المشكله منا وفينا

لو نصير يد وحده ولا نشتري إلا من محلات موجود فيها سعوديين كان ذيك الساعه راح يحسبون لنا الف حساب


لكن جربت كذا شغله والله العظيم اذا جاء سعودي وشافني وتأكد اني سعودي طنشني وراح يشتري من الهنودوالزيودوالبنقاليين
وبصراحه الشغلات اللي اشتغلتها
ليموزين كنت شاريه جديد بإسم اخوي ووايت عايدي ومحل زينة سيارات وكلها فشلت بسبب محاربتنا من اخواننا السعوديين
لكن الان ابي اشتري سيارة قديمه وبعدلها ليموزين والله بسبب الفراغ مدري وين اروح كل صبح
الوايت ما اشتغلت عليه اللي اشتغل عليه اخوي واحيانا اروح معه احيانا واقسم بالله يجون اغلب اخواننا السعوديين واذا شافونا مروا من جنبنا وراح لليمنيين والهنود والبنفال وحنا واقفين نناظرهم
ونفس العمليه صارت معي في محل زينة سيارات

طيب الحين اسألكم بالله هل السبب في سيطرت الاجانب على التجارة هم ( الاجانب او احنا السعوديين )

عندنا بمكه المصرين بنسبه كبيره مسيطرين على المحلات واللي يقهر انها مستاجره بأسماء سعودين واغلب السعودين لاهو قادر بيع جوال ولايشتري جوال

ياخوي اترك العماله عنك وشد حيل والله بيرزقك
وش تبي بالظبط انت وياهـ ؟ متحطم وحالتكم حاله اشتغل لو محل فيه عماله ما عليك منهم ورزقك بيجيك

الي جابهم اهل الفيز اللي يبيعون ويشترون
ثاني شئ اذا احد جاب عامل عطاه كل شئ وقال سلمني راتب اخر الشهر كيف يشتغل مومهم المهم يعطي كفيله راتب اخر الشهر
حتى تعلموا كل شئ وسيطروا على كل شئ

الله يوفق الجميع وماحد ياخذ الا رزقه

موفق بإذن الله ... لك مني أجمل تحية .

معروف
البقالات هنود والان دخلو عليهم اليمنيين
المغاسل هنود وبنجلاديشيين والان دخلو عليهم بقوة اليمنيين
الخياطين يمنييييييييييييييييين
المندي يمنيييييين تكتيل رهيب
البخاري باكستانيين وافغان ولا يشتغلون عندك لو تطير الا اذا بتأجر المحل لهم
الفوال يمنيين وباكستانيين وافغان وسودانيين
البوفيات هنود ودخلو عليهم اليمنيين
الجوالات يمنيين اكتسحو الساحة بكل قوة خصوصا بالرياض
محلات الخضار يمنيين
محلات الطيب والعطور يمنيين
الفطاير اتراك
الفلافل سوريين واردنيين وشوام

والسعودي نايم ولا يدري وين الله قاطه
انا طلعت عندي محل اسوية الان
تصدقون قابلت يمكن فوق 400 شخص معلميين كلهم
يعني اطلع من الساعة 8الصبح ارجع للبيت الساعة 7المغرب اسئل واقارن الاسعار لمدة اسبوعين
جيت محلات الزجاج بنجلاديشيين وباكستانيين
جيت محلات الكلادينج يمنيين وباكتانيين
جيت ورش الحدادة بنجلاديشيين وباكستانيين وهنود
جيت محلات الصاجات بنجلاديشيين وباكستانيين وهنود
جيت محلات الستايل ستنيل مصريين وسودانيين وهنود وباكستانيين
جيت محلات التكييف سودانيين وسوارية ومصارية
جيت محلات الديكور يمنيين
جيت محلات البلاط سوريين وباكستانيين
جيت محلات الكهرب استغربت يمنيين !!! جيت فوق 10 محلات
جيت محلات الخطاطيين مصارية وهنود وباكستانيين
دورت مهندسين التصميم للمحل حصلت مصارية وسوريين ولبنانيين ويمنيين والله مايلحقون يقولون لي تبي بعد شهر نسوي محلك !!! عليهم شغل رهيب مايلحقون وشبابنا الى يتخرج من كليات الهندسة امنيته يكون موظف بالبلدية بالمرتبة السادسة او السابعه ولا يجلس اربع خمس سنوات عاطل !!! اااه يالقهر بس
جيت وجيت وجيت والله ماقابلت ولا سعودي مع اني اجي مثلا محل الزجاج وامر الى جمبه يمكن 6محلات
اجي محلات الالمنيوم ونفس الكلام
جيت محلات الالمنيوم وحصلت مصارية وباكستانيين
جيت محلات السباكة سودانيين ويمنيين وهنود
جيت محلات الشوايات سودانيين وبنجلاديشيين
جيت محلات قدور الرز يمنيين
محل وحيد الى حصلت فيه سعودي الى هو تبع معدات الطبخ قدور وسكاكيين وصحون وطلع زميل بالجامعة الله يذكرة بالخير
وشفت واحد فكرته سعودي عند ورش الحدادة بالصناعية لابس شماغ اول ماشفته كأني شايف كان من الفضاء استانست تخيلو وش طلع ... يافرحة ماتمت
فلسطيني الى يعرف ورش الحدادة بالصناعية اكيد يعرفة متين واحمراني بس والله ونعم فيه دلني على محل رخيص للالمنيو
اسوعين ماشفت الا سعوديين بس وطلع واحد صديق والثاني حق التكييف اسمه تكييف الاحمد بحي حطين بالرياض
ويقولون عطااااااااااالة مافي وظايف الا والله عقولكم الى عاطله عن التفكير مع الاسف

صاحب الموضوع مشكور ع الموضوع والله يوفقك

صراحة الشباب السعودي هوا اللي دخل البنقاليه للبلد والحين بدؤ يحسو فيهم

الله يعين بس والله شي يقهر العماله تشتغل وتاخذ فلوسنا وتوديها برا واولاد البلد مو لاقيين مصروفهم