السلام عليكم
اخواني اخواتي

انا ادرس بمعهد حاسب والمعهد مابوه بقاله يعني اليوم لمن رحت ذبحن الجوع
وقمت افكر قلت وليه مافتحلي بقاله بالمعهد لان كثير الرواد للمعهد صباح ومساء

ابيع فيها عصيرات وبسكويت وبطاطس وفلافل يعني منوع وش رايكم؟هل فيها ربح
والمديره اقوله انا اللي بفتح ولالا؟لاني منحرجه

دلوني الله يجزاكم الجنه
وبعدين تتوقعون هالسالفه به اوراق ومعامله والخ ولا عاديه

انتظر ردودكم عشان بكلمها بكرى ان شاء الله اخاف احد يسبقني ويسويها

علما ان لدي قناعه كبيره ان 90%من النساء مايروحون مكان الاشنطتها فيها بسكويتات وحلويات وغيره...

لكن اكيد انتي ابخص ببنات معهدك

الان ماراح اتكلم عن التكلفه او الاشياء اللي توفرينها..

لكني ابي اتكلم عن نقطه مهمه وهي الايجار

اناانصحك تاخذينه على سبيل التجربه

باستطاعتك الدخول على المديره والكلام معها ان معهدهم قمه بين المعاهد وان كل شيء متوفر به ولاينقصه الاتوفير عصيرات وبسكويتات وساندوتشات خفيفه...

ثم اقترحي عليها انك توفرين هالاشياء الناقصه على ان يعطوك مكان للعرض ويكون مجاني على الاقل 6 اشهر..

لاتتهوري ويدفعك الحماس الى دفع ايجار لهم

قبل هذا الاستخاره الاستخاره
الله يرزقك

اختي اولا العمل الشريف مايحرج ابدا ................لانه لقمه كريمه بعرق جبين وتعب


والعمل ماهو عيب اختي بالعكس العمل شرف وغنيمه ورفعه والعيب هو النوم والكسل


ثانيا انا اشوف انها فرصه كبيره لك لاتضيعينها


مشروع ناجح بكل المقايييس بالذات اذا كان المتواجدين بالمعهد كثيرين


من ناحيه الاجار يكون معقول لاتتهورين بجار غالي والمعهد على كلامك متواضع

لدرجة انو مقصف او بوفيه مافيه يعني


ليش يغلون عليك الاجار وهم اصلا ماهم سالين عن هالمشروع

والاكان سووه من قبل

وبالتوفيق ان شاء الله

مشروع ناجح اذا عدد الدارسين في المعهد كثيرين

توكلي على الله لا تروح عليك الفرصه واعتقد ماراح يكلفك اكثر من 10 الاف والله اعلم

موفق بإذن الله ... لك مني أجمل تحية .

مشكورين على الردود

انا من رايي تفتحين كافي
تعرفين البنات يحبون الكافي يحسون انهم طالعين على سطح القمر
وبما انك تدرسين فيه هذا شي ممتاز جدا لان فيه ماكينة البيع الذاتي
تكلفتها بالمواد ب 5الالاف ريال ويوصلون لك الماكينة والمواد ايضا
واحسن مافيها كمان ان الماكينة تحسب لك عدد الاكواب وماتحتاج لعامله
فقط حطيها وشيكي عليها كل يوم اذا هي تحتاج لمواد واذا صندوق الفلوس مليان تفضينه
انا بالنسبه لي عاجبني هالمشروع بس مالقيت المكان المناسب له
وممكن تحطين بجنبه ثلاجه فيها انواع من الشوكولاته بس هذي يبيلها وحده تجلس عندها
وانتي وشطارتك ولاتنسين ورق العنب هههههههههه اهم شي لاني احبه اقصد لان سوقه ماشي عند
البنات
وبالتوفيق للجميع
دعواتك لي ان الله يحقق الي ببالي

مشروع رووووووعه

لايفوتك

البنات بشكل عاااام معروفين بحبهم للشوكلاته وخاصه الجالكسي بجميع انواعه

واذا اجتمعوا يشتروا ومايحسوا بأنفسهم

كمااااان وفري العصيرات والشيبساااات

استخيري وكلمي المديرة

وربي يوووفقك