السلام عليكم ورحمة الله وبركاته


اشكر على افتقدني وسأل عني في موضوع افتقد عضو اسأل عنه فيذا


وأحلى تحية للحصاه ولفيصل وزيدان ابو بدون شعر ويربش خوينا القديم اللي نسينا من يوم صار مشرف وعاشق الشمس واحلى صفقة على مقفا خنجر وديع وعلوش وكبتن عتيبة والطقاقة منو ومأجرة الشغالات وبياعة الحنى وثيقة متلحفة


المهم


نويت اطلع اليوم اسلم على اخوياني القدامى لكن للاسف بنتي كانت تلعب بمفتاح السيارة وضيعته ولي ساعتين ادور علاه ومالقيته ولا جاني النوم

قلت خل ادخل المنتدى واخربش شوية الين يجيني النوم


,....والله العظيم اني ارتاح يوم ادخله واشوف اسماء المرتزقة اللي فوق وفيه غيرهم كثير لكن الوقت ما يسمح اذكرهم لكن هالكم الهائل اللي ذكرته شفتهم بأم عيني في الجزيرة اللي شايل له كنبة واللي شايل تلفزيون

اللي اثار استغرابي من جد هو خنجر وديع

اللي ماتحصل ثورة في أي وطن عربي الا واشوفه في التلفزيون

اول مرة شفته في حرب امريكا ضد العراق عام 2003 وكان وقتها شايل له ثلاجة وقز

وشفته في تفجيرات السعودية شايل مسجل فورد ويوم شاف الكاميرا سوا نفسه يسعف المصابين

شفته في تفجيرات المغرب عام 2004 معه غرفة نوم

وفي ثورة تونس شايل اكسسوارات منزلية

وفي ثورة مصر شايل معه مكيف سبيليت

وفي ليبيا معه خزان

وتوه متصل علي يقولي محتار وين اروح عمان والا الاردن والا البحرين والا الجزائر والا موريتانيا




عاد بما ان الموضوع كله خربشة توني تذكرت موقف محرج صار لي


بحكم ان عشت مراهقة مبكرة جدا يعني بلغت وانا في خامس ابتدائي وطلع لي شنب وصار صوتي خشن حتى المدرس حطني عريف وابن امه اللي يفتح فمه بكلمة

جارتنا مصرية كانت تحبني وتموت فيني وكل يوم تدق على امي عشان اجي العب مع بنتها وانا مستحي مدري وش اقول لامي ...قلت لها قولي لها محمد خلاص طلعت له شنب...قالت يالهوي..خلاص حنجوزه لبنتي ...قلت لها والله مايمديني بكرة عندي اختبارات لكني خليها يوم ثاني

عاد عشت طفولة تعيسة لانها كانت قصيرة حتى اخواني استمتعوا الا انا مدري من وين طلع لي هالشنب حتى اللي يشوفني يقول هذا اكبر من اخوه الكبير..

اكبر عياره يوم يقولون عني تركي .....الله يرحم هذيك الايام قبل 18 سنة كل ما يشوفني واحد يقولي ياخي ليه ماتزبط الشاورما...واللي يقولي لا تكثر معجون في السمكرة ...واللي يقولي حلاق فاشل....ايامها كنت مزيون وكل بنات الحي يبون يتزوجوني وامي كانت ماتطلعني من البيت خايفة علي....والحين ما حد يرضى يناظرني ولا حتى يرد علي السلام...********مين علي هذا؟

الحقيقة ما ينلامون والسبب :
12 حادث ثلاثة منها نطحت القزاز الامامي براسي
انسحبت مع السيل
كارثة الاسهم
ارتفاع الاراضي
انزلاقات طينية


يعني باختصار وجهي صاير كروكي حادث



\\\\\\\\\\\\\\\\\\\\\\\\\\\\\\\

في المتوسط كان عمري 13 سنة ورحت مع ابوي المستشفى قاله الموظف ندخله على طبيب اطفال قال ابوي اوكيه قلت له يبه عيب منت شايف شنبي وش يقولون عني الناس.؟ قالي انثبر مع الورعان هناك..
والله اني منقهر ...واللي زاد الطين بله ان الحريم ما يتغطون عني وكل ماتشوفني حرمه تقول ياعمري عليه يجنن...وانا اقول بيني وبين نفسي حق من لفعك على مقفاك خل يجنن

دخلت على الدكتور ناظرني الدكتور وقالي اطلع على السرير وافصخ....قلت بيني وبين نفسي ...افصخ؟ شايفني ورع من حقين اولى ابتدائي ....قالي ابوي افصخ وخلصنا

فصخت الثوب والدكتور يفغص في بطني ويناظر بنظرة غريبة كنه يقول كسرت عينك يالوصخ...





الى هنا انتهت الفضفضة ابروح ادور للمفتاح

ودامكم وصلتوا الى نهاية الموضوع ...اتمنى من أي شخص يقرا الموضوع يدعوا لاخونا ليل المعاناة احبك يابحر سابقا ترونه مسوي حادث


فمان الله ونوما سعيدا