وش سالفة المساعدة الغذائية موجودة بالاستعلام وموموجودة بالرصيد !!!

جوانة · #1 (**permalink**) 06-03-2011, 02:25 PM

السلام عليكم ورحمة الله وبركاته ..

عندي استفسار عن المساعدة الغذائية موجودة بالاستعلام عن المساعدة الغذائية اللي في الموقع ..
بس ماتحسب بالاستعلام عن الرصيد ..
دايم رصيدنا بس فيه المخصص صاااافي من غير المساعدة الغذائية اللي هي 53 ريال .. وسألت باحث اجتماعي كيف اخذها قالي تنزل بالرصيد .. والرصيد مافيه شي ..

القهر كل شهر تنزل لنا وتحسب لنا والقى الرصيد مافيه الا المخصص ..

سؤالي كيف أخذها ؟؟؟؟؟؟؟؟

تكفووون لا تقولون لي راجعي الضمان ماعندنا احد يودينا ...

سؤال ثاني ..
سمعت عن بطاقة الشراء .. وشي شروطها وكيف اقدم عليها .. ومشكورييين ..

الله يهدي موظفات الضمان يعطوننا البطاقة ويمسكوننا الباب .. مايعلموننا عن تسديد الكهرب و بطاقة الشراء والدورات وباقي برامجهم .. تقل من حلالهم شي .. الله يغنينا عنهم ولا يحيجنا الا لوجهه

فهودي الجهني · #2 (**permalink**) 06-03-2011, 03:13 PM

اختي الفاضله ..:

السله الغذائيه تنزل كل يوم 10 من الشهر تأكدي منها بـ البدايه ...

اما بطاقة الشراء المخفضه مازالت تحت الدراسه وإلى الان ما تطبقت ..

نصيحه مني راجعي مكتب الضمان حتى تعرفي وش لك ولا تسكتي عن حقك ..

وإذا مافادوك ارسلي شكوهـ ع إيميل الوزارة ... ووضحي فيه معاناتك معهم ...

والله يجازي كل من ياكل حق غيره دون وجه حق ...

ودمتم بحفظ الرحمن .

سناالفضة · #3 (**permalink**) 06-03-2011, 04:25 PM

الله يكون في عونك ويفرج كربك

احلام ضايعة · #4 (**permalink**) 06-03-2011, 11:07 PM

انت متاكدة انها ماتنزل في 10 الشهر ابد شفوا اخواني اخواتي الافضل انكم تسوون مثلي وتريحون انفسكم لا تسحبونها 10 الشهر وخلوها مع الراتب الاساسي وسحبوها مرة وحدة 900 ريال وخلاص اللة يرزقنا يارب من واسع فضلة .

ام متفائلة · #5 (**permalink**) 06-03-2011, 11:19 PM

اقتباس:

المشاركة الأصلية كتبت بواسطة احلام ضايعة

انت متاكدة انها ماتنزل في 10 الشهر ابد شفوا اخواني اخواتي الافضل انكم تسوون مثلي وتريحون انفسكم لا تسحبونها 10 الشهر وخلوها مع الراتب الاساسي وسحبوها مرة وحدة 900 ريال وخلاص اللة يرزقنا يارب من واسع فضلة .

صادقة اختي احلام
انتي تأكدي كم مجموع مستحقاتكم الشهرية
وبعدين احسبيها مع المساعدة الغذائية لثلاثتكم اللي مجموعها 162
انا عن نفسي دايم ما اسحبها الا آخر الشهر وتصير مع الراتب 900 وتزود

أوتآر السُكُونْ · #6 (**permalink**) 07-03-2011, 01:35 AM

انا نزلت لي تقريبا خمسة شهور متتابعة 900 ومن بعدها رجع نقص ل862 تقريبا

لما اعمل استعلام في الموقع تكون نازلة المساعدة الغذائية بس مااستلمتها غير فالخمسة اشهر فقط

خير ربي كثير · #7 (**permalink**) 07-03-2011, 05:17 AM

[Q[frame="13 98"]
UOTE=جوانة;4057458]السلام عليكم ورحمة الله وبركاته ..

وعليكم السلام ورحمة الله وبركاته
اهلا بك اختي الكريمة

اقتباس:

عندي استفسار عن المساعدة الغذائية موجودة بالاستعلام عن المساعدة الغذائية اللي في الموقع ..بس ماتحسب بالاستعلام عن الرصيد ..
دايم رصيدنا بس فيه المخصص صاااافي من غير المساعدة الغذائية اللي هي 53 ريال .. وسألت باحث اجتماعي كيف اخذها قالي تنزل بالرصيد .. والرصيد مافيه شي ..
القهر كل شهر تنزل لنا وتحسب لنا والقى الرصيد مافيه الا المخصص ..

بالنسبة لسلة الغذاء موعد إيداعها لايكون مع المعاش الشهري للضمان في .لكن هي تودع لجميع المستفيدين من الضمان بشكل آلي بدون تقديم طلب لها ... يوم 10 او 11 من كل شهر في الحساب الضمان المخصص لكل مستفيد.

اقتباس:

سمعت عن بطاقة الشراء .. وشي شروطها وكيف اقدم عليها .. ومشكورييين ..

بطاقة الشراء المخفضة إلى الان لم يرد شي بخصوصها في مكاتب الضمان .
نسأل الله ان يوفق الجميع لكل خير

[/frame]