السلام عليكم ورحمة الله وبركاته

يسعد صباحكم/ مساكم ..

اخواني محتاج رائكم ولا اللي الا الله ثم انتم ويهمني رائكم بشكل كبير ...
وان شاء الله بلقاء الراي المناسب منك جزاكم الله الف الف خييير ...

وموضوعي هو اني سجلت في معهد تمريض اهلي ..تمريض عام..
والحمدلله اخذت الترم الاول وجبت معدل 3.22 والحين بدينا الترم الثاني ..
وقبل ما ادخل في المعهد قدمت على شركة الاتصالات السعوديه بالثانويه وظائف
وتاخرو وفقدت الامل والحين اتصلو علي وقالو لي وافقنا والراتب 3800 ريال
وظيفه رسميه يعني مو ساعات

*وانتم وش رائكم اكمل تمريض ولا ادخل الوظيفه ؟؟؟


رائكم طلبتكم لاتحرموني ....

انتظر ردودكم ع نااار

شوف خيو

اذا ان الوظيفة من نفس الاتصالات يعني مو شركة تابعة للاتصالات ومن نفس المدينة الى تبغها توكل على الله وروح وحاول انك تطور نفسك في اي من المعاهد.

والله يوفقك.

اخوي
اول شيء استخير الله
انا رايي انك تاجل المعهد الترم هذا وخصوصي انه اهلي وتروح تشوف الوظيفة مع الاتصالات ارتحت ولقيت الوظيفة لها مستقبل وفيها مجال للتطوير استمر فيها واترك المعهد على طول اما اذا ماارتحت يكون فيه خط رجعة لك في المعهدوبرضه صار عندك خبرة في العمل اتوكل على الله ناس كثيرين يبون مثل هالوظيفة وبنفس الراتب الحين الجامعيين يعطوهم الف وخمسمائة التردد يضيع فرص حلوة بالتوفيق يارب

تسلمووون لي والله يخليكم ...والله رائكم وسع صدر حسيت احد مهتم فيني

الله يعطيكم الف الف الف عااااافيه

وانتظر ارئي الباقيييين

اخوي ادخل الوظيفة لا يمنع وكمل دراستك مسائي اكيد المعاهد الاهليه فيها دراسه مسائية

والسنتين راح تمر بأسرع وقت المهم انك تكمل دراستك

لان الوظائف الصحية رواتبها احلى ورسميه وحكومية وتعينها مضمون بضمان الله

المهم عمل في الصبح ودراسه في المساء ونسق مع المعهد او انقل اي معهد يدرس مسائي

تحياتي لك

ماعندي فككككككره

اخوي
اول شيء استخير الله
وانا اخوي مع الاخت طالبه كبيرة
الوظيفة هالايام ووووين تلقاها
استخير وتوكل على الله سبحانه وتعالى

اذا الوظيفة رسمية توكل على الله والمعهد لوعندهم قسم غير التمريض استفيد منه بقسم يفيدك بالاتصالات لكن ابي الفت نظرك ان المعاهد الصحية الحكومية لها الاولوية بالتعيين وانا قريبي دخل معهد صحي اهلي وله سنتين ماحصل وظيفة بالتوفيق

مشكوووووره ومقصرتي ياعزيزتي الطموحه ...

والله يعطيك العافيه على ابداء رائك اللي يهمني بشكل كبييير ..

ولك ارق تحيه ...

هلا المصمـــــــــم انـا أقول إذا الوظيفــــه اكيده خلاص توكل على الله

حنا درسنا واخذنا البكالوريوس عشان نضمن وظيفه زينــــــه بس دام ربي سهلها عليك لا تضيع الفرصة ..

توظـــــــف بس نصيـــــــــــحه حتى لو توظفت كمل دراستـــــك يعني لو تدرس انتساب بكالوريوس حلوو او تكمل دبلوم تمريض اذا ودك تكمل فيه,,

وراح تفرق بعدين معك حتـــــى بالراتب ..

والله يوفقك ويكتب لك الخير وين مايكـــــــــــــون .. واستخير ربـــــــــــك

وبشرنـــــــــــا وش يصيــر معـــــــك