تسجيل الدخول
|
|||||||
تأسس الموقع عام
2006
Site was established in 2006
|
|||||||
| قسم مشاريع وأفكار ممنوع مواضيع المساهمات او المشاركة |
| أضف رد |
|
|
LinkBack | أدوات الموضوع | انواع عرض الموضوع |
13-03-2011, 03:28 AM
|
|||
|
|||
|
قصة كفاح .... بين .... ساره وعبد العزيز
السلام عليكم ورحمة الله وبركاته
بداية اتمنى أن لا أكون ثقيل ظل عليكم ويكون ما أكتب له فائده  وإذا كان فيه مخالفه أو غير مقبول لدى أي شخص فأطلب من المشرفين حذف الموضوع  هذه القصة في غايتها عرض بعض المشاريع التي يقبل عليها بعض الشباب والتي نتمنى أن لا يمروا في تجاربهم بمثل هذه الأمور وفي مواضع أخرى بعض الأشياء التي ربما تساعد على الدراسة الجدية في بعض المشاريع وهدفها الآخر هو كسر الروتين اذي يتم فيه طرح بعض المواضيع بصورة مكررة وبصورة جدية فقط  حاولت أن أجمعها على شكل قصة لتكون أقرب لكم . أتمنى لكم متابعة ممتعة وأن لا تكون مملة وكما قلت لكم في البداية فباب النقد مفتوح على مصراعيه حول أي فكرة ترد هنا أو حول الكتابة بشكل عام . لكم كل الشكر والتقدير مقدماً ======== سارة شابة متوسطة الحال تعيش في عائلة مكونة من أم وأخ ...والأب متوفي منذ ثلاث سنوات ، تعيش العائلة على راتب الأب التقاعدي الذي بالكاد يكفي لمعيشتهم في ظل الغلاء المتزايد فأصبحوا بمرور الأيام يتنازلون عن بعض الكماليات حتى طالت بعض الأساسيات . ساره في سنتها الأخيرة في كلية العلوم الطبية ---- عبدالعزيز شاب في مقتبل العمر يعيش وسط عائلة فقيرة مكونة من أب وأم وأربع بنات هو الولد الوحيد بينهم ، يدرس في الصف الثالث الثانوي يبدأ يومه من بعد صلاة الفجر ويستمر حتى الساعة العاشرة والنصف مساءاً بعدها يعود للبيت فقط ليستريح ويستذكر بعض دروسه إن أسعفه الوقت وإلا فهو في أغلب الأحيان يعود لينام من فرط التعب ------- في البداية هناك لكل منهما قصة نستعرض فيها ما سوف يمران به بداية من ..............بدايتهما . ================= البدايات ============== في صباح يوم السبت في الساعه التاسعة صباحاً ساره :- أمااااااااااااااااااااااه أم ساره :- وصمااااااااااااه ، وش تبين ؟؟ ساره :- ابي عشرين ريال أم ساره :- وشو وشو ، قولي مره ثانيه وش تبين ؟؟ كأني سمعتك تقولين تبيت عشرين ريال ساره :- ايه ابي عشرين ريال وش فيها بعد أم ساره :- ولوشو العشرين ؟؟ ساره :- اليوم بعد الجامعة بنروح الكوفي شوب وتعرفين قهوه ودونات أم ساره :- أقول ما لك إلا قهوتي وفطيره بنص ريال وتحمدي ربك ساره :-حرام عليك يا أمي ، كل البنات يجلسون ويسولفون في الكوفي شوب وتعالي شوفيهم أم ساره :- يا بتي ياسويره قالوها الأوليين ...... ساره :- " مد رجولك على قد لحافك " سمعناها الف مره بس يا يمه هالزمن غير أم ساره :- ما تغير الزمن إلا ناسه هم اللي تغيروا ساره :- يمه الحين وشو ما فيه عشرين ريال ؟؟؟