السلام عليكم ورحمة الله وبركاتة

بصراحة هذا اول موضوع لي مع اني من زمان داخلة المنتدى

انا قد اشتغلت في معهد معرووووف براتب الفين كمدربة حاسب وداومين بس تعب بشكل مو طبيعي لمدة ستة شهور وتركتة لاني حسيت المديرة تكذب وتصرف وغير اني يوم طلبت اشتغل دوام واحد قالت اذا اشتغلت دوام واحد اشيلك من التأمينات الاجتماعية قلت وين الدنيا مو فوضة بس بعدها كرهت ابو المعهد وريحتة الخايسة وتركتة بعد ماتركتة وحدة كانت تشتغل معي بعد المهم بسئل الاسئلة هاذي واتمنى تجاوبوني بكل صراحة لاني مااعرف الشغل زين
1 بعد ماطلبت الاستقالة قالت اكتبي ورقة اخلا طرف هل من حقي اخذ صورة منها لانها ماعطتني؟
2 بعد ماطلعت من المعهد بعد ثلاث شهور لقيت التأمينات مرسلين لي رسالة انت مسجل بالتامينات وراتبك الف وثمنمية

بس هاذي ائلتي ابي اعرف انا صح او غلط خصوصا ان المديرة صايرة تماطل معي باشيا كثيرة
وغير كذا تكذب عالبنات بشان اختبار المؤسسة وغير قالت لي ان راتبك بصير ثلاث الالاف بس ماشفت شي

وشكرا اسفة طولت والكلام مش مضبوط وملخبط بس الله يعين من بعد ماتركتها كاني مسوية جريمة بسبب انى تركتها بس النفسية زفت وش اسوي

للرفع ابي الاجابة الله وفقكم

يجي اللي يفيدكـ خيتو..

[align=center] بعد ماطلبت الاستقالة قالت اكتبي ورقة اخلا طرف هل من حقي اخذ صورة منها لانها ماعطتني؟

.. أنا كنت أشتغل بشركه وكان مسؤول شؤون الموظفين صاحبي فسولي إخلاء طرف فسألته أخذ نسخه قال لا بس هذا للشركه .. أعتقد والله أعلم ما تاخذي نسخه .

والله يوفقك يااارب ويكتبلك أخير من هالوظيفه .. المهم إنتي شوفي أسمك بالوزارة موجود ولا لا وإذا موجود شيليه .[/align]

انا اشتغلت بكذا شركه
من الضروريات ان تاخذي اخلاء طرف وشهادة خبره هذي الحاجتين مهمه او انك تاخذي
شهادة خبره تتضمن من التاريخ الفلاني الى التاريخ الفلاني اشتغلتي في ......... بوظيفة ..........
وكنتي حسن السسيره والسلوك تقريبا زي كذا شهادة الخبره تغني عن اخلاء طرف
لان ع اساس اخلاء الطرف يعطونك شهادة الخبره وشهادة الخبره تنفعك مستقبلا اذا جيتي تقدمين ع وظيفه
يكون عندك خبره ويكون لك الاولويه بالقبول
اتمنى اكون افدتك

بالنسيه للتامينات والرساله الي جاتك خليهم من صالحك يعني يحسب لك خدمه وانتي ما تشتغلين مثلي انا سنه يمشي لي راتب وانا ماني موظف
يعني باختصار من صالحك بس اذا دقو عليك المعهد وقالو اكتبي استقاله للتامينات بتاريخ اخلاء طرفك من المعهد لا تكتبين طنشيهم واذا ما فهمتي بفهمك

وبقولك شي انتي لا تصدقين الكلام الي تقوله لك اي مديره
لا اذا ما كان الكلام على ورق ما ينفع لا تصدقين الا الي بالورق
هذي من واقع تجربتي بالشركات

تحياتي لك

[align=center] اخلاء طرف لهم ؟؟؟؟؟؟
اخلاء الطرف لك ولازم بعد شهادة خبرة ....
اذا ماطلت قولى لها بشتكي بمكتب العمل .....ترا اخلاء الطرف وشهادة الخبرة من ابسط حقوق الموظف عندهم ....اذا مافاد قدمي شكوى لمكتب العمل ... ما اصدق نفسي اول مشاركة تحريض ...[/align]

اختي
بالنسبة لي اخلاء الطرف فهو امر عادي جدى لإن المقصد ان ما يطلبك المركز شي وانك استلمت كامل حقوقك طبعا ما تستلمين الاخلاء الا بعد الاستلام اما الشي الثاني التامينات من صالحك لو انه حطة راتبك 5000س شي عادي بس المفروض انك سالتي والاستفسار شي جميل

أما بالنسبة لتقديم استقالتك فمن حقك

1- بدل مكافئة نهاية خدمة .
2-بدل الاجازات .
3- شهادة خبرة .

واذا فيه شي ناقص ماكملتيه بلغيني وان شاء الله افيدك باللي اقدر عليه [/QUOTE]

اها الحين فهمت طيب واذا قالت ماتاخذين البدلات لان شهادة الخبرة عطوني اياها وبالغصب بعد

طيب اقدر اخذ البدلات حتى لو لي شهور تاركتهم؟

وشكرا يااخواني ماقصرتوا الله يوفقكم ان شاء الله

[align=center]
شهاده الخبره .. وبالغصب . لاحول ولاقوه الا بالله

اذا هالشي من ابسط حقوقك .. وبالغصب..ماقول الاحسبي الله ونعم الوكيل فيهم

اختي اهم شي انك تاخذي اخلاء طرف وشهاد خبره عشان تفيدك لما تقدمي في وظيفه اخرى

بالتوفيق اختي لك ولكل مواااطن سعودي عاااطل
[/align]