قصتي في مطارالملك خالد بالرياض؟؟؟

الملاك الحالم · #1 (**permalink**) 13-03-2011, 05:56 AM

السلام عليكم ورحمة الله وبركاته
شخباركم يااعضاء منتدانا الرائع اتمنى تكونو بافضل حال ورزقكم ربي من اوسع ابوابه
اميـــــــــــــــــــــــــــــــــــــــــــــــ ـــــــــــــــــــن
راح اخبركم بقصتي
انا كثير ماسافر وتحصل لي مواقف استغرب سبحان الله كيف ربي يسير الامور وويسرها
اغلب سفري طبعا مع

امي

رحمها ربي رحمه واسعه
تقريبا كل سفرياتي لاجل مستشفيات وعلاج وماشابه
لان الاسره تعتمد علي بكل شي
المهم
العام الماضي سافرنا انا والوالده طبعا كنا قاصدين مستشفى الملك فيصل التخصصي لان امي كانت مصابه بالسرطان عافانا الله جميعا
وصلنا مطار الرياض
بعدين
توجهنا للمستشفى
دخلت جهزت الاوراق والاجرأت
جلسنا بالانتظار
شوي الا الممرضه تنادي
دخلت انا والغاليه

كشف الدكتور عليها
وانا سبق وقلت له لو شي لاتتكلم قدامها
جلست اطالع بجهاز الاشعه عرفت ان فيه مشكله كبيره
بعدها الدكتور سكر الجهاز
وقال مب واضح بروح لجهاز ثاني انا فهمت انه عنده كلام قلت يمه بروح عشان اشوف الجهاز مع الدكتور
رحت وراه قال اجلسي
جلست
تكلم يادكتور اسمعك
قال امك بتموت ماعاد لها الا فتره بسيطه انتشر المرض فيها
قلت يادكتور الاعمار بيد الله بس تقدرو تقدموا شي ينفعها او يخفف اللمها؟؟
قال انا اقولك انها ميته
سارت مجادله بيني وبينه
هو مسيحي قال بتزيدين امك عمر بالقوه؟؟؟قلت احنا مسلمين ونؤمن بالقضاء والقدر
اهم شي قال تنويم لمدة اسبوع ويوم الاربعاء يسير خير
جاك الاربعاء طلعت التحاليل ان المرض محصور بمنطقه معينه
بس كان ماسك ع اكبر شريان يضخ للدماغ قالت امي ابي اطلع اليوم تكفين ابي ارجع ديرتنا ابي عيالي
كان يوم اربعاء
ماعندي تداكر والحجوزات تسكرت والرحلات فوووووووووول
قلت ع راسي ياامي ان مابتي في بيتك وبين اهلك لاتسميني؟؟؟؟؟؟؟؟؟
وقعت خروج قالو المستشفى تراك وقعتي لو ماحصلتي حجز ارجعي وحنا متاكدين مابتحصلي قلت بعون ربي مارجع وبسرعه للمطار اروح لقسم التكت قالو ماعاد في ........باقي نس ساعه ع الرحله الحجز انتهى

رحت جلست جنب امي قالت كيف يابنتي؟؟؟قلت ربك كريم
شوي الا باقي ربع ساعه

امي

خافت بس انا متاكده ان ربي بيفرجها
شوي والناس جالسه جات بنت كانت مسافره ع قطر بس ضيعت اخوها والمشكله ان جوالها منتهي شحنه............كانت تقول يابنات من تعطيني جوالها؟؟ابي اكلم ؟؟؟اي وحده تعطيني جوالها ماحد عطاها بال وتقول الطياره بتروح....كنت بعيده عنها وكان المطار زحمه حييييييييييييييل
اشرت لها بيدي قلت تعالي اخدي جوالي توها تدق الا اخوها جااااااااااي قالت جزاك ربي خير
والله العظيم هي راحت منها والموظف جاب لي التكت منها قال لك مقعدين لك وللوالده بس عجلي عشان تلحقين الطياره
وفعلا كلها كم ساعه الا واحنا بلبيت
سبحانك ياربــــــــــــــــــــــــــــــــــــــــــــــ ــــــــــــــــــــــــــــــــي مااكرمك

دعواتكم لامي الغاليه بالرحمه

قصتي في مطارالملك خالد بالرياض؟؟؟

إستراحة الأعضـاء

السلام عليكم ورحمة الله وبركاته شخباركم يااعضاء منتدانا الرائع اتمنى تكونو بافضل حال ورزقكم ربي من اوسع ابوابه ...

قصتي في مطارالملك خالد بالرياض؟؟؟

تسجيل الدخول

قصتي في مطارالملك خالد بالرياض؟؟؟

إستراحة الأعضـاء

السلام عليكم ورحمة الله وبركاته شخباركم يااعضاء منتدانا الرائع اتمنى تكونو بافضل حال ورزقكم ربي من اوسع ابوابه ...

قصتي في مطارالملك خالد بالرياض؟؟؟