاخضر عشان الرشاقه


وأن شاء الله تدعين لي ،،، وآسف على الاطاله وشكرآآآآ

يس حاجات كذا عالخفيف وعالماشي ياخذوها حلوه مثل ماقال شاي اخضر وكوفي وكابتشينو وغيره

اما ملابس وعطور صعبه

مشكورين إخواني عالمشاركه وعلى آراءكم الطيبه المشكله إنه محلي مب في موقع يشجع وأنا إمكانياتي لاتسمح عندي إلتزامات أخرى الله المستعان.
مشكوووووووورين ماقصرتوا وأمنى أجد عندكم حل يمشي مع إمكانياتي

[align=center]فكري بأي شي فيله أكل .. وأنصح بالأكل الهندي .. تعلميه والله يوفقك .[/align]