المشاركة الأصلية كتبت بواسطة دكتاتوري

طيب والي عنده واسطه من صاحب سمو ملكي

يقدر يدخل ولالا

المشاركة الأصلية كتبت بواسطة ضاعت ايامي

مين الي ضاحك عليك .. وقال لك فكر بالدفاع الجوي

الدفاع الجوي راتبك ما يجي 4000 يارجال الجندي

افضل القطاعات هي الي تكون تابعه لوزاره الداخليه

وهي مثل : [ الامن العام : الجوازات : امن المنشات : المباحث : ]

وعندك قطاع لحاله الي هو [ الاستخبارات العامه ] وكويس

وعندك قطاع أخر لحاله وهو [ الحرس الوطني ]

وعندك قطاع أخر لحاله وهو [ الجيش وهو .. مثل ( الدفاع الجوي - والبريه - وسلاح الاشاره - والتموين .. الخ ) ] وهو اسواء القطاعات العسكريه لا من ناحيه الرواتب ولا من ناحيه الدوام ولا من ناحيه الدورة

افضل القطاعات مثل ما قلت لك .. هي الي تابعه لوزاره الداخليه

وافضليتها على حسب الترتيب هي
1- المباحث العامه
2- الجوازات
3- الامن العام
4- امن المنشات

وامن المنشات له خصوصيه لحال .. وميزه غير عن القطاعات الثانيه [ وهي الترقيات لانه قطاع جديد والترقيات فيه ماشيه ]

المباحث افضل قطاع من ناحيه الدوره ومن ناحيه الرواتب

اقل .. دورة المباحث وهي ثلاث شهور ونص أو أربع شهور

الرواتب على حسب التخصص

لكن راتبك في جميع الاقسام بيكون 7600 ريال بالضبط

واذا انت في سجون المباحث راح يكون راتبك 8100 ريال بالضبط لان السجون عليها صنف 500 ريال

واذا كنت جندي فني راح يكون راتبك زياده عليه 1200 ريال

أن شاءالله آكون .. افدتك يالغالي

المشاركة الأصلية كتبت بواسطة دكتاتوري

طيب يادنيتي انت وينك من زمان . . . !!!! ليه ماجيت وترد لان طال انتضاري ابي رد مثل ردك عشان

اناقشه خخخخخخخخخخخخخخخخخ . . .

طيب حبيب قلبي المباحث راح يكون فيه ردت فعل على اهلي يعني الاعداء المجرمين

اخاف يدرون اني في المباحث ويدهمون اهلي ثم يلاه وش يرجعهم . . .

والشي الثاني الجوزات وشلون يكون دوامي ابي تفاصيل عنه مثل الرواتب والدوام

ووين يكون مقري لاني ابي الرياض ابي عند اميمتي

وبخصوص امن المنشاءت مافهمت وشلون وشلون يداوم وش دوره بظبط

وكم رواتبه واذا صارت الترقيات ماشيه خلل 5 سنوات اذا الله عطانا وعطاكم طولت العمر

كم يوصل راتبي فيه واي رتبة اوصل

وبخصوص الاستخبارات كم راتبي لان اليوم جلست مع واحد من اخوياي يقول لي وهو واثق

يقول رتبه مايتعدا الـــ 5000 الاف بس

اذا لك وقت ياعيوني ابي تفاصيل عن كل الي قلت لك عنه من بعد اذنك

المشاركة الأصلية كتبت بواسطة ضاعت ايامي

اول شيء يا اخوي المباحث تسئلني عنها انت

[ ماراح يكون لاهلك شغل .. الضباط ما درو عنهم المجرمين بيدرون عن الجنود ] ؟

قطاع عادي مثله مثل اي قطاع لكن راتبه حلو ودوامه حلو ودورته مثل ما قلت لك اذا جندي فني دورتك ست اشهر واذا دورتك جندي عادي ثلاث أشهر وهو افضل قطاع في وزاره الداخليه ولا غبار عليه ..

الجوازات دورتك بتكون .. ثمان أو تسع أشهر ان ما خاب ظني والدوره بتكون بالرياض

والجوازات .. راتبها عسكري من غير الفني يوصل 6900 أو 7000 واذا انت فني تصير 7800 وحولها ما تتعدى 7800

ودوامها حلو .. بتكون يا في المطارات يا في الاداره الرئيسيه للجوازات

امن المنشات .. قطاع جديد يعني مافيه افراد والترقيات فيه ماشيه بسرعه وهذا الكويس فيه

راتبك اول ما تتوظف فيه جندي حدود 6800 او 6600 بينهم والله

لكن تجلس سنتين الا وانت جندي اول وسنتين ثانيه الا وانت عريف وثلاث سنين بعدها الا وانت وكيل رقيب وخمس سنين ثانيه الا وانت رقيب اول وخمس سنين ثانيه الا وانت رئيس رقباء .. وزي كذا ماشيه الترقيات فيها

ودوامها يكون على حراسة المنشات مثل [ ارامكوا - والمنشات الحكوميه ] الي في الجبيل وينبع او بالمدن الرئيسيه مثل شركة الاتصالات .. وغيررها

اما التعيين

فهذا مستحيل احدد يحدده لك .. لانه واسطات

لانهم ممكن يقلعونك باي قطاع

ومافيه قطاع مضمون وتوظيفه مضمون بنفس المدينه

بس انت تحمد ربك بالرياض حتى لو تبي دقيش تلقى دقيش بسرعه

وحتى التعيين ممكن يجي لك في الرياض

بس البلاء الي في الديار والي في المناطق الثانيه

أن شاءالله أني أفدتــك