لــبـــا الــعـــيــون الــلــي ذبــحــنــي هــدبــهــــا !!!

رابع العشاق · #1 (**permalink**) 11-03-2011, 01:04 AM

لبا قليبـك ياهـوى الـروح والبـال
لبـا العيـون اللـي ذبحنـي هدبهـا

ذيك الرموش ان سلهمت تذبح ابطال
كل الجروح بسهمهـا مـن عطبهـا

انا اشهـد ان العيـن تذبـح وتغتـال
"رفيـق" يمكـن اغتيالـه سببـهـا

و لبا الخدود اللي بها حبـة الخـال
تجهر عيـون القلـب لامـن رقبهـا

و لبا الشفايف ذيك والريق لي حـال
سكر نبات وشهد صافي من "ابهـا"

من رمي قلبي ظبيةٍ صابهـا جفـال
فزت تلفـت كـن نبضـي ضربهـا

و لبا الشعر من فوق الامتان شـلال
كن الـرذاذ اللـي يجينـي طربهـا

قلبي تعلق فيـك يـا طيـب الفـال
يالله عسـى فـرقـاك مالله كتبـهـا

جيتك..وانا قلبي للاشـواق مدهـال
شوقي كما نار وضلوعـي حطبهـا

جيتك..وانا تحتي من الخوف زلزال
يقوله اللـي خطوتـه مـا حسبهـا

خايف..وانا انطح حول خمسين رجال
خايف..لااموت بفرحتي لـو سلبهـا

تضرب (مثل) في فزعتي كل الاجيال
فزعـة قبيلـه لاتنـاخـو عربـهـا

هذا الهـوى عـزه للاحـرار اذلال
كـم راس قـومٍ عزتـه بـه جلبهـا

بحر الهوى يغرق به اللي على الجال
و ناره تشب بخافـق اللـي قربهـا

شاعرها / خالد الدوسري ...

وسلامتكم ...

الجرح الاليم · #2 (**permalink**) 11-03-2011, 01:57 AM

فيه شي غلط
2010
ولا
عاشق الشمس
ولا رجع الزمان
وصار 2007

تضرب (مثل) في فزعتي كل الاجيال
فزعـة قبيلـه لاتنـاخـو عربـهـا

هذا الهـوى عـزه للاحـرار اذلال
كـم راس قـومٍ عزتـه بـه جلبهـا

طرح رائع
سلمت يداك
بنتظار جديدك

أأأوووم الفلة · #3 (**permalink**) 11-03-2011, 02:07 AM

عوافـــــــــــــــــــــــي على الطــــــــــــــــرح

بررب يادنيا · #4 (**permalink**) 11-03-2011, 02:28 AM

يسلمووووويالغلا...~ْ/
يعطيك الف عاافيه يالغلا...~ْ/

سلمت يمناك...~ْ/

رابع العشاق · #5 (**permalink**) 11-03-2011, 03:11 AM

اقتباس:

المشاركة الأصلية كتبت بواسطة الجرح الاليم

فيه شي غلط
2010
ولا
عاشق الشمس
ولا رجع الزمان
وصار 2007

تضرب (مثل) في فزعتي كل الاجيال
فزعـة قبيلـه لاتنـاخـو عربـهـا

هذا الهـوى عـزه للاحـرار اذلال
كـم راس قـومٍ عزتـه بـه جلبهـا

طرح رائع
سلمت يداك
بنتظار جديدك

معليش اخوووي مافهمت عليك مين عاشق الشمس ؟؟؟

وشو الشي الغلط ياليت توضح ؟؟

شاكر لك مرورك العذب ...