فيه بنات بمنتدى ثاني جتهم اتصالات بخصوص المقابلات ,

تتوقعون خلاص دقوا على اللي يبون ؟؟

تربية خاصة اتوقع انتهوا من المقابلة
وحده اعرفها انتهت منها
ونتائج المقابلة ماعندها خلفية عنها
فيه احد يعرف متى تطلع ؟؟؟؟

الموضوع جدا بارد اتمنى يكون فيه تفاعل
اي وحده عندها خبر ياليت تنزله عن اي قسم

دموع البطالة
صدقتي
نفس كلام صديقتي لازيادة ولانقصان اللهم انها دقوا عليها العصر
ياليت تخبريني عن اي شي يوصلك عن نتائج المقابلة وانا بخبرك ان شاءالله
شكرا عزيزتي

دموع البطالة جزاك الله كل خير ووفقنا وأياك لما في الخير
وإنشالله تكون الوظيفة من نصيبك يكفي رجعتك وشرحك

ويابنات أتوقع فيه دفعات لأن العام الظاهر كانت المقابلة على يومين
الله يوفقنا جميعاً

[SIZE=5]شكرا لكم أخواتي على اتهامكم وشكرا على اسلوبكم الحلو

بالله ايش يحدني أكذب ولا أطلع اشاعة !!!!

أتوقع الكل يشوف الناس بعين طبعــــه والله يعطيكم على قد نيتكم

وبليز حاسبوا على كلامكم ترا هذا اتهام وربي راح يحاسبكم عليه

~~~~~

وبالنسبة لباقي البنات المتفهمّات

الله يجزاكم خير على دعواتكم الرائعة والله يعطيكم مثلها وأكثر يا رب

وراح أكتب ايش صار علشانكم بس وبتكون أخر مشاركة بهذا الموضوع ان شاء الله

أنا كلموا علي الظهر الساعة 1 تقريبا بالاجازة

قالوا تعالي الساعة 8 الصباح الجامعة كانت فاضية ما فيها غير حارسات الامن ودكتورتين والعاملات

وكان معاي مجموعة بنات اعطونا سؤال نجاوب عليه خلال ربع ساعة

بعدين صاروا يقابلون البنات بالدور

المقابلة كانت مدتها 10 دقائق تقريبا وطلبوا من بعض البنات يشرحوا درس مدة دقيقتين

وما اعرف متى راح تطلع نتائج المقابلة ما سألت
عزيزتي
انا اعتذرمنك وانتي معد علقتي ع الموضوع قلتي دقو علي ولاعاد رديتي بأي خبر
وفعلا كنا اجازه والجامعه مافيها الا اداريات واستفسرنا عن النتايج قالو مافيه الا بعد الاجازه هذا الي خلانا نهاجمك ونكذبك
واكرر اعتذاري منك ماكان المفروض مني اني اكذبك لأني ماسألت عن تربيه خاصه ماسألة الاعن علم نفس
وماعندي علم عن اي قسم ثاني بس كنت اتوقع ان كل الأقسام زي بعض
ولكن طلع توقعي في غير محله
اكرر اعتذاري لك واتمنى انك تقبلينه.
اتمنى لك التوفيق وان تكون بإذن الله مقابلتك ناجحه وتكون الوظيفه من نصيبك.
ولك مني كل تقدير واحترام .

السلام عليكم،
حبيت أسأل عن الامتحان التحريري لقسم المحاسبة- إدارة الأعمال،
كيف كان؟ وإيش اهم المواضيع؟
ياليت لو احد يقدر يفيدني بهذا الموضوع! مع انو اتوقع أغلب اللي هنا علم نفس وتربية.

شكراً,,

مرحبا
حبيت أعرف كيف الوحده تكون متعاونة في جامعة الاميرة نورة؟
شكرا

السلام عليكم ورحمة الله وبركاته

الاخت الجوهرة ع ...
اسئله اختبار المحاسبة التحريري الي كانت بتاريخ 2/5 كالتالي ....
10 اسئله مقالي وهي :
س1 - مالفرق بين الموازنة والميزانية ؟
س2 - مالفرق بين المخصص والاحتياطي مع مثال ؟
س3- ماهو الحساب الحقيقي والشخصي وهاتي مثال لكل منهما ؟
س4- الفرق بين المصروفات الايراديه والرأسمالية مع مثال ؟
س5- ماهي الخصائص النوعية للمعلومات المحاسبية ؟
س6- ماهو الحساب الذي لايظهر ضمن ميزان المراجعة ؟
س7- ماهي طرق جرد المخزون ؟ وطرق تسعير المخزون ؟
س8- ماهي اوراق القبض والدفع وكيف تنشأ؟
س9- ماهي الاوراق المالية والاواق التجاريه مع مثال؟
س10 - كان صيغته بالانقليزي وهو عن المخزون ؟
------------------------------------------------------------
10 اسئله صح وخطأ :
- ركزي على المفاهيم المحاسبيه ..
- سؤال في الصح والخطأ : يعد استخدام مفهوم (التكلفه او السوق ايهما اقل )استنادا واعتمادا على مفهوم الحيطة والحذر ( صح ) .
- كمان بيسال في الصح والخطأعن اساس الاستحقاق .
- الاصول - حقوق الملاك = الخصوم (صح ) .
----------------------------------------------------
10 اسئله اختياري :
- من المستخدمين الداخليين للمعلومات المحاسبية :
أ - الادارة بجميع مستوياتها .
ب- اصحاب المنشأة .
ج- المقترضين .
الاجابة الصحيحه هي أ ..
---------------------------------------------------------
20 مصطلح بلانقليزي وانتي تصنفينها اذا هي ضمن الاصول او الخصوم او الحقوق او المصروفات او الايرادات ..


هذا الي اذكره من الاسئله .. واتمنى انك ماتنسين اختك من الدعاء في ظهر الغيب والدعاء بحسن الخاتمه .
تمنياتي لك التوفيق ..