السلام عليكم ورحمه الله وبركاته
ابي ادخل بالموضوع على طول وياليت تجاوبوني عشان ارتاح انا كنت ايام الدراسه ما اعرف شي اسمه ضيقة خلق ولا هم ولا اكتئاب ولا وسواس بس يوم تخرجة من الثانويه جلست سنه وبدات معي توهم الامراض والهم والتفكير والهلع والوسواس والاكتئاب والحين لي 6 سنيين عاطل والحمد الله مافي لا مشاكل ماديه ولا شي ولله الحمد بس انا اللي ابي اعرفه الفرااااغ يسوي كذا يخلي الواحد يوسوس ومكتئب ومهموم وعلى فكره رحت لشيوخ وقالو مافيك الا العافيه وما خليت مستشفى ونفس الطريقه مافيك شي وطبعا في قالون عصبي يعني معقوله اللي فيني من الفراااغ

داوم ع الصلاة

واقراء قراءن وسوي عمرهـ

وربي ترتاح وتروح الضيقه والكآبه

وربي يسهل اموركـ

نعم القولون من الحالة النفسية
و لا فيك الا العافية
جربنا حالتك اخوى
الأحوال الحمد لله سفر و نوم و سهر حتى مللنا من الروتين
حتى العمل حصلنا عليه مجرد تغيير حالة و نظام حياة
حلك تبحث عن وظيفة و تغير نظام حياتك و لو مؤقت حتى تستقر
صدقني اخي مرت ايام و سنوات تسافر شهر و ترجع و خلال يومين تعود الحالة
و من حولك يرجعون مباشرة للعمل و تنتهي اجازاتهم و انت ترجع للنوم و السهر
و مع هذا يحسدونك على فراغقك و راحتك

حسبي الله عليهم

الفراغ يسوي اكثر من كذا اخوي في الله التغير لحالتك يبدأ من عندك انت شف هل انت اشغلت نفسك بشيء
ينفع ويقضي عليك الوقت اول شيء الصلوات 5حفاظك عليها شيء كبيرومريح وان شاءالله انك ماتحتاج
تعليم
ثاني شيء انت تقضي بعض وقتك بمنفعت اهلك من مشاوير وغيرها والجلسه معهم وزيارة اقارب جيران
انت تروح تطلع مع زملاءك تمارس رياضه تحبها مثل لعب الكوره وغيره وبعد القراءه المفيده والمسليه سواء من كتب
ولا انترنت
وإذا عندك هوايه ولا مهاره بشيء معين انت حاولت تنميه وتقضي جزء من وقتك فيه حاولت تاخذ دوره
بمعهد او شيء من هذا القبيل ..واخيراً اتمنى اني مااكون اثقلت عليك اخوي في الله بإقتراحاتي..

__________________
"لله دُر أمي إذا ابتسمت
تهادت جروح قلبي والتئمت"

يااخوي هذا شي طبيعي من الفراغ كلنا عندنا هالشي
يااليت تدوراي وظيفه تشغل وقتك فييها وتشغل القران دايم حتى بالسياره
اطلع مع اصحابك واهلك عشان تغير جو

وياليت اول شي تسويه الحين تغير معرفك لان هالاسم يأثر عليك اقولك هالكلام من خبره لاني دارسه علم نفس
الله يكون بعونك

اكثر من الاستغفار

جزاكم الله الف خير على النصايح وما قصرتو ونا اعتقد ان العله كلها من الفراغ والقالون والله يعين

السلام عليكم ورحمة الله وبركاته
أخوي أضم صوتي لأقتراحات أختي حجابي نجاتي و ترى
مو لازم تلقى و ظيفة ترى إذا كنت مو محتاج بس في أماكن
زي الجمعيات الخيرية و هيئة الإغاثة الإسلامية تقبل الشباب
المتطوعين بدون رواتب عشان تشغل وقتك و تكسب الأجر و أنصحك
بالإلتحاق بالكشافة إذا فيك شدة عليها صراحة أحس برامجهم ممتعة
و رحلاتهم جميلة و خاصة شغلهم أيام الحج و رمضان ...............
و الله يوفقك لكل خير و يبارك فيك .