ســـلام عليكم ورحمة والله وبركاته


ارسلوا لي رساله مركز الملك فهد للتوظيف يوم الثلاثاء 25/10 بحضوري اليوم الاربعاء

رحت يمهم الساعه 9.30 صباح وخشيت الا امام شباب هم مرسلين عليهم خير وش فيهم ان شاء الله؟
قالوا فيه مقابلة لكم مع شركة الوساطة العقارية بنفس المركز المقابلة.

اخذت رقم واعطوني اواق اعبيها ببياناتي وشهادتي والخبرات

بعدين قالوا خش للقاعه وانتظر لما خشيت يمكن احنا عددنا تقريبا 45 من غير اللي جاوا بعدي

انتظرت لما جاء الدور تبعي طلبوني

وكان فيه ثلاث اشخاص يسون المقابله جلست امامهم رحبت فيهم وقدمت نفسي

واول ماجلست قالوا لي تحدث عن نفسك يعني اسمك وعمرك وشهادتك ومتى تخرجت وايش تعرف من مهارات تقول اعرف للحاسب واذا فيه لغه اوكيه ماكو لغه مايسالون عنها

واذا فيه خبرات تعددها لهم ويسالونك ليش طلعت منهم <<< أقرب تصريفه صرفهم طبعا

بعدين يسالونك انت مسجل باالتامينات اذا ايه مسجل اغسل يدك يوظفوك واذا مسجل سابقا اول وانتهت من التامينات ولك اكثر من ثلاث شهور اوكيه

ويسالونك وش تعرف بالتسويق هل سوقت من قبل يعني بعت وشريت باي شيء بعقار او

سيارات اي شيء تذكر انك بعت وشريت فيه قول واذا لا قول ماسبق لي


بعدين يقولون لك خلاص ان شاء الله يكون لك نصيب وانتظر اتصال منا بعد 10 ايام تقريبا او اسبوع <<<< أنت وحظك واللي كاتبه لك ربك يايتصلونعليك او يطنشونك


وبالتوفيق لكم جميع وهاذا كل ماصار وياي معاهم والله يكتب اللي فيه الخير لي وللجميع

ومووفقين

الله يووووفقك ويجعلهاا من نصيبك ياارب

جزاك الله خير وبالتوفيق للجميع

وللحين ما اتصلو عليك ؟؟؟؟

بعد التحية أقدم لكم نفس أخوكم العاطل :
**************
أخوي الحيران أنا اتصلوا علي نفس الشركة يوم الثلاثاء 26 /10
ونفس المقابلة ونفس الأسئلة لكن العجيب ان في الاعلان كان مجموعة من التخصصات ويسالونك وش تعرف بالتسويق بس وكانت والخميس بعد العصر 28 /10 طبعاً دخلنا قبل المغرب 5 دقائق وكان العدد 45 شخص ا
لمهم قالوا كلمتهم المشهورة نتصل عليك
.
ودمتم سالمين ,,

الله يوفقك ويوفق كل مسلم

أخواني بستفسر هل الشركة لها مستقبل؟؟

إتصلوا فيني وتم قبولي بس محتار اروح لهم او لا..؟؟


مع العلم إني مو من سكان الرياض ابداً