صرخة عاطل!!!

ربك يهونها · #1 (**permalink**) 06-03-2011, 04:18 AM

بسم الله الرحمن الرحيم

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين اما بعد:
هذا اول موضوع لي بهذا المنتدى واتمنى ان اكون عضو مقبول لديكم الي حبيت اتكلم عليه في

موضوعي واضح من العنوان انا خريج كليه صحيه تعليم موازي فني مختبر تخرجت في يوم

15-9-1430 يعني ابكمل سنتين بشهر رمضان الجاي الله يلحقنا خير ان شاء الله

علما بأن شهادتي من جامعة حائل وانا لم ادرس اي منهج للجامعه كانت دراستي تابعه لوزارة

الصحه وفي اخر ترم دراسي تم تحويلنا للجامعه بدون سابق انذار ولم ننتبه للامر حينها لانها

في الاخير تبين انها مكيده لسبب واحد وهو التخلص منا ورمينا على وزارة الخدعه المدنيه

والمقصود في كلامي وزارة الصحه هي من تخلص منا علما باني كنت ادفع كل ترم 5000ريال

لصالح صندوق طلاب الكليات الصحيه والمناهج باشراف وزارة الصحه ووصلهم مني 25000ريال.
وفي الترم الاخير الي هو السادس صدر امر خادم الحرمين الشريفين باعفاء الطلاب من الرسوم

ولاكن الوزاره استغلت الامر للتخلص منا ولم يجدوا مايردعهم او يقف في وجههم لا من اعلام

ولا من مسؤؤلين .
وللتذكير فقط انه عندما دخلت الكليه كانوا يقولون لنا ان رقمك الاكاديمي هو رقمك الوظيفي

محجوز لك ووقعت على ورقه مذكور فيها انني اخدم وزارة الصحه في اي مكان تراني مناسب فيه

وان اخدم مده لاتقل عن مدة دراستي وكل هذا تم ظربه بعرض الحائط والان وبعد تحويلي للديوان

رقمي370 ولم يتحرك منه الا 90 رقم فقط خلال سنه ونصف يعني اذا على وظايفهم الي بالقطاره

يبغى لي اقل شي 5سنوات هذا اذا ماكان اكثر والعلم عند الله.
وفي الخير اناشد المسوولين بايقاف هذه المهزله التي تعرضت لها انا وزملائي الذين درسوا وقتها

بمختلف التخصصات لا وازيدكم من الشعر بيت موضف بالديوان يقول لي الغلط عليكم انتم ليش

تدخلون تخصصات مختبر وصيدله وهو مايدري ان كليتنا مافيها الا هالتخصصين.

وفي الاخير تقبلوا تحياتي واعذروني على الاطاله وسوف اوافيكم بمواضيع جديده ان شاء الله
(لاتحزن فرزقك مقسوم وقدرك محتوم والدنيا لاتستحق الهموم لانها لاتدوم)

ولد عتيبة · #2 (**permalink**) 08-03-2011, 07:29 PM

الله يعينك والله مشكله كبيره لان ربك فيه وماينسى عباده

لبيه 999 · #3 (**permalink**) 08-03-2011, 09:55 PM

الله يعين كل عاطل

مغاامرٍ · #4 (**permalink**) 08-03-2011, 11:48 PM

صراحه انك ماقصرت جزاك الله خير على الي كتبته

والله يوفقك يارب ويوفقنا عاد انت بس باقي قدامك هالرقم

لكن المشكله حنا يا قسم الحاسب الالي انا رحت الديوان قالي

قدامك ثلاث قواائم يعني شف القائمه الوحده كم فيها !!!

وربي يوم قالي كذا اتحطمت بمعنى الكلمه

قلت له يعني قدامي الف الفين ههههه

والله العظيم عرفت انه الشغله ماهي سهله ومطوله بس ربك يحلها

والله يوفقنا ويوفقك

ربك يهونها · #5 (**permalink**) 09-03-2011, 03:11 AM

مشكورين على مروركم العطر الذي اسعدني كثيرا

بالنسبه للاخ مغامر هونها وتهون اذا لنا نصيب نبي ناخذه طال الزمن او قصر لان ربك كبير ماينسى احد من عباده

اكثروا من الاستغفار والتوبه وباذن الله تنحل مشكلتنا

الأف بي اي · #6 (**permalink**) 09-03-2011, 03:32 AM

اخوي انا خريج الكليه الصحيه وحالتي مثلك بالضبط بس انا صيدله والله ظلم انا جالس الحين لي سنه و فيه ناس قبلي لهم 3سنوات
والله لو عطون خبر من بدري انهم يضمونها للجامعه كان ما قلنا شي بس النظام جاء فجه وهاذا يدل على عدم التخطيط
والله يكتب لنا بلي فيه الخير
تحياتي اخوكم العاااااااااااااااطل

ربك يهونها · #7 (**permalink**) 09-03-2011, 03:51 AM

اخوي الاف بي اي شـكرا لك وبارك الله فيك... لك مني أجمل تحية .

والي قال لك ان فيه نظام منهو ..... لو فيه نظام كان ماتمرمطنا كل هالمرمطه

المشكله حتى الاعلام ماوقف جنبنا وهو له سلطه كبيره

لاكن ربك كبير