الرياض الرياض الرياض

ضحية ظروف · #11 (**permalink**) 11-03-2011, 03:58 PM

تمارا

انا معي بطاقة ضمان ..واستلم ضمان شهري ..

والحين كل الي يجونهم ياخذون بس صورة من كرت العائله وعليه الرقم ..

والله مدري وش الحل

ضحية ظروف · #12 (**permalink**) 11-03-2011, 04:01 PM

ان شاء الله اقدر اروح ..

ربي يسعدك

عاشقة السهر · #13 (**permalink**) 11-03-2011, 08:44 PM

اتوقع لان اعداد المتقدمات كبيره راح يتأخر تدخيل البيانات

انتظري لان تقديمك صحيح

ولا راجعيهم ممكن في مشكلة

حمدآ كثيرآ يالله · #14 (**permalink**) 12-03-2011, 02:56 AM

انا نفس المشكلة اخذوآ مني رقم سجلي المدني ورقم جوالي وقالوا راح نتصل عليك .. طبعـآ مكتب الضمان بالدمام ..

مين صـار لهـآ كذا ..؟

tooofe · #15 (**permalink**) 12-03-2011, 03:01 AM

وشلون ماقابلتي الباحثه ..
الموظفات الي برا ماعندهم سالفه
اخذي رقم الصباح لاجيتي بدري ويطونك رقك عند اي باحثه
وتروحي لها وهي الي تسالك وتدخل اسمك بالكمبيوتر وانتي موجوده..
انا كذا وشهر وهي نازله بحسابي اصلا رجعت من عندهم يومين وشيكت من الرابط لقيت
اسمي موجوده المعامله ..

انا راجعت بضمان الرياض - الفيحاء

ضحية ظروف · #16 (**permalink**) 12-03-2011, 03:54 AM

الله يسعدكم يارب

انا دخلت جوا وقالوا المساعده برا

مايعطوني رقم ..

والله يعين يارب

فيه مكتب غير مكتب الفيحاء

لأني مدري وينه فيه اللي رحت له

بس انه عقب مصانع ومؤسسات

ميعاد الحزن · #17 (**permalink**) 12-03-2011, 04:33 AM

اقتباس:

المشاركة الأصلية كتبت بواسطة حمدآ كثيرآ يالله

انا نفس المشكلة اخذوآ مني رقم سجلي المدني ورقم جوالي وقالوا راح نتصل عليك .. طبعـآ مكتب الضمان بالدمام ..

مين صـار لهـآ كذا ..؟

اهلين خيتي

انا مثلك قدمت بالدمام اخدو مني رقم السجل المدني ورقم الجوال وليومك ماحد اتصل

وكل ما استعلم يطلع لي الرقم السجل خطا

ان شاء الله تنزل لنا باقرب وقت

نور القطيف · #18 (**permalink**) 12-03-2011, 08:35 AM

اني قدمت عليها واخذو مني صوره من بطاقة الضمان وكرت العائله بس ماقالو شي الي
فقط اخذوهم وبس ناس تقول انها ماراح تنزل غير في رمضان او بعد رمضان
ودخلت رابط الي تم وضعه مكتوب غير مسجل مع اني قدمت من حوالي 3 اسابيع وشوي

ام متفائلة · #19 (**permalink**) 12-03-2011, 03:02 PM

يا ناس لا تطيرون بالعجة
صاحبة الموضوع صادقه الحين ماعاد يوزعون ارقام ولا فيه مقابلة شخصية ولاشي
الحاصل يا اخواتي انهم يقولون بعد الزحمة مافيه ارقام تتوزع
فقط جيبي دفتر العائلة او بطاقتك الشخصية+ بطاقة الصراف
والموظفة تجمع الاوراق وتقول راجعونا بعد 4 شهور
وهالشي حصل لكل اللي قدمو بالرياض خلال الاسبوعين الاخيرات
عاد هناك احتمالين
اما انه بعد فتره بيتصلون علينا عشان يعطونا موعد للمقابلة
واما انه على كلامهم تنزل المساعدة بخلال 4 شهور
اما بالنسبة لرابط الاستعلام فلا تعتمدونه اللي بيشيك يروح مباشرة للصراف
وبس

ام متفائلة · #20 (**permalink**) 12-03-2011, 03:07 PM

اقتباس:

المشاركة الأصلية كتبت بواسطة تمآرآ

لا اختي طريقتك غلط اذا تقصدي المقطوعه اللي للمستحقين الضمان..
اول شي لازم تكوني منتسبه لضمان وتروحي للقسم النسوي لفرعهم بالفيحاء شرق الرياض
المهم وتكون معاك اثابت الهويه ياكرت العائله او بطاقتك الشخصيه المهم تجي عندهم بدري مره يعني قبل يبدأ الدوام علشان زحمممه بشكل فضيع تجي على الساعه 6 تقريبا بتحصلي النساء برا بشارع يتنظرون يفتح الباب
طبعا الله يعينك على انواع العشوائيه والهمجيه الله المستعان انا بقولك الزمي مكانك بهدؤ لان نصيبك حايجيك ورزقك المكتوب لك ماحد بياخذه غيرك .. بتلاحظين تدافعهم اول مايفتح الباب خليك هاديه وادخلي وعلى طول على صاله الكبيره اللي قبالتك روحي ولا توقفين ابد اجلسي ان شاء الله على اخر كرسي المهم تجلسين ..
وهمه راح يجو الموظفات ويوزعون الارقام على الجالسات ويمكن ارضاء للواقفات يعطونهم كم رقم ..
بعدين اسالي عن الموظفه اللي مكتوب اسمها على الورقه اللي بعطونك هيه فينها ..
اذا في نفس الصاله او المبنى الثاني المهم تحلسين في المبنى اللي هيه فيه لايضيعونك مثلي.. قالو لسى هناك هنا روحي ومادري وشو والله بس جلست لاني احب النظام وشوي الا ماصرت اشوف الا ناس قليله قلت ياجماعه وين الموظفه اللي تقولون قالو فوق طلعت وقالت ترا اخر نداء اللي عندها رقم تجيبه ومعاه هويتها هيه تاخذه منك وتنتظرين لمن تنادي عليك وتراجع بيانتك ويمكن تسالك اذا في شي وبعدها تقول خلاص روحي شهرين وتكون بصرافاتك وصح هذا اللي صار والحمدلله ..
اتمنى ماطولت عليك ودعواتكم ياخوه .. بظهر الغيب ..

اختي معلوماتك قديمة هذا الكلام كان اول اما الان مافيه مقابلات ولاشي
بعدين الله يهديك لش لون الخط كذا زغللت عيوننا وحنا نطالع