هذا الموضوع تفاعلي اذا ما احد تفاعل لن ينجع الموضوع

طبعا انا ابغى كل واحد يدخل ( لا يفشلني) يجب موقف محرج جدا جدا وقع فيه وصار وجه مثل الوان الطيف المرئي وغير المرئي يعني بالعربي ودنا نضحك على بعض

OK

وعشان متقولون الادمي هذا يهطف فينا انا ابي ابدا اولاااااااااااااااا

هذي الله يسلمكم مره من المرات كنا انا والوالده الله يحفضها ويعافيها رايحين نزاور وحده من الشله حقينها والوالده كبيره بالسن وعكازه ولا ترقى الدرج (70 سنه) تقريبا قولوا ماشاء الله
المهم اخذنا الورد والحلاوه والشاهي والقهوه للعجوز الي مزاورينها ورقينا المصعد وكانت العجوز هذه الله يسلمكم في الدور السابع (للعجز الي طايحين مره عشان الازعاج مستشفى خاص) المهم عقب اللطعه في الاسياب دخلت وانا ماشي سلمت عليها قالت العجوز من انت قالت انا فلان عاد امي الحبيبه عندها سالفه براسها الف سيف وسيف الا تكملها المهم ها العجوز كل شوي انت من انت ( اثاري العجوز مخرفه ) والله انشق حلقي من كثر ما اقول انا فلان .
مو هنا السالفه ادري لوعت اكبودكم بس ترى قربنا المهم طلعت انا وامي الحبيبه من عند العجوز وجلستها على كرسي الين يجي المصعد المهم يوم جا المصعد وقفته رحت جبت امي
وركبتها المصعد الا وامي تقول الشنطه على الكرسي نسيتها وانا رايح اجيب الشنطه الا واحد هو وامرته وعياله اركبو مع امي قلت اكيد بتقولهم امي ان ها الولد معنا اصبرو ولكن مع الاسف امي لا قالت ولا شي وراحت مع الرجال ومرته وعياله.
واقوم واركض ابي الدور الاول وانا في الدور السابع يوم وصلت ادور وادور الا ام الشباب ما فيه والا الرجال ابوبزران واسئل السكرتيه والناس احد شاف عجوز هنا وكل يهز راسه ما في معلوم ( والله يذبحوني اخواني ان قالت لهم ان امي ضاعت)
وافر ساعه وشوي القى امي جالسه في الدور الرايع اتسولف(يا بعد خشمي يمه) مع وحده مريضه واول ما شافتني يا الخايب يا المروح انا جايبتك معي عشان تسعسع بالمستشفى وين ذلفت
والله انا قايله ان مافيك خييييييييييييييييييييييييير ......الخ:o
افضحتني الله يهديها ولا ابشركم بعد جلست ارضيها اااااااااااااااسبوع يالله رضت:o



ارجو ان القصه ضحكتكم الله الله الي بعدي يكمل والا اصير ما احبكم