بصراحه كثيرون جدا اللي يشتكون من ظلم الشركات لهم بسبب عدم الغاء اساميهم من التامينات الاجتماعيه

كثيرون يستقيلون من الشركات وبعد فتره يجدون الشركه مستغله اسمهم بمكتب العمل والتامينات الاجتماعيه

وهذا ظلم واضح والمسؤولين يتحملون ظلم الشباب لانهم لم يضعو انظمه قويه مثل الدول الاخرى

لازم يصير شي قوي من الشباب والا سيستمر تمادي واستغلال الشركات لأسماء الغير

اما ان يخرج المسؤولين قانون قوي جدا يرعب الشركات ..اما غرامه كبيره جدا او اغلاق مؤقت وتشهير ..

او الزام التامينات بالغاء اسم الموظف المستقيل دون الرجوع الى الشركه بعد اثبات اخلاء الطرف

وان مانفع شي لابد من (****) تضغط على المسؤولين في مكتب العمل والتامينات والشركات لاحترام الجميع

نفس المشكله انا في مدرسه أهليه وأبي الغي التامين خلاص اللي يعرف يخبرنا

انا وآجهتني نفس المشكله ،
طبعآ رحت لمكتب التأمينات الاجتمآعيه .. و عطوني ورقه مكتوب فيهآ آني آعمل وكذآ ،
طبعا تروح للشركه وتقول ي الله ابيكم تشيلون آسمي من التامينات ... طبعا لا تطلع من مبنئ الشركه الا وهم شآيلين آسسمك .. لان الدعوه بخمس دقايق بس عن طريق الانترنت يشلون آسمك ..
طبعا رآح يطلع بالتآمينات انك مسجل لكن مآتعمل < هذآ الشي مآتقدر تششيله ،،

و طبعآ الي مسجلينه الشركه وهو مآيدري يعني مآتوظف عندهمَ ..
يقدر يرفع قضضيه عليهمَ و يعوضونه

# و السسلآم عليكم ورحمة الله وبركآته ~

أنت مسجل بالتأمينات الاجتماعية ولكن حالياً لاتعمل _ يعني مافيه أي مشكلة بالنسبة للنقطة هذي

وكذلك مكتب العمل .

لكن المشكلة الكبيرة

"أنت مسجل حاليا وملتحق بعمل خاضع لنظام التأمينات الاجتماعية "


يعني لازم تراجع التأمينات وتشوف من اللي مسجلك وانت ماتدري

تحياتي لكم

السلام عليكم

مبروؤوك عليكم الشهر اخواني

اخواني انا لي قريب جاني قبل فتره وقال لي فيه وظيفه يجيك راتبها وانت جالس بالبيت المهم قلت خلاص اوكـ

المهم الوظيفه على اني سائق ارسلت له صوره من الهويه وصورة من رخصة القياده

وبعد كذا جلست تقريبا اسبوعين او 3 المهم وجاتني رسالة من التأمينات

عزيزي المشتركـ الـ..............., تم تسجيلك في نظام التأمينات الاجتماعية براتب وقدرة 3000 ريال

لدى شركة نقل ............

والرسالة الان مر عليها 3 شهور او اكثر شوي من لما وصلتني

المهم اش الحل وبعدين انا ماعطيته لارقم حسابي ولا شي بس الهويه والرخصه

ومادري انا وش السالفه تكفوون وضحوا لي ياجماعة

اخوي القريب ذا موضفك عنده او لا لانك موضف سائق لدى مؤسسه او شركه والراتب يجي على حسابهم مو حسابك وهم يحولون الرواتب على الموضفين يعني الغ اسمك احسن لك ناس تاكل فلوسك وانت ماتدري

الطريقة تذهبون الى اقرب مكتب للتأمينات الاجتماعية وتطبع برنت لك . برقم بطاقتك ( السجل المدني )

وتجد الشركة اللي سجلتك .. مكتوب اسمها بالبرنت .!!

تروح لهم تخليهم يفصلونك من عندهم . ولا تسكت عن حقك خلهم يعوضونك عن استغلال اسمك بالسعودة الوهمية !!

طبعا اذا رفضوا او ما قدرت تاصل لهم ارجع للتأمينات ثانية لقسم اصحاب العمل .
و يجيبون لك الشركة غصب !

لاتخلون احد يستغل اسمائكم !
دعواتكم ..

الله يعينكم .. ونسأل الله التوفيق لكم ..

استغفر الله العظيم

السلام عليكم ورحمة الله وبركاته .. اولا مبارك عليكم الشهر ياجماعة الخير .
ثانيا : بخصوص اللي مسجل في التأمينات الاجتماعية وتطلع له لما يشيك ع الموقع هذه العبارة (( أنت مسجل بالتأمينات الاجتماعية ولكن حالياً لاتعمل )) هذه يعني واحد من امرين . 1- انه كان مسجل في شركة وقدم استقاله وسجلوه التامينات عندهم برقم . يعني صار له رقم في التامينات بس ماهو موظف ( لايعمل ) .

الامر الاخر 2- ان ابوك متقاعد ومسجلك معاه بالتامينات على ما اعتقد . بس مافيها اي مشكلة هذي العبارة عادية جداَ

لكن العبارة هذي (( "أنت مسجل حاليا وملتحق بعمل خاضع لنظام التأمينات الاجتماعية " )) تعني انك مسجل في التامينات ولك رقم وموظف في احدى الشركات او المؤسسات . واذا كانت تظهر لك هذي العبارة وانت عاطل ولا عندك شغل لازم في اقرب وقت تراجع التامينات الاجتماعية ويكون معاه اصل الهوية المدنية وتطلع اسمك منهم .
بالتوفيق

الله يعطيكم العافية شباب ماقصرتوا

والله الزمن ذا ماتعرف قريبك من عدوك