السلام عليكم ياشباب



ادعو ان الله ييسر الامور واننا نكسب القضية المرفوعة ضد الهلال الاحمر وديوان الخدمة المدنية



للتذكير

رفعنا قضية ضد هاتين الجهتين واوقعناهن في حرج كبير الى درجة ان كل جهة قامت باتهام الجهة الاخرى

واخيرا تنفس الصعداء مندوب الخدمة المدنية

وقال من قال مالكم وظايف عندنا تقدرون تتوظفون عندنا بوزراة الصحة اداري او مساعد ادراي


وماصدقنا الا ثبتنا الكلام عليه وامام الشيخ


وقلنا جميع خريجين هذا الدبلوم نحن نتكلم هنا بالنيابه عنهم "طبعا معليش مااستئ>نا من احد" بس جت عفوية قدام الشيخ

اذا كان خصمنا يقول ان لنا وظائف فنحن جميعا مستعدين للعمل في وزراة الصحة




الشيخ طبعا

عطاه الاوراق لان الكلام مقيد على ورق بالاضافة الى النقاش المباشر


وعطاه فرصه للرد هو ومندوب الهلال الاحمر





الجديد في الموضوع اتوقع ان انشاء الله راح يكون الرد حاسم او على الاقل راح يكون موقفهم صعب وضعيف لاننا هاجمناهم "بشراسه"




موعد الرد علينا



هو يوم 18/4/1432
الساعة 9.30


انتظرووونا

[align=center]الله يوفقكم .. بصراحه وقفتكم وقفه بطوليه .. ووقفة رجال

وتمنيت اني من فالرياض حتى اكون معكم قلباً وقالبــــــــاً .. وظلمنا لن يدوم من عام 1429 وحنا في تعذيب مابين وزارة الخدمه المدنيه وقطاع الهلال الاحمر القطاع اليتيم

ان شــاءالله نكسب القضيه وننصحهم انه يتنازلون عن حقنا لا ان الضرر ليس لهم به نفع والسلبيات في هذا الموضوع قد تنتج شي لايحمد عقباه


انتصفتنا نصف الطريق والى النهايه اللتي انتظرناها من زمن

الفرج بـ أذن الله [/align]

للتعديل يوم الثلاثاء 17/4/1432

لا ان شاء الله ان تكون خيره لكم

وعليكم السلام ورحمة الله وبركاته

بيض الله وجيهكم

وماقصرتم وما فيه اي احراج ولا يحتاج انكم تستأذنون منا يالغالي

بالعكس بارك الله فيكم على اجتهادكم واهتمامكم بالموضوع

وحنا معاكم باللي تبون ومتوكلين على الله سبحانه وتعالى ثم عليكم بهذا الموضوع

ونحن منذو موضوعك الاول ونحن على شوق ولهفه وبنتظار ما سوف يتم الرد به بهذه القضيه التي اسال الله لها النجاح

فنحن نعاني ولم نجد من ينصفنا بحقوقنا واسال الله ان تكون المبادره التي قمت بها انت واصحابك بادره خير وان تحسب في موازين حسناتك

بالتوفيق ,,,

بيض الله وجهك يالنشمي والله انك رجال ولك مني اجمل التحيه
انا اداره صحيه لي سنه عاطل ومن اهل الرياض
ياليت ترسلني خاص ابي احضر الجلسه الجايه واعرف الجديد بالموضوع
الله يوفقك يالنشمي

الســـــــــــــــــلا .عليكم .. اخوي شفيك متضايق .... بيض الله وجهك ورحم الله والديك وجزاك ربي الف خير

صدقني مالك الا الاجر والدعاء لفعلك الغآنم بس تكفى اي جديد بلغنآ ترا نتظررر وعسى ربي يقويك وتراك موكل عننا وانا من الرياض اذا بغو نتواجد فانا موجود واحضر وشكرن لك

الله يجعلها في موازين حسناتكم ويجعل القضيه من نصيبكم
كنت منتضركم وشتبشرونا به الله يبشركم بالجنه
ماشاءالله كم بتكسبون من اجر - الله سبحانه سخركم لتفرجوها على كم من عاطل حامل هذا الدبلوم المظلوم ما اقول الا الله يجزاكم خير الجزاء ويرزقكم بواسع رزقه واي شي تبون انا حاضر بالي تامرون عليه
ولكم خالص تحياتي000

الله يجزاك خير يالغالي
لاهنت والله انا خريج من عام 2006
واتمنى وظيفه حكومية الحمد لله انا موظف على التشغيل بمستشفى
لكن بإذن الله بينصفونا اهل القرار قولوا امين

امين اجمعين والله يعطيكم العافية على التشجيع