نداء للخبراء

طموحه لاكن عاطله · #1 (**permalink**) 06-03-2011, 11:11 PM

هذه اول مشاركه لي في هذا المنتدى العملاق حبيت استفيد من اهل الخبره هنا قبل ماابداء مشروعي قصدي...مشيريع صغير
فكرت اجيب كشك في حديقه عامه عندنا بالحي يعني ساندويتشات, بطاطس, ذره ,مشروبات بارده ,ساخنه يعني كشك صفير.... اتمنى فهمتوني....واجيب فيه عامل واحد
بغيت اعرف وشلون ابداء لازم تصريح من البلديه ومن وين اجيب ذا الكشك وكم التكلفه بتكون تقريبا
اتمنى تفيدوني لانه راس مالي 25 الف ومابيها تروح في شي فاضي كالعاده

اسفه على الاطاله
و بانتضار ردودكم

سعودي بن سعودي · #2 (**permalink**) 07-03-2011, 12:24 AM

[align=center]
25000 أختي تجيب شغل .. بس أنتبهي لاتغامرين فيها ..

إذا أنتي راغبة بالتجارة وماعندك وظيفة ، أنصحك تروحين واحد من المشاغل المشهوره في منطقتكم ... مشاغل الحريم قصدي ..

أستأجري كاونتر أو قسم صغير من صاحبة المشغل ... وأنتي وشطارتك بالتجارة وفي نفس الوقت تستغنين عن التصريح والعامل ( لأني بصراحه واحد ما أطيق الأجانب وما أواطنهم )

المهم أستغلي الكاونتر أفضل أستغلال أشتري ثلاجة وحطي فيها حلويات وشوكولاته وعصيرات وماي ... مثلا اشتري طابعة مستندات صغيره وطبعي ورقتين بريال ... مثلا بيعي اكسسوارات حريم ... الخ من شغلات البنات وعندك خبره احسن مني بيها ...

بس بصراحه هالشغله تحتاج صبر وطولة بال ، وأفضل تكون بحي غير حيكم .... وأتوقع تفلحين فيها لأن ماشاء الله بنات بلدنا يدهم خضرا

وبالتوفيق ...
[/align]

السلاطيـن · #3 (**permalink**) 07-03-2011, 01:20 AM

اهلا اختي
بخصوص تصاريح الاكشاك هذه عبارة عن مناقصات وهي معقدة
واغلب الحدائق العامة فيها بساطات يترزقون الله بدون تصريح
اما الاكشاك تصنع عند ورش الحدادة وتكلفة على حسب المقاس والتصميم
اتمنى لك التوفيق

طموحه لاكن عاطله · #4 (**permalink**) 07-03-2011, 09:40 PM

مشكور اخوي ( سعودي بن سعودي )على الاقتراح بس انا ماحب زحمة المشاغل
وزي ماقلت يبيلها طولت بال وانا
الله يعين

طموحه لاكن عاطله · #5 (**permalink**) 07-03-2011, 09:49 PM

اهلين (سلاطين)
مناقصاتكيف اقدم عليهم
وبعدين الي لفت انتباهي لهذا المشروع انه مافي احد يبيع بالحديقه لابساطات ولاغيره فيها اطفال كثير ونساء ومحلات كثير بجنبها بس مافيه بوفيه فيضطرون يشترون من البقاله
من هناء جتني الفكره

سعودي بن سعودي · #6 (**permalink**) 07-03-2011, 11:14 PM

اذا دخلتي في سالفة تصاريح البلدية بيطير راس المال على الفاضي

وأغلب من يبسط في الحدايق والمتنزهات بدون تصريح ولاشي ...

في طريقة ثانيه .... سيارة عائلية او فان ، تحطين البضاعة في مؤخرة السيارة وتفتحين الباب بعض الحاجات برا السيارة وبعضها داخل السيارة ، انا شفت مثل هالحركه عندنا بالدمام

من ميزة هالطريقة تقدرين تتنقلين من مكان إلى مكان بسهولة ...

بالتوفيق ...

همسات محب · #7 (**permalink**) 08-03-2011, 12:38 AM

بالتوفيق للجميع

طموحه لاكن عاطله · #8 (**permalink**) 08-03-2011, 02:15 AM

اقتباس:

المشاركة الأصلية كتبت بواسطة سعودي بن سعودي

اذا دخلتي في سالفة تصاريح البلدية بيطير راس المال على الفاضي

وأغلب من يبسط في الحدايق والمتنزهات بدون تصريح ولاشي ...

في طريقة ثانيه .... سيارة عائلية او فان ، تحطين البضاعة في مؤخرة السيارة وتفتحين الباب بعض الحاجات برا السيارة وبعضها داخل السيارة ، انا شفت مثل هالحركه عندنا بالدمام

من ميزة هالطريقة تقدرين تتنقلين من مكان إلى مكان بسهولة ...

بالتوفيق ...

تصدق انا فكرت بهذا الموضوع لاني قبل شفت عندنا بالرياض سيارات فان مجهزه بالكامل بس مادري وين الاقيها صراحه
علا العموم مشكور وربك ييسرها ان شاء الله

طموحه لاكن عاطله · #9 (**permalink**) 08-03-2011, 02:17 AM

همسات محب

الله يجزاك خير

عالم القهوة · #10 (**permalink**) 08-03-2011, 09:38 AM

يسعد صباحك

باقولها لك من الاخير انا تغيبت عن محلي اقل من شهر واوصي عليه اصحابي

للامانه نقص الدخل اكثر من 35 %

وبحجة مافيه عمل

واشوف صرف الاغراض بشكل خيالي

ويقول المثل المال السايب يعلم السرقه

يعني يا استاذتي إذا ما راح يكون اشراف بكل وقت وبكل دقيقه وجيات مفاجأه لهم

فأعلمي انك خسرانه من اليوم

واي استفسار ثاني انا بالخدمه ولا يهونون الجميع

ولك مني اجمل تحيه