السلام عليكم ورحمة الله وبركااته

اش اخباار العاطلين

لكم وحشة


اولا بعد اذن الاشرااف بنزل الموضوع ذا

امس وما أدراك ماأمس انه يوم نحس على وجهي الطعس

بقوولكم وش صاار لي العصرية كنت جاالس على النت اتفرج على شاهد اون لاين طاااش المهم واتذكر الدكتوور طلبنا مذكرة اشتريها من العزيزية اووم الزحمة قلت ياولد خلوونا نروح ونشتريها

شغلت الموتر واعشق على العزيزية ومشغل اغنية قلب قلب وين وين حتى مااعرف من وين اروح لها مشيت وصلت العزيزية واتذكر الامن العام ان لهم مدينة تدريب هنا قلت خليني اروح اجرب اشووف في خلق ولا في تقديم المشكلة جيتهم بعد المغرب وابغى اشووف في احد ههههههه قاعد احووس مااعرف وين محلهم مشيت خشيت في محل كله مظلات شكلها عرفة او منى القى اثنين باكستا ونزلت القزاز وكلمتهم جو عندي شوي ويخشون مع القزاز

كلمت اول وااحد
قلتله وين مدينة التدريب الامن العام؟
قال/والله مايدري انا شغال هنا
قلت اش تشتغل
قال شغل هنا
قلت/ طيب ويش شغلك
قال/مو شغلك

ومشي شوي والقى صاحب كرسيدا بنقالي برضوا وقله وين مدينة التدريب الامن العام والله وصفلي ماقصر ومشيت على وصفه لقيتها قداامي وحاطين من برة عبارات في لوحات ((الامن العام بر وامان)) ومدري ايش ذكروني بالمدرسة الابتدائية الي كنت ادرس فيها يحطون لوحات من برة ((حافظ على نظافة مدرستك)) وكن طالبا مجتهدا

خشيت مع البواابة مالقيت احد بس كامري موقفة برة اطالع مافي احد وأدز جوا ومشي شوي القى واحد راكب درااجة بنقاالي كماان حسيت اني في بنغلاديش كل شوي طالع لي بنقاالي لقيته محمل بدل عسكرية في الدرااجة واصك عليه بالجيب واقله وين لجنة القبول والتسجيل قال مافي معلوم ويبدأ فلم الاكشن

اشوف الكامري الي عند البوابة اشتغلت قلت ذحين يطلقوون على الرصاص لاني مقتحم وافكر بقلبي واقوول الاقتحام جريمة متأثر بالافلام

والله واروح عند الكامري ماخليته يعشق السياارة نزلت القزاز لقيته واقف بعيد شوي يحسب معي شي طبعا نزل اش اسمها الحديدة الي تسكر البوابة المهم جا وقال وش عندك قلت بكل برائة في تقديم

قال خشيت من البوابة وكملت الطريق انت ماشفتني قلت الصرااحة ماشفت احد وحقيقة ماشفت احد طالعت في الغرفة وفي الكامري مافي احد

قال انت عارف انهم لو شافوك بيوقفووني 72 سااعة قلت الله يستر ذحين بيوقفوونك قاال لا ذحين مافي احد قلت حلووو

قال التقديم انتهى قلت انا سمعت ان في تقديم ملفاات قال تقديم الملفات عند العقيد مدري العميد منصور مدري مسعوود ام الشربكة ههههههه المهم واحد من هاذولا قلت طيب في الحين

قال لا كلهم في الشراايع نقلوا كل شي الشراايع

بصرااحة الرجاال محترم وكلمني والابتسامة تشق وجهه ووسيم محترم لاقصى حد ونا ووجهي داق السواالف معااه

بس مدري وين كان لاني يوم خشيت من البوابة مالقيت احد



المهم واشكره بعنف وامشي من عنده واقعد اضحك على غباائي

بس كيف في تقديم عن العقيد منصور مدري مسعود مافهت من كلاامه المهم حبيت انزل الموضوع لاني طفشاان بس مدري في تقديم او لا عشاان بعدين لايجي وااحد ويقوول في تقديم مدري عن شي


للمعلومية مريت لمدينة التدريب من الطفش وكلمته ونا عاارف ان مافي تقديم بس قلت اجرب فااضي ماعندي شي

بس حبيت اقوولكم السالفة ههههههههه عارف ان مافي فايدة من الموضوع بس الطفش

موفق بإذن الله ... لك مني أجمل تحية .

> مات ضحك ههههههههههههههههههه


اقول شكلي بصيرمنتج واخذك كممثل كومديآني ~d


اشكرك كنت السبب في اظهار ابتسامتي السحريه ههههههههه


بالتوفيقـ × تشآو

نكت حاوه مع بنقالي الي شايل بدل الكوي لوقلتله عطني واحد