السلام عليكم ورحمة الله
عندي سؤال ومااعرف إذا كان هنا مكانه المناسب او لا انا مطلقه عمري 28 ولدي طفلين ولي والدي متوفي ويأتينا راتبة التقاعدي وأخذ منه مبلغ وقدره 2200 ريال ونفس الشي اخوتي الثلاث الاخرين ووالدتي يعني إحنا خمسه موزع علينا الراتب كل منا له 2200 ريال هل استحق .انا الضمان الاجتماعي لاني مطلقه واربي ابنائي علما ان والدهم يرسل لهم نفقه ولكن هي قليله..

اتوقع يااختى بس انتي الي تاخذي من الضمان بحكم انك مطلقه وغير مضافه مع طليقك ونزلك من كرت العائله عن اولادك والله ماادري لكن روحي لضمان معك صوره من الصك وكرت العائله وصوره من ه واذا مارجعتى لكرت العائله مع اخواتك برنت من الاحوال وقدمي واسالي عن اولادك ممكن ينضافون معك او لا والافضل اسالي المدييير وراتب والدك الله يرحمه ماله شغل بضمان الي تاخذي لانى اعرف وحده نفس وضعك وكانت تستلم من الضمان
مووووووووفقه ...

يعطونك نعم يعطونك ياكثر اللي نعرفهن مطلقات وعندهم اولاد وياخذون مالك علاقه براتب ابوك صاحبي قبل فتره نفس الوضع اخته عندهم ومعها بنت ماكله وشاربه وكل شي قلتله انتم قدمتو لختك بالضمان قال لا وليش مو محتاجه ضغطت عليه يراجعهم وفعلا صرفولها بعد تقريبا شهرين هي وبنتها اتوقع 850 ريال شهريا

توكلي على الله بس وروحي لهم جربي منتي خسرانه شي اهم حاجه لاتنتظري احد طقي حصاتك ان مانفعتك ماراح تضرك شدي حيلك وانا اخوك ويارب يوفقك يارب

الله يسهلك ياارب
ونفس الرد مثل ماقالووو

ربي يوفقك

مشكورين على الرد بس انا لي نصيب في الراتب واخويا يروح سنويا يثبت لهم انه مافي احد فينا الاربعه الاخوه اتزوج او توظف عشان مجرد مايتوظف او يتزوج احد الافراد المستحقين للراتب التقاعدي يلغى سهمه من الراتب وسهمه قدره 2200 ريال والشي الثاني انا عندي خادمه بأسمي لاني طالبه ادرس وهي تساعدني في اولادي هل بعد هذا يصرفون لي ضمان ؟

ربي يسر امورك

حبيبتي
بالنسبة لك كون عندك راتب تقاعدي 2200 ، فلا ينطبق ، لو كان 1292 واقل كان ممكن .
بالنسبة لابنائك
فطالما والدهم ينفق عليهم حتى لو كان مبلغ قليل ، فلا ينطبق عليهم نظام الضمان
لان الابناء كان بالامكان شمولهم كأسرة مهجورة بموجب صك هجر ، ولكن طالما والدهم ينفق عليهم فلا يعدوا مهجورين .

التجربه خير برهان
حاولي
الله لايضيع لك تعب