ترى كلها عشره + عشره مهيب مليون علشان تصير نواحه أم ساره :- ووينهي مكافأتك اللي تاخذينها من الجامعه ساره :- كلها تسعمية ريال يعني ما تسوي شي ..... أم ساره :- نصها للحكي الفاضي في الجوال والنص الثاني للخرابيط اللي تعملينها مع هالبنات ساره :- يمه ماهيب خرابيط .....هذا اسمه ... "برستيج " أم ساره :- وش هالرستيجه بعد .....ايه ما هو مخربنك الا هالأكل من هالبوفيات ولا وش حلاته أكل البيت ساره :- ههههههههههههه يمه يمه البرستيج يعني ....... أم ساره :- بلا يعني ما يعني ...... مافي عشرين يعني ما في عشرين ساره :- الله يعينني على خطة المحفظه ....يبي لي أفكر في خطه ثانيه قبل لا أنكشف أم ساره :- أقول بلا كذب وخلك صادقه في حكيك مع الناس قولي لهم إن ما عندك فلوس وقولي لهم إنك بترجعي لأميمتك وتاكلي من إيدها أحلا أكل ساره :- يمه وحنا أكلنا هو أكل أم ساره :- وعمى ..... قولي الحمد لله على النعمه ساره :- أمممممممم الحمد لله على النعمه أم ساره :- يا بتي ناس في بيتهم ما في شي وانتي تتكبري على نعمة ربك ، ما ادري بكره إذا رحتي بيت زوجك وش بتسوين ساره :- يالله انك تجيبه اليوم قبل بكره وأفتك أم ساره :- جزاك الله كل خير يوم إن هذا تفكيرك يا بتي ساره :- لا يا يمه .....لا والله مهوب قصدي أم ساره :-يالله قصدك ولا مهوب قصدك ....خلاص ...الكلمه في القلب محفوظه بس إذا اللسان طلعها صارت مفضوحه ..... ساره :- والله يا يمه مهوب قصدي .........( وقامت تبكي  )أم ساره :- الله يستر عليك يابتي بس ترجعين من الجامعه راح اتكلم معاك في موضوع وإن شاء الله تتوفقي فيه ساره :- وش الموضوع ؟؟؟ أم ساره :- مهوب وقته الحين بس ترجعين من الجامعه ، باصك وصل الحين وإن شاء الله بعد ما ترجعين من الجامعه أكلمك فيه ساره :- يمه ، يمه ،يمه أم ساره :- قلت لك مهوب الحين وخلاص ، باصك وصل قبل لايروح عنك وبعدين نتورط في فلوس الليموزين ساره :- خلاص يمه مانيب رايحه الكوفي شوب وراح ارجع على طول لأحلى أم في الدنيا كلها  وباستها على راسها وطلعت للباص أم ساره :-الله يستر عليك ويوفقك ونشوفك أكبر " دختوره " في الدنيا يااااارب وقامت أم ساره تجهز أغراض الغداء الذي لا يتجاوز في مجمله حبة دجاج مع ارز وبعض الشوربه . *********** عبدالعزيز وكما أسلفنا يخرج للصلاة قب أذان الفجر ويذهب للمسجد يقرأ بعض آيات من القرآن الكريم ومن ثم بعد بعد صلاة الفجر يذهب إلى سوق الخضار يشتري بعض صندوقين إلى ثلاثه من كراتين التمر ويضعها في السيارة ومن ثم يذهب للمدرسة وبعد خروجه من المدرسة يذهب يبسط بالتمر أمام أحد المساجد ويبيع ما يمكن بيعه ومن ثم يذهب إلى مواقف أحد مجمعات المطاعم ويضع بضاعته المكونة من العاب للأطفال وبعض الأغلفة الجوال وإكسسوارته ويظل حتى بعد صلاة العشاء بقليل ومن ثم يعود ليعتني بأمه وأبيه ويجلس مع أخته الصغيرة قليلاً ومن ثم ينام وسط دعوات أمه وأبيه له بالتوفيق في هذا اليوم عاد عبدالعزيز وهو محمل بهم لا يعلمه إلا الله جل وعلا ، وصل للبيت وإستقبلته أمه يقلق بالغ أم عبدالعزيز:- وينك يا ودي خوفتنا عليك ....