السلام عليكم الموضوع باختصار قبل كم يوم انخطبت ولكن هناك مشكله وهى ان بينى وبين الشاب حوالى 10 سنين او اكثر ومسواه التعليمى ثانوى ولكن متوظف وانا مستواى جامعة ولكن عاطله وتقدرو تقولو بدوى ولكن اهو يكون ولد خالى وامى ماصدقت خبر من يومها وهى تظغط على اخذيه اخذيه ولا بزعل عليك وماراح يجيك احسن منه مع العلم انه انا الاكبر واذ قلت انى باخذه بروح اسكن معه في منطقة نائيه بعيد عن اهلى ولا فيها نت ولاشي فما ادرى وش رايكم اتوكل على الله او ارفضة انا ذا فكرت بعقل مايصلح لى نتيجة فرق العمر ولكن محتاره ياليت تشيرو على

الله يوفقك وجعل ربي يرزقك ما تتمني
ولو تبين شور اخوك
استخيري الله عز وجل
وعسى الله يكتب لك للي فيه الخير
وربي يوفقك ويستر عليك
وان كان هذا الامر لك فيه الخير الله يعجل لك به
وان كان فيه شر الله يصرفه عنك

هذا ما عندي والله يديم علينا وعليكم الخير

والله الاستخارهـ افضل من شورنـآ

بس ترا فارق العمر ما يأثرٍ ،

لا تناظرٍينَ لهـآ من ناحيت العمرٍ
ناظرٍيَ من ناحيت تفكيرهـ - التفاهمَ - السكنَ - الدخلَ - البيت - الحيـآهـ السعيدهـ

انظرٍيَ ل الزواج من كل الزوايـآ الاخرى بعيد عن العمـرٍ

والافضل والاحسن الاستخارهـ ان ارتحتي بها ونعمه ما ارتحتي ما كتب ربي نصيب !!

بسس لو كانت الاستخارهـ قبل الخطبه كان احسنَ مو بعدهـآ

لاكنَ الله يجمع بينكم بـ خير وما تدرين وين نصيبك ؟

يمكن لا قدر الله تنفصلون وتتسرعين وفيا لاخير ترجعين وتعرسين بوهـ ويكون هو نصيبك !

لا تستعجلين ودامك اقدمتي بـ شيء ، فتوكلي على الله

الحياهـ الزوجيه عاطفه + تكاتف + تفاهم

وليست بـ فارق العمر

واما عن النت وما نت ،

انتي ما بتظلين طول عمرك على النتَ وإذا المنطقه مافيهـآ نت ابد الله يديم البلاك بيري

وبالنسبه لـ اهلكَ ، ناس كثيرٍ بعيدين عن اهلهمَ وما يشوفونهم إلا بالاعيـآدَ هذه هي الحياهـ لا تسير كما نريد ؟؟


موفقه يارب والله يكتب لك إللي فيه الخير

وتوكلي على الله قبل كل شيء

أنتي أكبر منه ...!!

وبعشر سنوات أو أكثر ومحتاره ؟

ليه طيب ؟ وش حادك وهو ليه خاطبك دامه توه صغير

معليش استخيري وفكري زين والله كلامك غريب

يااعمري اسمعيني ركزي وفكري زين
حتى لو عمرك كبير وللحين ما تزوجتي ما تخافين أنه هذا بس يبيك محطه في حياته
وبكره يزين وضعه بيقول والله أبي وحده صغيره أو أقلها من عمري

أصبري وأدعي الله بالزوج إلي يصونك ويحميك وتكملين عمرك معه
مو زوج أصغر منك ومدري وش أهدافه

مدري شقولك بس هذا إلي بخاطري والله قويه تاخذين أصغر منك بعشر سنوات

حبيبتي توكلي على ربك


الرجال ما يعيبه غير اخلاقه وجيبه


استخير الله ولاتفكرين بفارق العمر


الرسول تزوج السيده خديجه وهي عمرها 45 سنه وهو عمره 25 سنه الفرق كبير وواضح


ولكن خلفت جميع ابنائه عداء ابراهيم

حبيبتي خالتي متزوجه وزوجها اصغر منها ب20 سنه واعايشه بسعاده ومخلفه 6 عيال


اهم شي اخلاق الزوج ودينه


وبغيرها لاتفكرين كم من متعلم تعليم جامعي تفكيره لايتعداء رجوله

وكم من متعلم تعليم متوسط مثقف وتفكيره واعي


الشهاده ماهي عبره دامه موظف تولي على الله


وادعي لي ربي يتم لي على خير ويفك كربتي

استخيــــــــــــــــــــــــــــــــــــــــــري
اذا شفتي نفسك مرتاحة اوكي الخيرة فيما اختاره الله واذا مارتحتي يجيك احسن منه ان شاء الله

استخيري الله وخذيه ترى المحبة من الله ما يحكمها عمر ولا جمال وهذا نشوفه من واقعنا تلقين متوسطة الجمال تتزوج وتتوفق اما الجمبلات اما عوانس او مطلقات او مع زوج مو عارف قيمتها ---- سبحان اللي ما يضيع خلقه

ااستخيري الله ووفكري واختااري والله يسعدك ان شااء الله....