وش فيك متأخرن عن عادتك وصلت الساعه ثنعش وانت ما جيت عبدالعزيز:- ما فيه إلا الخير يا يمه ما فيه الا الخير أم عبدالعزيز:- أختك خلود تسأل عنك وا رضت تنام تقول وينه " ابت العسيس " عبدالعزيز:- وضحك رغم الهم اللي ملأ قلبه ....... الله يسلمها وراها ما نامت ما فيني الا الخير أم عبدالعزيز:- الله يسلمك ويعافيك يا ولدي ليش ما تاخذ لك يوم في الإسبوع إجازه عن هالشغل اللي كسر ظهرك ياولدي عبدالعزيز:- يمه تعرفين البير وغطاه وتعرفي حالتنا والحمد لله أم عبدالعزيز:- الله يعين بالحال يا ولدي ...تعال تعال ارب لك شوربه قبل لا تنام الله يرضى عليك ياولدي عبدالعزيز:- الله يسلمك يا يمه ....وشلون ابوي ما اشوفه اليوم في المجلس أم عبدالعزيز:- ابوك اليوم تعب ونام .....ولا رضى ياخذ " الحبوب " يقول خلاص تعب منهم عبدالعزيز:- لا يا يمه الدكتور موصي عليه ياخذهم ضروري أم عبدالعزيز:- الله يعين بكره انت قول له يشرب حبوبه ضروري عبدالعزيز:- خير يا يمه ، انا الحين با اروح " لخلود " اشوفها أم عبدالعزيز:- اني با اجيب لك الشوربه كان تقدر تخليها تشرب هي الثانيه بعد عبدالعزيز:- الله يقويك ويعافيك وإن شاء الله تفرج يا يمه أم عبدالعزيز:- الله يوفقك ويسلمك وذهب عبدالعزيز لأخته ....... عبدالعزيز:- ها خلود ....وش فيكي ما نمتي خلود :- عبت العسيس ..... تاخرت عبدالعزيز:- ههههه وانتين ليش ما نمتي ؟؟ خلود :- ما ابي ما ابي انام ابي اسوفك اول عبدالعزيز:- وكاني موجود ....يالله نامي خلود :- هاه ....أخخخخ اشششش .....أخخخخ إششششش عبدالعزيز:- هههههه خلاص خلاص ......الماما الحين بتجيب الشربه تشربي معاي وتنامي ...طيب خلود :- هيه هيه هيه ....سوربه ...سوربه عبدالعزيز:- الحين قمتي ....وراكي ما اكلتي من اول ....با اشرب الشوربه كلها عنك ....ما اعطيك ولا شي خلود :-ماني ماني ماني عبدالعزيز:- خلاص ......وبكره اشتري لك احلا لعبه بعد خلود :- ابي علوسه ....تقول ....يا تيبه .....يا تيبه عبدالعزيز:- إن شاء الله ........ ودخلت الأم وبيدها صحن الشوربه ........ وبعد ذلك نامت خلود وعبدالعزيز ........وانتهى هذا اليوم ليبتدي معه هم يوم آخر ..... غداً يوم آخر لكم خالص الشكر والتقدير 
|
|
13-03-2011, 09:47 AM
|
||||
|
||||
|
[align=center]
|
|
13-03-2011, 11:08 AM
|
|||
|
|||
|
ههههههههههههههههههههههههههههههه
|
|
13-03-2011, 03:27 PM
|
|||
|
|||
|
بالهيل والزعفران نحييك أخوي ابن الهيلا
|
|
13-03-2011, 03:29 PM
|
|||
|
|||
|
|
| أضف رد |
|
(( لا تنسى ذكر الله )) |
|
|
| أدوات الموضوع | |
| انواع عرض الموضوع | |
|
|
لا بس مثل ما قلت في البداية 
هم يعيشون على راتب الأب التقاعدي 
العرض العادي
